Тізбек бөлігі үшін Ом заңы ашық сабағы 8 сынып

«Алгорифм» физика – математикалық лицейі

Ашық сабақ

Тақырыбы: « Тізбек бөлігі үшін

Ом заңы»

Пән мұғалімі: Тастанова Ж.О.

Сыныбы: 8 - сынып

Алматы қаласы

Сабақтың тақырыбы: Тізбек бөлігі үшін Ом заңы

Мақсаты: Ток күші мен кернеу арасындағы өзара байланыстарды анықтап, кедергі ұғымымен және Ом заңымен танысу.

Сабақтың көрнекілігі: Слайдтар, деңгейлік тапсырмалар, интерактивтік тақта

Құрал-жабдықтар: Амперметр, вольтметр Омның суреті

Сабақ жоспары.

І. Ұйымдастыру бөлімі

ІІ. Миға шабуыл (қызығушылығын ояту)

ІІІ. Мағынаны ажырату. Жаңа сабақ.

ІV. Есеп шығару

V. Үй тапсырмасы.

VІ. Қорытынды. Оқушыларды бағалау

Сабақтың барысы:

1. Ұйымдастыру бөлімі. 2. «Қызығушылығын ояту» Оқушыларға үй тапсырмасын

қайталау үшін "дұрыс - бұрыс" әдісімен сұрақтарын қойылады.

ІІ. Қызығушылығын арттыру. Миға шабуыл

Ток күші дегеніміз - өткізгіштің бірлік қимасынан өтетінін

зарядтардың реттелген қозғалысын көрсететін физикалық шама. -( дұрыс). Ток күшін өлшейтін құрал волтьметр. - (бұрыс, амперметр) Электр зарядының кез келген реттелген қозғалысы - кернеу

деп аталады. (бұрыс) Ток күшінің өлшем бірлігі Ньютон. (бұрыс, А)

Ток күшін өлшейтін құрал амперметр өткізгішке параллель

жалғанады. (бұрыс, тізбектей жалғанады) ЭҚК - нің формуласы q/t - қа тең. (бұрыс, А/ q) Кернеуді өлшейтін құрал - вольтметр. (дұрыс) Вольтметр өткізгішке тізбектей жалғанады. (бұрыс,

параллель жалғанады)

ІІІ. Жаңа сабақ . Жаңа сабақ тақырыбы: “ Тізбек бөлігі үшін Ом заңы ”.

Біз өткен сабақтарымызда ток күші мен кернеуді жеке - жеке қарастырдық. Енді бүгінгі сабағымыздың мақсаты ток күші мен кернеу және кедергілердің арасындағы өзара байланыстарды анықтап, Ом заңымен танысу.

Мына суреттегі құралдарды атаңдар? 1және 2 нөміріндегі құралдарды ата, неге олай ойлайсың?

( кілт, ток көзі, резистор, амперметр, вольтметр, қосқыш сымдар. 1нөмір вольтметр, себебі ол тізбекке параллель жалғанады, ал 2 нөмір амперметр – ол тізбектей жалғанып тізбектегі ток күшін анықтайды.)

Электр тогы деп электр зарядтарының реттелген қозғалысын айтады. Өткiзгiштегi оң зарядталған бөлшектердiң қозғалыс бағыты электр тогының бағыты ретiнде алынады. Ток күшi деп аталатын шама I электр тогының сандық сипаттамасы болады. Өткiзгiштiң көлденең қимасы арқылы бiр уақыт аралығында тасымалданатын заряд мөлшерiн ток күшi дейдi. Егер өткiзгiштiң көлденең қимасы арқылы t уақыт аралығында q

заряды тасымалданса, ток күшi тең болады. Халықаралық бiрлiктер жүйесiнде СИ ток күшi ампермен (1 А) өлшенедi. Ол француз ғалымы Андре Мари Ампердiң атымен аталады. Немiс физигi Георг Ом ток күшi тiзбектiң бөлiгiндегi кернеуге тура пропорционал екенiн тапты: