Туған тіл туралы 7-сыныпқа арналған тәрбие сағаты

Ең қымбатты қазынам – туған тілім

Мақсаты: 1.Оқушыларды өз ана тілінің қадір-қасиетін біліп, өз ана тілінің көркемдігін сезініп, сөз құдіретін түсініп, оның адам өміріндегі маңызын ұғуға үйрету.2.Тіл әуезділігін, көркемдігін, байлығын, шешендігін көрсететін нақыл сөздер, мақал-мәтелдер арқылы оқушы дүниетанымын, ой өрісін дамыту.3. Тіл тазалығын сақтау, мәдениетті сөйлеу, шешендік өнерді оқушы бойына сіңіре отыра, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру.Көрнекілігі: тілге қатысты қанатты сөздер, кластер, шарлар, слайдтарҰйымдастыру кезеңі

I - жүргізуші: Қайырлы күн! Ана тілін ардақ тұтар тіл жанашырлары! Үлкенге де сіз,Кішіге де сіз.Сәлем бердік сіздергеҚұрметпенен біз.II - жүргізуші: Армысыздар, өрлі де, асқақ рухты тәуелсіз елдің жас ұландары! Қазақстан Республикасы халықтарының тілдер күніне арналған «Ең қымбатты қазынам – туған тілім»атты ашық тәрбие сағатымызды ашық деп жариялаймыз!

7 «Ә» оқушыларының орындауында (Әнұран) хор

І – жүргізуші:

Бір ауыз сөз үйреніп бүгінде,

Сөйлеп тұрсың менің ана тілімде.

Қазақ болып туғаннан соң бөбегім,

Қазақ болып өлген жақсы түбінде.

ІІ – жүргізуші: Туған тілім тірлігімнің айғағы

Тілім барда айтылар сөз ойдағы.

Өссе тілім мен де бірге өсемін,

Өшсе тілім мен де бірге өшемін.

І – жүргізуші: Қайта туды қазағымның ай – күні, Күннен – күнге асар ма екен айбыны? Жетпіс жылда өтті талай кешуден, Қатар көріп шаттық , табыс, қайғыны. ІІ – жүргізуші: Қазақпын мен, қазақтың бөлшегімін, Қажеті не басқаның өлшемінің. Қазақ деген жалғыз ұлт мен боламын, Енді міне жетеді көпке үнім.

І – жүргізуші:

Қазақ тілі борандатқан дауыл күй,

Қазақ тілі өлең – жыр мен ән мен күй

Байқасаңдар қазақ тілі осындай,

Аққан судай, ескен желдей табиғи.

ІІ – жүргізуші: Ән толқыны тағы да бір тербелсін,

Әсем залды қоңыр күйің кернесін.

Көрермендер өнеріңе тәнті боп,

Риза болып қол соғылсын келгесін – дей келе кезекті әнші қыздарымыздың орындауында «Мерекем» әні. Орындайтындар: Қ.Әсел. М.Мавлюда.

І – жүргізуші: Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры. ІІ – жүргізуші: Біздің ана тіліміз – қазақ тілі. Ол тек отбасы , ошақ қасының ғана тілі емес, мемлекеттік тіл! Кезекте Көрініс:«Ең қымбат қазына»

Қатысушылар: Оралбек - қария, Рзалы – баласы, Д. Ернар – дана қарт.Ұлжайна:Ертеде бір тілге жүйрік шешен қария көз жұмарында ұлына: Оралбек: балам, балам мұнда келші – шырағым. «Балам, әкем кедей болды деп қамықпа. Менің саған тастаған көп қазынам бар, соны тауып алып қадіріне жет» балам!

Ұлжайна:Депті. Бала кейіннен оны әрі іздейді, бері іздейді, таба алмайды... Арып - ашып жүріп, ауылдағы абыз ақсақалдарға мұңын шағыпты...

Рзалы: Ассалаумуғалейкум дана қарт.«Балам, әкем кедей болды деп қамықпа. Менің саған тастаған көп қазынам бар, соны тауып алып қадіріне жет» балам! – деп еді. Мен оны әрі іздедім, бері іздедім, таба алмайдым. Мұның сыры неде ? айтып беріңізші.

Ұлжайна: Әлгі дана қарт тыңдап болып:

Д.Ернар:«Әке баласына өтірік айтпас болар, ақтық демінде ақиқатын айтқан екен... Әкең өте шешен адам еді, жарықтық... Оның саған қалдырған мол мұрасы - қасиетті тіл. Бәріміз сөздің дәмін келтіріп, қалай сөйлеуді сенің әкеңнен үйренген едік. Дүниеде тілден қымбат, мәңгілік мұра болмақ - па, сірә!» - балам!

Ұлжайна: деп аталы сөздің жұмбағын шешіп беріпті. Қане көрермен қауым сендер осы тіл ең қымбат қазына деген сөзбен келісесіңдер ме? Мүмкін біздің одан да қымбат қазынамыз бар шығар? (көрермендерге сұрақ)Ұлжайна:Жоқ, мен олай ойламаймын... Дүниедегі ең қымбат қазына, әрине ол - тіл. Тіл - ең алдымен қатынас құралы. Егер тіл болмаса, мен сендерге осы сұрақты қоя алар ма едім, ал сендер маған өз ойларыңды айта алар ма едіңдер? Шынында да тіл қатынас құралы болумен қатар ойдың да көрінісі. «Тілі байдың – ойы бай» деп текке айтылмаса керек.

Жанымнан қымбатАна тілім маған.

Ана сөзін тыңдапҮлгі өнеге аламын.

ІІ – жүргізуші: Ана тілім анамАппақ қардай арымМұра еткен бабамЖарқыраған жаным.І – жүргізуші: Ерлік, елдік, бірлік, қайрат, бақ - ардың, Жауыз тағдыр жойды бәрін не бардың. Алтын күннен бағасыз бір белгі боп, Нұрлы жұлдыз, бабам тілі , сен қалдың. ІІ – жүргізуші: Қазақ халқы бар тарихын көшіп жүріп өткізсе де, батпаққа батырмай, құмға шашпай, жұртына қалдырмай, шабындыға алдырмай, барлық жинаған сөз байлығын, күйі мен жырын бізге жеткізді.