Қысқы шыршалар тақырыбындағы сабақ жоспары мектепке дейінгі балаларға

Маңғыстау облысы Ақтау қаласы№ 55 «Қыран» балабақшасының тәрбиешісі Тажигулова Айнур

Білім беру саласы: «Шығармашылық»

Білім бөлімі: «Сурет салу»

Тақырыбы: «Қысқы шыршалар»

Мақсаты: Балалардың сурет салу іскерлік дағдыларын жетілдіру, балауызбен жұмыс істеуге жаттықтыру. Табиғатты сүйе білуге, аялауға, қорғай білуге, ұқыптылыққа, әдемілікке тәрбиелеу.

Көрнекіліктері: балауыз,сурет дәптері, бояу, шырша және қыс бейнеленген суреттер, сүлгі.

Әдіс-тәсілі: түсіндіру, сұрақ-жауап, көрсету, көрнекілік.

Мотивациялық–түзету:

Тәрбиеші балалармен бірге шеңбер құрып, бір-бірімен амандасады. Бәрі бірге мына өлең жолдарын қайталайды.

Бақшамызға барғанда,

Жолыққан бар жандарға

Ертемен ақпейілмен:

«Қайырлы таң!»-деймін мен. (Е.Өтетілеуұлы).

- Балалар бүгінгі ашық оқу қызметімізді мен жұмбақпен бастасам деймін, келісесіңдерме?

- Иә

- Ендеше мұқият тыңдаңдар.

Жұмбақ

1) Шанамен зырғып желетін,Шаңғы, коньки тебетін,Аққала жасап ойнайтынҚай мезгіл деп ойлайсың?

- Қыс

2) Қыста ғана болады, Ұстасаң қолың тоңадыОл не?

- Қар

3) Жасыл ине киімім,Жайлаймын тау биігін.Жаңа жылды тойласаңТөріңдемін үйіңнің.

- Шырша

- Жарайсыңдар, Балалар өте дұрыс

- Қазір қай мезгіл

- Қыс

- Қыс мезгілі неше айдан тұрады?

- Үш айдан

- Қыз мезгілінің ай аттары қалай аталады?

- Желтоқсан, Қаңтар, Ақпан

- Қыста қандай ерекшеліктер болады?

- Қар жауады, боран соғады, күн суытады, жылы киімдер киеміз.

Ұйымдастырушылық-ізденіс:

- Ендеше, балалар біз бүгін қысқы шыршалар туралы әңгімелейміз.

- Балалар мына суреттерге назар салыңыздаршы, қандай сурет бейнеленген?

- Шыршалар

- Дұрыс шыршалар, олар орманда өседі. Шыршалардың түрлері көп болады, үйде де өсетін шыршылар болады. Тауда өсетін шыршалар да бар.- Үйде өсетін шыршаларға үлкен күтім керек балалар, өйткені олардың отаны тау бөктері, орман болып келеді.

- Ал мына суретке қараңдаршы, жылдың қай мезгілі бейнеленген?

- Қыс

- Жарайсыңдар, балалар дұрыс, қыс мезгілі бейнеленген.

- Балалар, сендер байқадыңдарма шыршалардың қыстағы түсін?

- Иә

- Қандай түс екен?

- Жасыл

- Яғни, балалар шыршалар жылдың төрт мезгілінде де, басқа ағаштар сияқты емес, жасыл болып қала береді.

- Ендеше қазір біз сендермен балауыз арқылы осы шыршаларды салып, бояумен бояймыз.