Түбір мен қосымша тақырыбындағы ашық сабақ, 2 сынып

Авторы: Оразова Айгул Конакбайкызы

Ашық сабақ. Түбір мен қосымша 2-сынып

Сабақтың тақырыбы:Түбір мен қосымша

Сабақтың мақсаты:

Оқушыларға түбір мен қосымша тақырыбы бойынша білімдерін арттыру.Сөздердің түбірі мен қосымшасы болатынын байқату.

Түбір мен қосымшаны бір-бірінен ажырата білуге дағдыландыру. Ой-өрісін дамыту.Сөздік қорын байыту. Байланыстырып сөйлеу дағдыларын жетілдіру.

Өз елін мақтан тұтуға, еңбекқорлыққа, мәдениеттілікке, адамгершілікке баули отырып рухани тәрбие беру.

Сабақтың түрі: аралас сабақ

Сабақтың әдісі: түсіндіру, сұрақ-жауап

Сабақтың көрнекілігі: слайд, суреттер, бейнелі сөз,Ө. Тұрманжановтың суреті, күн суреті т.б.

Сабақтың барысы: Ұйымдастыру кезеңі:

Психологиялық дайындық:

Күн жарығын алақанға саламын,

Жүрегіме басып ұстай аламын.

Мейірімді анам болса қасымда,

Болып кетер сонда дереу жан-жағым.

Ой ашар: Үй тапсырмасын сұрау

271-жаттығу. Сурет бойынша «Қыс» тақырыбына шағын әңгіме құра.

Миға шабуыл Ерте-ерте ертеде бір-бірінен өткен ағайынды үш жалқау болыпты. Бар бітіретіндері, бас көтермей ұйықтау. Бір күні оларға сонау алыстан сәлемдеме келеді. Сәлемдемені олар «Сен ал, сен ал» деп біріне-бірі сілтейді.

- Сендердің жалқауларға келген сәлемдемені алғыларың келе ме?

- Ия, алғымыз келеді.

- Ендеше бұл сәлемдемені алу үшін алдымен қазір мен оқитын жұмбақтардың шешуін тауып, шешуіндегі сөздердің түбірі мен қосымшасын ажырату керек екен балалар.

- Дайынсыңдар ма?

- Дайынбыз!

Таңмен көзін ашады,

Әлемге нұрын шашады.

(Күн)

Бойлаған сайын тереңге,

Шығасың биік белеске.

(Білім)

Ақ тақырда қара тұқым себілген,

О тұқымнан білім дәні егілген.

(Жазу)

Олай болса, жұмбақтың шешуіндегі сөздердің түбір мен қосымшасын ажыратайық.

– Сонымен естеріңе түсті ме?

–Түбір сөз дегеніміз не?

Сөздің одан әрі бөлінбейтін мағыналы бөлігін түбір (түбір сөз) дейміз: көк, күріш, өрік, қобыз.

– Қосымша дегеніміз не?

Сөздің түбірге жалғанған бөлігін қосымша дейміз: көкшіл, күріштің, өріктің, қобызшы.

Жаңа сабақ

Тақтаға күннің жады, көркем жазу жазылады.

272-жаттығу. Қарамен жазылған сөздердің түбір мен қосымшасын ажырат.

Майлы бояулар

Сергіту сәті

Тақтамен жұмыс

273-жаттығу. Сөздерді көшіріп жаз. Сөздің түбірін тауып, тиісті белгімен көрсет.

274-жаттығу. Түбір сөзге қосымша қосып, тік сызықтың екінші жағындағы сөздермен байланыстыр.

Келдім, міндім, түстім, көрдім.