Тіл дамыту 3-сыныпқа арналған авторлық бағдарлама

Дилдабаева Назерке Канатовна-

Алматы облысы Сарқан ауданы Лепсі ауылы №54 орта мектептің бастауыш сынып мұғалімі

Авторлық бағдарлама. Тіл дамыту 3-сынып

Түсінік хат

Авторлық бағдарлама Қазақстан Республикасы Үкіметінің Орта білім берудің (бастауыш, білім беру) мемлекеттік жалпыға міндетті стандартына және 3-сыныптарда жаңартылған білім мазмұны бойынша оқу процесін ұйымдастыру ерекшеліктеріне арналған әдістемелік нұсқау хат, әдебиеттік оқу мен қазақ тілі пәндері бойынша оқу үдерісін ұйымдастырудағы ерекшеліктері талабын негізге ала отырып құрылды.

Авторлық бағдарламаның басты мүмкіндігі ауыз екі сөйлеу және оқу арқылы тез және анық сөйлей білуге дағдыландыру,ана тілін жетік меңгеруге ынталандыру.

Оқыту барысында оқушыларды әдебиеттік оқу мен қазақ тілі пәндерінен алған білім, білік, дағдыларын, танымдық қабілеттерін, байланыстыра сөйлеулерін, сөздік қорларын және пәнге деген қызығушылықтарын арттырады.

Берілген тапсырмаларды орындауда оқушылар өз беттерімен ізденеді, оқушының ой өрісін кеңейтіп есте сақтауын дамытады, байқағыштығын қалыптастырады, эвристикалық қабілеті шыңдалады. Оқушының өзіндік пікір айтып оны қорғай білуіне мүмкіндік жасалады. Берілген тапсырмалар оқушының жас ерекшелігін ескере отырып құрастырылды. Бастауыш сыныптарда тіл өнерін меңгертудің алғашқы баспалдағы ретінде оқушының сөздік қорын, байланыстырып сөйлеу машықтары мен дамыту бағытындағы жұмыстарға негізделеді.

Тіл дамыту жұмыстарының бағыттары:

Ойындық әрекеттер: •; Көріністер;

.Сөзжұмбақ, ребустар •. Рөлге бөліп талдау

. Ауыз әдебиеті үлгілерімен, ұлы ойшылдар шығармаларымен таныстыру : • Ертегі, аңыз- әңгіме, мақал-мәтелдер, жұмбақ, жаңылтпаштар; • Нақыл сөздер;

«Тіл дамыту» барлығы -34 сағат,аптасына 1- сағат .

Мақсаты:

-оқушының сөздік қорын дамыту арқылы байланыстыра сөйлеуге үйрету.

-тілдерін дамыту арқылы көркем шығармаларды оқып, талдай білуге үйрету.

-таным көкжиегін кеңейту арқылы сапалы білімге қол жеткізу.

- ауызша және жазбаша сөйлеу тілдерін, сөйлеу мәдениеттерін қалыптастыру.

-халқымыздың ауыз әдебиеті үлгілерінің бай мұрасымен таныстыру арқылы ой-қиялдарын ұштау.

-ізенімпаздыққа, еңбексүйгіштікке, шығармашылыққа баулу.

-баланың шығармашылық қабілетін дамыту, интеллектуалдық деңгейін көтеру.

Міндеттері:

Оқушының оқу дағдысын қалыптастыру және жетілдіру.

Көркем шығармаларды оқуға деген қызығушылықтарын ояту.

Шығарманың мазмұн-мәнін түсінуін, эмоциялық қабылдауына(кейіпкердің көңіл күйіне ортақтасу,күйіну, сүйіну,т.б.) қол жеткізу.

Шығармадан көркем бейненің ерекшеліктерін аша білуге бағыттау.

Ауызекі және жазбаша тілді байланыстыра отырып,сөйлеуін ( ойын еркін жеткізу,сауатты да мағыналы, түсінікті жаза білу) дамыту.

Шығармашылық белсенділік пен суреткерлік қиялын жетілдіру.Ұлттық ерекшелігін,дәстүрін зерделей білетін оқушыларды тәрбиелеу.Оқушының бойына өз халқының игілігін дарыту.

Күтілетін нәтижелер:

-Оқу дағдыларын қалыптастырады;

-Көркем шығармаларға қызығушылықтары артады

-Шығармалардың мазмұнын түснеді

- Сөз және оның мән-мағынасы ажырата алады;

-Тыныс белгілері,оларды ажырата білу

-Мәтін жанрын ажырату,басты кейіпкерге мінездеме беру

-Халық ауыз әдебиеті үлгілерін түрлеріне қарай ажырату, түсіну, өмірмен байланыстыру-сонымен қатар оқушылар өздерінің құрастырған шығармашылық жұмыстарын қорғауды меңгереді.

Өзектілігі:

Оқушыларды тіл заңдылықтарын қолдана білуге,ауызекі және жазбаша сөйлеу біліктіліктерін тиімді меңгеруге үйретеді.Сөздің құдіретін, сөйлеудегі керемет сезім тіршілігін сезініп, ана тілінің жұмбақ сырларын біліп, сөйлеу өнерін игеруге талпындырады, оқушының ойлау

қарым-қатынас кезінде өздерін еркін ұстауға үйретеді.Оқушыны жан-жақты жетілген,өз бетімен әрекет ете алатын, шығармашыл-ізденімпаз тұлға болып қалыптасуына жағдай жасайды.

«Тіл дамыту» пәнінің бағдарламасы негізінде оқушылар ұғымдарды, мақал-мәтелдер мен даналық сөздерді өмірде өзі үшін пайдалануды үйренеді.