Тілашар мерекесінің сценарийі 1 сынып

№58 жалпы білім беретін орта мектебі

1 «А» сыныбы.

Сынып жетекшісі :Манапова Р.М.

2018 – 2019 оқу жылы

Мақсаты: 1-сынып оқушыларының әліппені оқып,бітіруіне байланысты мерекелік ертеңгілік ұйымдастыра отырып,оқушылардың білімін,оқу дейгейін көрсету,ата-аналарды мектепке тарту.

Көрнекілігі: Әртүрлі суреттер,өлең жолдары,жаңылтпаштар,плакаттар,телевизор,

компьютер,аудио таспалар,шарлар,ертегі кейіпкерлері,гүлдер.

Өтілу барысы:

1.Кіріспе сөз.

- Құрметті 1-сынып оқушылары сендер оқу жылының алғашқы тоқсанын ойдағыдай аяқтап, екінші тоқсанға қадам бастыңдар. Бұл өте үлкен қуаныш,үлкен мереке. Бұған тек сендер ғана емес ата-аналарың да, алғашқы ұстаздарың да қуныш үстінде.Міне,сендерді бүгінгі мерекелеріңмен құттықтай отырып, «Тілашар той» мерекесін бастаймыз.

1.Музыка . «Ертегілер» әні орындалып тұрады,оқушылар музыкаға билеп тұрады.

Сахнаға Мальвина шығады.

Мальвина:Армысыздар,құрметті достар!

Бірге: Тілашар тойы құтты болсын!

1.Сахнаға жүгіріп Буратино шығады. Олай-бұлай жүгіріп жүреді.Қолында сауат ашу кітабы бар.

Буратино: - Балалар,мені таныдыңдар ма? Мен кіммін?Кіммін?Кіммін?

-Иә,БУ –РА- ТИ-НО! (Сахнадағы көрермендер «Буратино» деп айқайлайды.)

Неге жиналып отырсыңдар,міне қызық !

Қандай әдемісіңдер!

Мына жер қандай көңілді!

Мальвина: Тағы бір той жасайық!

Кітап бетін ашайық.

Ашқан білім есігін.

Оқушыларды білім жолына бастайық!

-Сәлем,Буратино!Неге мектепке келмей жүрсің?

Буратино:

-Мектепте оқыған қызық емес.Мен санау білемін .Мен әріптерді танимын.

Мальвина;

-Ал,санашы.

Буратино:

-Мірім, ешкім, үшкіш, төккіш, бекіш,алғыш, жеткіш....

М:

-Қой,мынау тіпті сан емес қой.Қане,қояндар,келіңдер.10-ға дейін санаңдар.(Екі оқушы шығып 1-10 ға,10-1 ге дейін санап береді.)

Екі қоян: Е.Нұрасыл мен Нурали шығады.

-Ал,әріптерді білесің бе?

Б:

Алма, әтеш, бақа, велосипед, гүл, ғарыш, доп.(Суреттен әріпті емес,тек суреттерін ғана айтып береді.)

М:

-Бұның да дұрыс емес.Қане, оқушылар әріптерді айтып берейікші.

(Екі оқушы тақтаға шығып әріптерді айтады.Ана,бала,Отан сөздерін көрсетіп тұрады.) Айдын мен Р.Ибрагим атайды.

Мальвина: Буратино, оқушылар саған Алфавиттің сырын ашып беретін болады, олар ашпас бұрын Алдан Інжудің орындауында «Ұстаз - ана» әнін тыңдайық.

Мальвина: Құрметті қонақтар! 1 «А» сыныбының сүйкімді оқушылары қазақ әріптерінің сырын ашады! Ендеше қошеметпен қарсы алайық!

Оқушылар: «Алфавит сыры» өлеңін оқиды.

Р.Нұрасыл: Альфавиттің

А тұрады басында.

Айсана: Әрқашанда

Ә тұрады қасында.

Дінислам: Байқадың ба?

Б тұрады үшінші.

Ал осының сыры неде түсінші:

Нурали: А деген ол-аналар ғой ардақты.

Б.Ибрагим: Ә деген ол-әкелер ғой салмақты,

Б деген ол-балалар ғой әдемі.

Біздің елде үшеуі де кәделі.

Бірге: Алшақ кетпей

Сондықтан да расында ,

Тұрады олар

Альфавиттің басында.

Әріптер шығады:

Ғ әріпі- Сафия: «Ғылым теңіз – білім қайық»

Қ әріпі – Гүлім: «Қуаныш қайғымен, бірге жүреді»

Ң әріпі – Алинұр: «Терең ой – биікті көргіш»

Ө әріпі – Диас: «Өнер алды – қызыл тіл»

Ұ әріпі – Мейір: «Ұяда не көрсең, ұшқанда соны ілісің»

Ү әріпі – Інжу: «Үлкенге құрмет – кішіге міндет»

Һ-әріпі – Д.Дәрия: Аты мәшһүр жаһанға, Бауыржан ата қаһарман.

І – әріпі – Адлен: «Ақылды іс тындырады, ақымақ тіс сындырады»

Мальвина: Буратино мына оқушылар сондай өнерлі, олар бүгін өте көп ән шырқамақшы. Ән тыңдауға қалай қарайсың?

Буратино: О-о тамаша! Мальвина мен ән тыңдағанды сондай ұнатамын.

Мальвина: Ендеше ортада, Рысбек Ералы мен Рашит Қарақаттың орындауында «Аналардың тілегі» әнін қарсы алайық.

Мальвина мен Буратино шығады:

М: -Буратино,сен «Шалқан» туралы ертегіні білесің бе?

Буратино: Жоқ ,білмеймін.

М:-Онда бізде қонақта «Шалқан» ерттегісінен келген қонақтар.Қарсы алайық.

Музыка ырғағымен оқушылар сахнаға шығады. Ертегі қойылымы басталады.

(Соңынан бәрі бас иіп шығып кетеді.)

Мальвина:

Қалай Буратино ұнады ма?

Б:-Иә,иә қатты ұнады,қандай қызық! Бірақ,тағы қызықты бір зат көргім келіп тұр.Тағы қандай өнерлерің бар?

М:-Онда, сен біздің Ергалиев Нұрасылдың өнерін тамашала. Ол бізге «Күзгі вальс» әнін орындап береді. Сіздерді ортада вальс билеуге шақырамыз!