Тігін бұйымдарының түрлері мен жіктелуін зерттеу

Сабақ тақырыбы:

Шалбардың пішінді бөліктері , сызықтар мен кесіділердің аттары

Сабақ мақсаты:

Шалбардың пішінді бөлшектерінің аттарымен таныстырып, пішіндінің негізгі бөліктерін көрсету

Шалбар пішімінің бөлшектері

Шалбар пішімінің ерекшеліктері . Шалбар дайындауға кіріспес бұрын ,

жаппай өндіріске арналған техникалық шарттарда келтірілген сыртқы

түр сипаттамасымен немесе киімді жеке дайындау кезіндегі түбіртек

жазбаларымен және суреттемемен танысып алу қажет . Пішімді мынадай

реттілікпен тексереді : пішім бөлшектерінің болуы , арқаужіп , сурет

бойынша пішімнің дұрыстығы , бөлшектерде текстильді ақаулардың болуы . Шалбар бөлшектері пішуге арналған техникалық шарттарға сәйкес пішілуі тиіс .

Шалбардың алдыңғы және артқы бөліктерінде (1.6-сурет, а, б) арқаужіп астыңғы ені бойынша және тізе деңгейінде шалбар бөлігі ортасының нүктелерін біріктіретін сызыққа параллель өтуі тиіс . Суретсіз мата үшін арқаудың қалыпты бағытынан алдыңғы бөлікте 3%, артқы бөлікте 4% ауытқуға жол беріледі . Жолақты не торлы суреті бар мата үшін шалбардың алдыңғы бөлігінде ауытқуға жол берілмейді , артқы бөлігінде 3%- тен артық ауытқуға жол берілмейді . Орташа және ірі анық көрінетін торлы суреті бар мата пішімі кезінде бүйір тігістердегі көлденең жолақтар сәйкес келуі тиіс .

Бүйір қалтаның үстіңгі ұшын үстіңгі қиықтан 5 см- ден жақын емес арақашықтықта

орналастырады . Бүйір қалта ойығының ұзындығы 48-ші өлшемді бұйымдар үшін

18 см- ге тең , сағаттық қалта ойығының ұзындығы 7... 8 см. Шалбардың артқы оң

жақ бөлігіндегі қалта сызығы шалбардың үстіңгі қиығынан 8 см арақашықтықта

және бүйір қиықтан 4...5 см арақашықтықта өтуі тиіс . Жеке тапсырыс бойынша

жасалатын шалбардың артқы бөлігін пішу кезінде шалбардың артқы бөлігіне

көмекші қосымшалар жасалады : адым қиығына және ортаңғы қиыққа үстінен

2...3, астынан 1 см.

Қалта қақпақшаларында (1.6-сурет, е) арқаужіп қалта орналасқан шалбар бөлігінің

арқаужібіне сәйкес келуі тиіс . Арқаужіптің қалыпты бағытынан жол берілетін ауытқулар :

суреті жоқ мата үшін 5 %, суреті бар мата үшін 2 %.

Гульфикте (1.6-сурет, в) арқау шалбар бантының қиығына параллель өтуі тиіс .