Термодинамиканың бірінші заңы бойынша ашық сабақ

Қысқа мерзімді жоспар

Ұзақ мерзімді жоспардың тарауы:Термодинамика негіздері

Күні:

Сынып: 8В,Е

Мектеп: №62 Н.Төреқұлов атындағы жалпы орта мектеп

Қатысқандар:

Қатыспағандар:

Сабақтың тақырыбы:

Термодинамиканың бірінші заңы, газдың және будың жұмысы

Осы сабақта қол жеткізілетін оқу мақсаттары (оқу бағдарламасына сілтеме)

8.3.2.17 –термодинамиканың бірінші заңының мағынасын түсіндіру

Сабақтың мақсаты

Жылу процестеріндегі энергияның сақталу заңының орындалуын түсіндіру.

Газ және будың ұлғаю кезіндегі жұмыстың орындалуын түсіндіру

Молекулалардың жылулық қозғалысының есебінен ішкі энергияның артуын түсіндіру

Жұмыс пен ішкі энергияның қосындысының сақталуын,термодинамиканың 1 заңы арқылы түсіндіріп беру

Бағалау критерийі

Молкулалық-кинетикалық теория негізінде ішкі энергия ұғымын түсінеді.

Термодинамикалық жүйе жайында түсінік қалыптастырады және термодинамиканың бірінші заңының мағынасын біледі.

Термодинамиканың бірінші заңы үшін энергияның сақталу және айналу заңының орындалатынын біледі.

Мәңгілік қозғалтқыш ұғымын қалыптастыра алады.

Газ бен будың ұлғайған кезіндегі жұмыстың орындалуын біледі.

Изопроцестер орындалытынын формула және график арқылы жаза алады.

Тілдік мақсаттар

Термодинамика- грек сөзі (термо-жылу, динамика-күш) физика ғылымынындағы жылудың жұмыс және басқа энергия түрлерімен арадағы байланысын зерттейтін бөлімі.

Құндылықтарға баулу

«Мәңгілік Ел» жалпыұлттық идеясының индустрияландыру мен инновацияларға негізделген эконмикалық өсу, білім беру мен тәрбиелеуде іске асыру тетіктері.

Пәнаралық байланыс

Формулаларды түрлендіруде математика пәнімен байланыс орындалады.

Химиялық реакция кезінде еру, кристалдану, процестерінде энергияның бір түрден екінші түрге берілуін есептеу кезінде химия пәнімен байланыс орындалады.

Алдыңғы білім

Заттың күйі, механикалық жұмыс, Ньютонның заңдары, энергия, жылу, жылу берілу.

Сабақтың барысы:

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Басталуы

5 минут

Ұйымдастыру кезеңі: Ынтымақтастықты қалыптастыру. Тілек тілеу.

Оқушыларды түгелдеу.

Бүгінгі сабаққа деген көңіл күйлерін, сабаққа дайындығын сұрау.

Белсенді оқыту: «Екі шеңбер» Оқушылар үйден дайындап келген сұрақтарға жауап алып, көршісінің сұрағына жауап береді. Өткен бөлім 8.1 В «Агрегаттық күйлер» тақырыптары бойынша.

Кері байланыс: «Ынталандыру»

8 сынып физика оқулығы.

Жаңа білім

15 минут

Белсенді оқыту: «Зерттеуге негізделген оқу»

Тапсырма: Мұғалімнің жетекшілігімен жүретін зерттеу.

Бейнематериал. Жабық пробиркада су қайнағанда пробирканың тығынының атылып кетуін түсіндіру барысында сабақтың тақырыбы мен мақсатын айқындау.

Қандай құбылысты байқадыңдар?

Мұндағы отынның жылу мөлшері қайда жұмсалды?

Сұйық буға айналып, жұмыс жасады ма?

Бұл сұрақтар арқылы оқушылар газ бен будың ұлғайғандағы жұмысы термодинамика негіздеріне кіріспе екенін білді.

Берілген мәтіндерді балалар оқып алады:

Механикада энергияның сақталу және айналу заңы оқшауланған жүйелер үшін орындалатыны сендерге мәлім. Онда механикалық энергияның кемуі әрқашан жүйенің ішкі энергияның арту шамасына тең болады, толық энергия бұл жағдайда тұрақты қалады.

Бұл заңның жылу құбылыстарына қолданылуын физиканың «Термодинамика» атты бөлімінде қарастырады. Термодинамиканың негізін «Термодинамика бастамалары» ддргееп аталатын екі заң қалайды.

Жылжымалы поршені бар цилиндрдегі гады қыздыруға арналған тәжірибені еске алайық.(64-беттегі 38 сурет).

Газы бар цилиндрге жылу берілгенде газдың ішкі (U) артады және поршеньді көтеру үшін жұмыс (А) атқарылады.

Бұл тәжірибенің нәтижесін мынадай математикалық өрнекпен беруге болады:

Q=U+A

Жүйеге берілген жылу оның ішкі энергиясының өзгерісіне және жүйенің сыртқы денелерге қарсы істейтін жұмысына жұмсалады.

Бұл термодинамиканың І заңы.