Цирк тақырыбындағы сабақ жоспары мектепке дейінгі балаларға

Ұйымдастырылған оқу іс-әрекетінің

технологиялық картасы

«» II сәбилер тобы

Білім беру саласы:Таным

Бөлімдері: ҚМҰҚ

Тақырыбы: Цирк

Мақсаты: бөлме(арена) ішіндегі заттардың орналасуын түсіндіру арқылы кеңістікті бағдарлауды жалғастыру; ұқыптылыққа тәрбиелеу; танымдық қызығушылығын арттыру.

Қостілдік компонент: маймыл-обезьяна, сайқымазақ-клоун, орындық-стул, шам-свеча, кірпі-ежик.

Қажетті құралдар: аренаның суреті, маймылдардың суреті, сайқымазақ суреті, «сиқырлы қорапша», орындықтар, шамдар, ит, қонжық, мысық, қоянқ кірпі ойыншықтар, геометриялық пішіндер, шымылдық.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушылық

Бізге қонаққа Сайқымазақ келіп қалды.

-Балалар, циркке барғыларың келе ме?

Сайқымазаққа назар аударады.

Ұйымдастыру-

іздестіру

«Маймылдар» дидактикалық ойыны

Тақтада үлкен аренаның суреті ілініп тұрады. Балаларға саусаққа киілетін маймылдарды таратып береді.

-Қане, біз маймылдарды тірілтейік.

Сұқ саусағына маймылдарды кигізіп, қимылдар жасайды.

-Біз аң үйретуші боламыз, бұйрық береміз: маймыл орындыққа отыр;(үстел астына отыр; үстелдің үстіне секір; менің иығыма отыр; қолыма отыр).

«Арена» ойыны

Суреттерді орындарына орналастыруды ұсынады. Мысалы, ортадағы аренаға сайқымазақты қою, «сиқырлы қорапшаны» сайқымазақтың қасына орналастыру, жан-жаққа орындықтарды орналастыру, т.б.

«Аренадағы иттер» дидактикалық ойыны

Сурет бойынша сұрақтар қояды:

-Аренада қанша ит?

-Аңдарды жаттықтырушының саны қанша?

-Қанша ит болса, сонша орындық қойыңдар.

Сергіту сәті

«Қалмай қайтала» ойыны

Үш рет көзімді жұмамын,

Үш рет иықты көтеремін,

Үш рет басымды шайқаймын,

Үш рет оңға-солға еңкейемін,

Үш рет орнымда секіремін.

1,2,3-терең тыныс аламын.

«Аңдарды тап» дидактикалық ойыны

Топтың әрбір жеріне ойыншық аңдарды қояды:

-Қонжықты тауып,оның қайда тұрғанын айт.

-Итті тауып ал. Оны қайдан таптың?

-Мысық қайда тұр?

Ойыншықты тауып алған соң, жүрген жолының бағытын қайталап айтып беруі керек.

Маймылдарды саусаққа кигізіп, қызығып ойнайды, тапсырмаларды орындайды.

Суреттерді бір-бірден алады, тәрбиеші айтқан орынға орналастырады.

Сұрақтарға жауап береді.

Қимылдар жасап ойнайды, көңілдерін көтереді.

Бір бала ортаға шығып, аңдарды іздейді, орнын анықтайды.

Жүрген жолының бағытын айтады.

Қайдан тапқанын айтады.

Рефлек

сивті-түзетуші

лік

Сұрақтар қойып, тақырыпты қорытады.

-Біз қайда бардық?

-Не жасадық?

Балаларды мадақтап, ұйымдастырылған оқу іс-әрекетін аяқтайды.

Сұрақтарға жауап береді.

Күтілетін нәтиже:

Нені біледі: бөлме ішіндегі заттардың орналасуын түсіну арқылы кеңістікті бағдарлауды.