Туған жерім тұнған шежіре Қазақстан тарихы баяндамасы

Туған жерім-тұнған шежіре

Пай ! Пай! Пай! Киелі неткен жер!

Батырлар дүрілдеп өкен жер,

Тұлпарлар дүбірлеп төккен тер,

Ғашықтар бір-бірін өпкен жер.

Бас иіп, иіскеп топырағын ,

Тағзым жасамай өтпеңдер!

- деп кеше ғана 85 жасын атап өткен халқымыздың дүл-дүл ақыны

М. Мақатаев жырлап өткендей, қазақ халқының тарих тұңғиығында жатқан қаншама сырлары бар десеңізші . Солардың бірі тарихын түртсең тасы көрінетін киелі Құлан өңірі.

Жаңатұрмыс ауылы аудан орталығынан шығысқа қарай 26 шақырым жерде орналасқан, 80% қожай елін құрайтын 3000 дай халық саны бар үлкен ауыл.

1994 жылы Жаңатұрмыс ауылдық кеңесінің негізінде құрылған әкімдік. 1997 жылы мамыр айында Қарақыстақ әкімдігіне қосылды. Орталығы Каменка ауылы болып белгіленді. 2001 жылы қыркүйек айынан Қарақыстақ ауыл әкімдігінен бөлініп , өз алдына бөлек болып құрылды.

Ауылдың іргетасы 1929 ж ақпан айында қой өсіретін « Жаңатұрмыс» ұжымшарының негізінде қаланды.

Тарихты әріден тарқатып айтатын болсақ, « Ақтабан шұбырынды, Алқакөл сұлама» оқиғасын айтпай кету мүмкін емес. Тарихы сыр шерткен Жаңатұрмыс ауылында суы дертке шипа болған атақты «Әулиебұлақ», шөбі шүйгін, суы тұщы, малға құт болған атақты «Ақсарай» жайлауы, қойыны боранға ық болған «Сарманқұл» қыстаулары бар. Бұл аталған қоныстардың әр қайсысының қойынында бір-бір тарих. Соның ішінде мен «Қалмаққия» асуы мен «Мыңжылқы» сайының тарихы жайында айтып кеткім келіп тұр. Жаңатұрмыс ауылының төр жағында «Ойранды» деген жер бар. Аты айтып тұрғандай көнекөз қариялардың айтуы бойынша осы жерде сойқан соғыс болған екен. Аңыз бойынша: шатқалға кіреберіс жерде осы күнге дейін тізбек етіп қойылған бірнеше қатар қой тастар бар. Бұл шауып келе жатқан ат нөпірін құлату үшін жасалған тоспа болса керек. Шамасы қалмақтар осы тұста жеңіліс тауып, тауды бетке ұстап қашқан. Қашқан жаудың алдынан да қазіргі»Ақсарай» деген жерде тосқауыл қойылды. Өзек екіге айырылар тұста жауды тосып алып екінші рет соққы берсе керек. Асуға барар жол қазақтардың қолында болғандықтан қалмақтар Қарақыстақ жағындағы тұйық шатқалмен қашуға мәжбүр болған.