Толық ондықтар тақырыбына сабақ жоспары 3 сынып

Сабақтың тақырыбы: Белгісіз азайтқышты табуға берілген есептер. Пысықтау.

Білімділік мақсаты: есептің жаңа түрін шешу жолымен таныстыру, ондықты аттап қосу мен азайтудың өтілген жағдайларын пысықтау

Дамытушылық мақсаты: қосу мен азайту жағдайларына қатысты өткенді пысықтау

Тәрбиелік мақсаты: ұқыптылыққа тәрбиелеу

Сабақтың барысы:

І. Ұйымдастыру кезеңі.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару.

ІІ. Тірек білімді пайдалану.

Ауызша жаттығулар:

«Мысалдар тізбегі» ойыны. Мұғалім мысалдар айтады (5+3). Балалар оны ауызша орындайды, ал тақтаға шығарылған бала жауапты емес, осы саннан басталатын мысалды айтады. Мысалы, 5+3, 8-2, 6+10 және т.б.

Сандар құрамын қайталау. «Санды екі санға ауыстыр» ойыны. Мұғалім бір жағында 13 саны (немесе кез келген басқа сан) бекітілген таразының екінші басына екі санды қоюды сұрайды. Ойын барысында балалар 11, 12, 13, 14 сандарының құрамын қайталайды. Тақтадағы бала тапсырманы орындайды, ал қалған оқушылар бағдаршам карточкалардың көмегімен жауаптың дұрыстығын тексереді. Содан кейін оқушылар дәптерге мысалдарды жазады.

«Санды тап» ойыны. Мұғалім (немесе алдын ала дайындаған оқушы) тапсырманы оқиды:

Мен бір сан ойладым, егер одан 4-ті азайтсақ, нәтижесі 2 болады. мен қандай сан ойладым?

Мен бір сан ойладым, егер одан 10-ды азайтсақ, нәтижесі 2 болады. Мен қандай сан ойладым?

Мен бір сан ойладым, егер одан 10-ды азайтсақ, нәтижесі 30 болады. мен қандай сан ойладым?

№1 жаттығу ауызша орындалады.

ІІІ. Жаңа материалды оқып үйрену.

ІҮ. Оқулықпен жұмыс.

Есептің жаңа түрімен таныстыру үшін көрнекі құралға сүйене отырып, сабақты мақсатқа лайықты жүргізу керек. Оқулықтағы 2-тапсырманың сызбасы арқылы да түсіндіруге болады. Мұғалім түсіндіру жұмысын былай жүргізу керек: «Таспаның неше сантимерті қиып алынды? Неше сантиметр таспа қалды? Есепте нені білу керек?» (Таспаның ұзындығы неше сантиметр болған еді?). таспаның бір бөлігін кесіп алғанда, тағы бір бөлігі қалды, біз ұзындық қалған бөлігінен артық па, кем бе? (артық). Бастапқы ұзындық қалған бөлігінен артық па, кем бе? (артық). Олай болса, таспаның ұзындығын табу үшін қандай амал қолданамыз? (қосу амалы).