Цифрландыру үдерісін оқу-тәрбиеге енгізу мақаласы

Муканова Нургул Кулжагазиновна

«Шәкәрім атындағы үш тілде оқытатын көпбейінді гимназия» КММ.

ШҚО.Семей қаласы

Цифрландыру үрдісінде.

ХХІ ғасыр- озық технологиялар ғасыры. Адамзатқа компьютерлік сауаттылық қажет. Білім берудің негізгі мақсаты - білім мазмұнын жаңартумен қатар,оқытудың әдіс-тәсілдері мен әр түрлі құралдарын қолданудың тиімділігін арттыруды талап етеді. Осы мақсатты жүзеге асыруда ақпараттық технологияны пйдалану әдісі зор рөл атқарады. Осы орайда ел Президенті Н.Ә.Назарбаев 2020-жылғы Қазақстан халқына Жолдауында – «Оқу үдерісінде ақпараттық технологияларды білім беру саласын жақсартуда қолданыс аясын кеңейту керек» деген сөзін басшылыққа ала отырып, сабақта жаңа ақпараттық технологияларды пайдалануға жаппай көшуіміз керек. Ақпараттық технологияларды сабақта пайдалаудың негізгі мақсаты: Қазақстан Республикасында біртұтас білімдік ақпараттық ортаны құру, жаңа ақпараттық технологияны пайдалану, Қазақстан Республикасындағы ақпараттық кеңістікті әлемдік білім беру кеңістігімен сабақтастыру болып табылады.

Мұғалім мен оқушы арасындағы психологиялық байланыс сабақтың нәтижелі өтуіне ықпалын тигізеді. Игеретін білім мен ғылымды одан әрі терең меңгере түсуіне ақпараттық технологияны қолдану және оны әрі терең меңгере түсуде интерактивті тақтаны қолдану және оны оқу процесінде жүзеге асырудың маңызы зор.

Мақсатым – оқу үрдісінде ақпараттық технологияны қолдану арқылы оқушылардың шығармашылық потенциалын дамыту, интеллектуалдық, эстетикалық және ақпараттық сауаттылығын арттыру.

Электронды оқулықтарды пайдалану барысында оқушылардың сабаққа деген ынтасы күрт артқандығы байқалды. Мұғалім өзіне қажетті әдістемелік, дидактикалық көмекші құралдарды ала алады.

Сабақтың әр алуан кезеңдерінде білім жағдайын анықтау, оқу үдерісін жетілдіріп оның сапасын арттыру өте қажет фактор. Оны жүйелі түрде тексеріп отырғанда оқушыларға оқуға жауапкершілікпен қарау әдеті тәрбиеленіп, олардың жеке ерекшеліктерін айқындауға мүмкіндік береді.

Енді осы сабақ барысындағы нәтижеге тоқталып өтейік.

Ақпараттық-коммуникациялық технологияны біз өз сабақтарымызда қалай қолданамыз?

- Электрондық оқулықтарды қолдану арқылы;

- Интербелсенді тақтаны қолдану арқылы;

- Тұсаукесер сабақтарында слайдтар көрсету арқылы;

- Интернет жүйесін қолдану арқылы;

Оқу үрдісінде ақпараттық-коммуникациялық технологияны қолдану мұғалімге не береді? деген сұрақ туындайды. Ақпараттық-коммуникациялық технологияны қолдану мұғалім үшін тиімді.

- Оқушылардың сабаққа деген қызығушылығын арттырады;

- Білім сапасын арттыра алады;

- Оқушының білімін кез келген уақытта бағалай алады;

- Мұғалімнің уақытын үнемдейді;

- Көрнекіліктердің жиынтығын арттырады;

Ал, ақпараттық-коммуникациялық технологияны қолдану оқушыға не береді?

- Оқушылардың сабаққа деген қызығушылығын арттырады;

- Сабақта уақыт үнемделеді;

- Оқушылардың шығармашылығын арттырады;

- Білім сапасын арттыруға әсер етеді;

- Оқушыларды жеке жұмыс істеуге үйретеді;