Топтық жұмыс арқылы өзін-өзі реттеуді дамыту 6 сынып

«Топтық жұмыстар арқылы 6-сынып оқушыларының PYP-ден MYP-ке өту кезіндегі өзін-өзі реттеу дағдыларын дамыту»

Сейтжағыпарова Айжан Еркінқызы – педагог – организатор – куратор

Астана қаласындағы Халықаралық мектеп

Халықаралық бакалавриаттың (IB) білім беру бағдарламалары оқушыларды тек академиялық біліммен ғана емес, сонымен қатар өмір бойы қажет болатын дағдылармен де қаруландырады. PYP (Primary Years Programme) мен MYP (Middle Years Programme) арасындағы өтпелі кезеңде оқушылардың өзін-өзі реттеу дағдыларын дамыту маңызды рөл атқарады. Бұл мақалада топтық жұмыстар арқылы осы дағдыларды дамыту жолдары қарастырылады.

Мұғалімдер оқушының өзін-өзі реттеу дағдысын дамытушы ғана емес, сонымен қатар бағыт беруші коуч ролін де атқаруы қажет. Ол үшін мұғалімдерге келесі қадамдар ұсынылады:

Модель көрсету: Мұғалім өз әрекеттері арқылы үлгі көрсетуі керек. Мысалы, тапсырманы қалай жоспарлау, ақпаратты қалай жинау, қалай талдау керектігін көрсету арқылы оқушы үйренеді.

Жеке қолдау: Әр оқушының даму деңгейі әртүрлі. Кей оқушылар дербес жұмыс істей алса, кейбіреулеріне бағыт-бағдар қажет. Сондықтан мұғалім әр оқушыға сараланған қолдау көрсетуі керек.

Оқу ортасын ұйымдастыру: Қолайлы оқу ортасы оқушының өз ойын ашық білдіруіне, еркін жұмыс істеуіне және жауапкершілікті сезінуіне жағдай жасайды.

Өзін-өзі реттеу дағдыларының маңызы

PYP бағдарламасында оқушылар өз оқу процесіне жауапкершілікпен қарап, өз әрекеттерін жоспарлап, бақылап, бағалайды. Бұл дағдылар MYP бағдарламасында да жалғасады, бірақ күрделене түседі. MYP бағдарламасының өзін-өзі басқару дағдыларына уақытты тиімді басқару, эмоцияларды бақылау, мақсат қою және оған жету стратегияларын әзірлеу кіреді.

Топтық жұмыстардың рөлі

Топтық жұмыстар оқушылардың әлеуметтік және эмоционалдық дағдыларын дамытуға ықпал етеді. Олар бірлесіп жұмыс істеу, пікір алмасу, жауапкершілікті бөлісу және өзара қолдау көрсету арқылы өзін-өзі реттеу дағдыларын жетілдіреді. MYP бағдарламасында топтық жұмыстар арқылы оқушылар өздерінің күшті және әлсіз жақтарын анықтап, оларды дамытуға мүмкіндік алады.

Мұғалімдерге арналған ұсыныстар

1. Өзін-өзі реттеу дағдыларын оқыту

Мұғалімдер оқушыларға өзін-өзі реттеу дағдыларын үйрету үшін арнайы жаттығулар мен тапсырмалар ұйымдастыруы қажет. Мысалы, оқушыларға өз мақсаттарын қоюды, оларды жоспарлауды және нәтижелерін бағалауды үйрететін тапсырмалар берілуі мүмкін. Бұл дағдыларды дамыту үшін оқушыларға өз ойларын білдіру, пікір…