Туған өлкем мектепалды даярлық сабағы

Түсінік хат

Мектепке дейінгі мектепалды даярлық тобына арналған «Туған өлкем» арнайы таңдау курс бағдарламасы «Қоршаған ортамен танысу» оқулығын басшылыққа ала отырып құрылды. Оқушылардың күнделікті көріп, араласып жүрген табиғатпен, қоғаммен таныстырады. Мұнда өлкеміздегі заттар, құбылыстар, жануарлар мен өсімдіктер әлемімен кездеседі. Адамдар қоғамы, олардың еңбегі мен мамандығы туралы біледі. Өз елдерінің – Қазақстан Республикасы, оның Ата-Заңы – конституциясы және оның Президенті, еліміздің бас қаласы – Астана , Алматы, желбіреген көк туымыз,елтаңба, әнұран, тегіміз. Туған қалам-Семейім, Семей қаласындағы мұражайларна саяхатқа бару арқылы, ұлы ақындар-Абай, Шәкәрім, Мұхтар туралы туралы мағлұмат алады.

Бұл пән оқушылардың алған білім-білік дағдыларын, танымдық қабілеттерін, пәнге деген қызығушылықтарын арттырады. «Туған өлкем» арнайы курс бағдарламасы бойынша балалардың сөздік қорларын молайтуға, өз ойын жатық сөйлемдермен жеткізе білуге баулуға бағытталған. Өтілетін жұмыстар мен тапсырмалар балалардың жас ерекшеліктерін ескеріп, білімдерін жетілдіріп дамытуға арналған.

Бағдарламаның мақсаты мен міндеттері

Мақсаты: «Туған өлкем»Оқу пәнінің жалпы мақсаты даярлық тобына арналған білім беру деңгейіне білім алушылардың бойына жалпы адамзаттық құндылық ретінде табиғат, қоршаған орта, табиғат пен қоғамның бір-бірімен байланысы және өз ара тәуелділігі түсініктері туралы білім жүйесін қалыптастыру.

Міндеттері:

1. Балалардың өзіміздің еліміз, өлкеміз жөнінде білімдерін,тақырып бойынша теориялық мәлімет бере отырып, баланы ізденушілікке баулу, оған зерттеу дағдысы мен білігін арттыру.

2 .Жұмыстың тақырыбын анықтау, зерттеу жұмысының барысын, жоспарын құру. Сөздік қорын молайтуға, өз ойын еркін жеткізе білуге дамыту.

3.Арнайы курста жұмыс жасау барысында, оқушыны қоршаған ортаны танып білуге құштарлығын арттыру.

4.Тақырып бойынша қорытынды жасау арқылы оқушының тандаған бағыты

Бойынша өзінің даму деңгейіне шығуына мүмкіндік туғызу. Балаларды ұқыптылыққа, тынғылыққа еңбек сүйгіштікке тәрбиелеу.

Оқытудың формасы мен әдіс- тәсілдері

Пәннің негізінде өткізу формасы-сабақ, бірақ бала тәрбиеші беретін ақпаратты тыңдаушы ғана емес, ол өзі зерттеуші, белсенді қатысушы. Барлық сабақтардың құрылымыбірдей, бірақ кейбір өзгерістер енгізілуі мүмкін. Бағдарламаны орындау барысында тиісті нәтижеге жету үшін оқытудың бірнеше формалары (саяхат, топтық, ұжымдық, жеке) тиімді әдіс-тәсілдері проблемалық-ізденіс, репродуктивтік, сөйлеу, дидактикалық ойын, көрнекілік, өзіндік жұмыс, пікір талас, иллюстративтік т.б.…