Түлкіден үйректерді құтқарамыз балабақша конспектісі

№ 1 екінші тобының ұйымдастырылған оқу қызметінің конспектісі.

Өткізу күні:

Тәрбиеші:

Білім беру саласы: Таным

Пән: Құрастыру

Тақырыбы: «Түлкіден үйректерді құтқарамыз»

Өтпелі тақырып: «Ғажайыптар әлемінде»

Мақсаты: құрылыс материалдардың кірпіш ретінде ажыратуды үйрету; құрылыс материалының таныс нысандарын біріктіру арқылы қарапайым ғимараттар салуды үйрету;кірпішті төртбұрыш бойымен көлденең орналастыруға,ғимараттарды ұзындығы бойынша өзгертуге үйрету;өз идеяларына сәйкес ғимараттар салуға,сюжетке сәйкес оларды біріктіруге,қызығушылықтарын арттыруға тәрбиелеу.

Көрнекіліктер: құрылыс материалдары ,қағаздан жасалған судың суреті,ойыншықтар: түлкі мен үйректер.

Билингвальді компонент: түлкі- лиса,үйректер – уточки.

Сөздік жұмысы: су,

Барысы:

1.Ұйымдастырушылық кезең.

Шаттық шеңбер.

Балдырған баламыз,

Досты көп табамыз.

Қашан да,қайда да,

Сенімді боламыз.

2.Негізгі бөлім.

Тәр – ші : - Балалар бүгін мен сендермен көл жағасына қыдырып қайтуға ұсынамын.Барғыларың келе ме? Ендеше мына жолмен менің соңымнан жүріңдер.

Бұл жолдар неден жасалған?

Геометриялық фигуралардан.

Қандай?

Үлкен және кішкентай шаршылардан,үшбұрыштардан , дөңгелектерден.

Міне сендермен көлдің жағасына да келіп қалдық.

Қараңдар балалар мында нелер жүзіп жүр?

Үйректер.

Олар қалай дыбыс шығарады?

Кря – кря – кря !

Олардың түстері қандай?

Сары.

Балалар анау жақта түлкі жүр! Үйректерді жеп қойғысы келеді.Не істейміз?Оларды қалай құтқаруға болады?

(балалардың жауаптары)

Мен сендерге үйректер жүзіп жүрген көлді кірпіштерден қоршап беруге ұсынамын.Сонда түлкі оларға тиісе алмайды.

(балалар тәрбиешіге кірпіштерден көлді қоршауға көмектеседі.)

Міне түлкі де келіп қалды! Ол маған не деп айтқанын білгілерің келе ме?

Ия!

Ол менің құлағыма сендермен ойын ойнағысы келеді дейді,егер балалар менімен ойнаса мен үйректерге тиіспеймін деп сыбырлап айтты.

Түлкімен ойнаймыз ба?

Ойнаймыз!

Ойын: «Күн мен түн»

(балалар түлкімен бірге ойнайды)

Жарайсыңдар,балалар!

Бізге топқа дейін жету үшін әлі алыс.Сондықтан мен сендерге сәл отырып демімізді алып алайық деп айтқым келіп отыр.(кілемнің үстіне отырып ойын ойнайды)

Ойын: «Сиқырлы қапшық» (геометриялық фигураларды табу)

Ал енді тобымызға оралуымыз керек.Ендеше үйректермен түлкіге «Сау болыңдар!» - деп қоштасайық.

Міне сендермен топқа да келдік! Топтың іші жайлы,кең.Балалар сендердің үстелдеріңде не бар?

Көк түсті қағаз,кірпіштер,үйректер.