Тура және кері санау бойынша сабақ жоспары 2 сынып

Пән: математика

Ұзақ мерзімді жоспар бөлімі: 1 A бөлім: Сандар туралы ұғым

Мектеп: « Бейнеу ауданның әкімдігінің «Бейнеу орта мектебі» КММ

Күні: 03.10.2017ж

Мұғалімнің аты-жөні: Тилекешова Гулжамила

Сынып: 1«А»

Қатысқандар саны: 22

Қатыспағандар саны: 0

Сабақ тақырыбы

Тура және кері ретпен санау

Оқу мақсаттары (оқу бағдарламасына сілтеме)

1.1.1.1 натурал сандардың және нөл санының құрылуын түсіну,10 көлеміндегі сандарды тура және кері санау,олардың натурал сандар қатарындағы орнын анықтау

Сабақ мақсаттары

Барлығы: 10 көлеміндегі сандарды тура және кері ретпен санайды ;натурал сандар қатарындағы орнын анықтайды.: Көпшілігі:цифр мен санды бір-бірінен ажыратады; Кейбірі:бір таңбалы сандарды әртүрлі тәсілдермен (нүктелер ,жиынтығымен ,таяқшалармен және т.б ) көрсетеді.

Жетістік критерийлері

Нақты сөйлеу арқылы , мәселені түсінгенін көрсете алады.

Тілдік мақсаттар

Тірек сөздерді үш тілде айту Сан цифр numbers

Құндылықтарды дарыту

Оқушыларды бір-біріне деген құрмет көрсетуге тәрбиелеуге

Пәнаралық байланыстар

Ағылшын тілі орыс тілі пәнімен тірек сөздерді қолдану арқылы байланыс орнату.

АКТ қолдану дағдылары

Тура және кері ретпен санауға байланысты бейнежазба көрсету

Бастапқы білім

Оқушылар 10 көлеміндегі заттарды санауды біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы Ынтымақтастық атмосферасын қалыптастыру .

Өсемiз бiз күлiп-ойнап,

Он саусақтың саласындай,

Өсемiз бiз күлiп-ойнап,

Бiр адамның баласындай.

– Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!

«Сұрақ-жауап» әдісі арқылы өткенді пысықтау .

1.Ең кіші бір таңбалы санды ата. 2.Екі таңбалы санды ата. Оқушылар 10-ға дейін есептік санау түсініктерін бекіте отырып,20 көлеміндегі сандарды санау дағдыларын кеңейтеді. Олар тура және кері ретпен санауды қолданып,20 көлеміндегі сандарды ретімен атауды үйренеді. Ойын «Кім жылдам» Шығарып көр. Оқушылардан парақшаларға мұқият қарауды өтінемін. Парақшалар көлденең және тігінен орналасқан. Оқушылар 1-ден 10-ға дейінгі сандарды танып , жоқ парақшаларды анықтауы қажет. Егер оқушылар қиналатын болса онда оларға 1-ден 10-ға дейінгі сандарды қағазға жазып, олардың арасынан бар сандарды белгілеу арқылы табуды ұсынамыз. Жауабы: жоқ парақшалардағы сандар : 5,6,9.

Шаттық шеңбері

10, 20..... 100-ге дейінгісандарқатары бар карточкалар

Сабақтың ортасы

(Ұ) Оқушылардың санау туралы білім деңгейін анықтау үшін санамақ айту.

Кел санайық санамақ, Саусақтарды даралап. Бас бармағым алғашқы -Балаң үйрек жалғасы. Ортан терек - кезекші, Шылдыр шүмек - көмекші. Шынашағым - балапан,Бәріне ортақ алақан. Шылдыр шүмек -мен,Титтей бөбек - сен. Бір үйде біз нешеуміз? Бір үйде біз бесеуміз.

(Ұ) Айналадағы заттардың барлығын санауға бола ма? Қалай ойлайсыңдар? Қай заттарды санауға болады? Айналадағы қандай заттар санауға келмейді? - Аспанда неше бұлт бар ?

-Сабынның неше көпіршігі бар?

-Неше су тамшысы тамды?

Осы сұрақтарға жауап беру мүмкін бе?

Қолмен ұстауға келмейтін заттарды санауды зерттеу : дыбыстар, бұлттар, көпіршіктер, көлеңкелер:

Санауға болатын заттарды атаңдар

Мысал келтіріңдер

Тақтаға 10 оқушыны шақырып олардың қолына 1-10-ға дейінгі сандар жазылған кеспе қағаздар үлестіру және ретімен тұруын тапсыру. Ретімен тұра алмаған жағдайда санау жұмысын ұйымдастыру.

Осылайша санау тура санау деп аталатындығына көз жеткізу.

Келесі он оқушыны шақырып 10 санынан бастап 1-ге дейін ретімен тұруын өтіну. Енді санауды үлкен саннан бастап санап көруін өтіну. Санаудың бұл түрі кері санау екендігін оқушыларға түсіндіру.

Кері санауды бұрын байқадыңдар ма?

Бейнежазба «Санамақ әні» Тура және кері санауға арналған.

Оқулықпен жұмыс (38-бет) Көрнекіліктерді қолдана отырып заттарды санау . 1-10-ға дейін тура ретпен санау. 1,2,3,4, 5,6,7,8,9,10 Бұл жерде сандар өсу ретімен орналасып тұр. 10-нан 1-ге дейін кері ретпен санау 10, 9,8, 7,6,5,4,3,2,1. Бұл жерде сандар кему реті бойынша орналасып тұр. Тура және кері ретпен санау. Баспалдақтар. Тапсырма жұппен орындалады. Әр оқушы сандарды атай отырып, баспалдақпен көтерілу керек екендігін түсіндіремін. Баспалдақ шыңына жеткен соң ал оның басқа жағымен түсіуі тиіс. Сандарды өсу және кему реті бойынша атап, баспалдақпен көтеріл және төмен түс. Сен қандай ретпен санадың ? 1 жұп қазақ тілінде санайды. 2 жұп орыс тілінде санайды. 3 жұп ағылшын тілінде санайды.

Сергіту сәті (Қимылмен көрсету)

Оң қолымда бес саусақ,

Сол қолымда бес саусақ.

Алақанды ашамыз,

Бесті беске қосамыз.

Кел санайық ал мұны,

Нешеу болды барлығы?

Оқулықпен жұмыс (39-бет)

Іздер . Жұмысты топпен орындауды ұйымдастырамын. Іздер мен есіктердің қандай қандай ретпен номерленгенін және түсіп қалған сандарды анықтау керек екендігін түсіндіремін. Жауабы: Іздерді кері ретпен санауда түсіп қалған сандар. 8,7,6,5. Есіктерді тура ретпен санауды түсіп қалған сандар. 6,7. Қай сандар түсіп қалған. Оларды өз орындарына жаз. 10,8,7,6,5,2. (ОТ) 4 -тен бастап10- ға дейін санау

1 - ден бастап 8-ге дейін санау

Дидактикалық материалдармен жұмыс

Тірек сөздерді үш тілде есте сақтау үшін ойын ұйымдастыру

Шарты:

Бір оқушы тура ретпен санау тірек сөзін бір тілде айтады,қалғандары ретімен тұрған үш санды тура санайды. Санды бірінші атаған оқушы санды екінші тілде айтады.Қалған оқушылар басқа үш санды айтады.Осылайша тірек сөзді үш тілде айтқызу Дәптермен жұмыс (38-бет) 36-жұмыс парағы 1 тапсырма Тура және кері ретпен сана. Қай сандар түсіп қалған оларды өз орындарына жаз. 1 , *, 3, *,5,*,7,8,*10. Ә) Сандық сәуледе түсіп қалған сандарды жаз. Тура ретпен санап түсіп қалған сандарды жаз.

Бағалау

Оқушылар санамақ айтады.

Сабақтың соңы

Тура санау дегеніміз не?

Кері санау дегеніміз не?

Ұстай алмайтын заттарды санай аламыз ба?

Түсіп қалған сандарды тап.

Оқушылардың тура және кері санау дағдысын бақылау арқылы бағалау

Сергіту сәтін ұйымдастыру арқылы қарастырылады

Рефлексия

МАТЕМАТИКА 1 СЫНЫП ҚЫСҚА МЕРЗІМДІ ЖОСПАР ҚМЖ

1-сыныпқа «Математика» пәні бойынша қысқа мерзімді жоспарлау

Пән бойынша оқу жүктемесінің көлемі аптасына 4 сағат, оқу жылында 132 сағатты құрайды. 1-тоқсан 36 сағат

Сабақ тақырыбы:

1 Сандар және цифрлар

Заттарды санау

Мектеп:

Күні :

Мұғалімнің есімі:

СЫНЫП: 1-сынып

Қатысқандар саны:

Қатыспағандар саны:

Оқу мақсаты:

натурал сандар және нөл санының құрылу жолын түсінеді; 10 көлемінде тура және кері санайды; натурал сандар қатарындағы орнын анықтайды;

цифр мен санды бір-бірінен ажыратады;

бір таңбалы сандарды сандық сәуледе әртүрлі тәсілдермен (нүктелер жиынтығымен, таяқша-лармен және т.б.) көрнекі етіп көрсетеді.

Барлық оқушылар:

Оқушылардың басым бөлігі:

Кейбір оқушылар:

Ресурстар:

он көлеміндегі сандарды санауға арналған санау материалдары;

заттардың суреттері салынған парақшалар: әрқайсысында 1-ден 10-ға дейінгі заттардың суреттері салынған он парақша;

интерактивті тақта.

Тірек сөздер

қанша? (неше?); cанау;

сан;

саны.

Сабақтың мақсаты:

Әр оқушы санағанда еркін қолданатын сан шегараларын анықтау; 10 көлеміндегі заттарды санау дағдыларын жетілдіру.

Сабаққа байланысты деректі материалдар

Сабаққа қатысты ескертпелер

Сабақ заттарды санау тәжірибелік дағдыcын дамытуға бағытталады. Сабақта сандарды санау ұғымы қандай да бір жиын нысандарының санын анықтау үшін қолданылатын іс-әрекет түрінде енгізіледі. Санағанда есептік сан есімдер қолда-нылады. Есептік сан есімдер — “Қанша?” “Неше?” сұрақтарына жауап беретін сан есімдер. Заттарды санау бір санынан басталады. Заттарды санауға жетелейтін сұрақтар беру арқылы оқушылардың бір-бірімен және мектеппен алғашқы таныстығы туралы сөйлесіңіз. Ол үшін мынадай сұрақтар қойыңыз:

— Терезенің жанында қанша бала отыр?

— Сенің алдыңда қанша бала отыр?

— Сенің артыңда қанша бала отыр?

— Сыныпта сенімен бірге қанша бала бар?

— Ал мұғаліммен бірге ше?

Оқушылармен сөйлесу кезінде әрқайсысының санау дағдысын анықтап, 10-ға дейін санау дағдыcын бекітіңіз.

Сыныптағы барлық қыздардың бір қатарға тұ-руын ұсыныңыз. Ұлдардан сыныптағы қыздарды санауды сұраңыз. Содан соң ұлдардың қыздарға қарама-қарсы бір қатарға тұруын ұсыныңыз (бұл жағдайда оқушыларды жұптарға бөлу жеңіл болады). Қыздарға сыныптағы ұлдарды санауды ұсыныңыз.

Оқушылардан мыналарды сұраңыз:

— Сыныпта ұлдар көп пе, әлде қыздар ма? Сендер қалай ойлайсыңдар, неге?

— Бүгін мектепке барлығы қанша оқушы келді? Айта аласыңдар ма? (Оқушылар “көп” деп жауап беру мүмкін.)

Бұл сұрақтар арқылы сыныптағы қай оқушының оннан артық санай алатынын білуге болады. Содан соң қолмен ұстауға болатын деректі заттарды са-натыңыз. Мынадай сұрақтар қоюыңызға болады:

— Сыныпта қанша қызыл түсті (немесе басқа түсті) мектеп сөмкесі бар?

Бұл сұраққа жауап беру үшін осы түстес сөмке-сі бар оқушылар оларды бір қатарға қояды, ал басқалары хормен санайды: “Бір, екі, үш…” т.с.с.

— Ақ түсті гүл саны қанша?

— Сыныпта қанша парта бар?

— Сынып бөлмесінде қанша орындық бар?

Оқушыларға заттың санын анықтау үшін оларды санау керектігін түсіндіріңіз. Олардың назарын заттарды санау кезінде айтылатын сандарға аударыңыз: “бір, екі, үш, төрт, бес, алты, жеті, сегіз, тоғыз, он”.

Оқушылардан кез келген заттарды санағанда барлығына ортақ қандай ерекшеліктер болатынын ойлап, жауап беруін сұраңыз. Заттарды санау әрқашан “бір” санынан басталатынын және сандарды рет-ретімен қалдырмай атау керек деген тұжырымға әкеліңіз.

Дене жаттығуы түріндегі ойында оқушыларға мынадай тапсырмаларды орындатыңыз:

— Мен неше рет шапалақ ұрдым? (Мысалы: алақаныңызды алты рет соғыңыз. Оқушылар сізден кейін берілген шапалақ санын қайталап, сонша рет шапалақ соғуы тиіс.)

— Алақандарыңды төрт рет соғыңдар.

— Аяқтарыңды үш рет топырлатыңдар.

— “Алақай!” деп бес рет айтыңдар т.с.с.Суретке қара, сана. Тапсырманы жалпы сынып-қа орындатыңыз.

Оқушылардан әр топтағы заттар санын санауды сұраңыз.

Жауабы:

екі ит; төрт мысық; жеті гүл; тоғыз шар.

Шығарып көр. Берілген тапсырманы жұппен орындатыңыз. Оқушыларға оқу құралдарын санауды ұсыныңыз. Оларға бір-біріне алма-кезек сұрақ қойып, суреттегі заттарды санатыңыз. Жауаптарды жұпта талқылауды қадағалаңыз.

Жауабы:

дәптер — 3 дана, альбом — 1 дана, кітап — 5 дана, түрлі түсті қарындаш — 10 дана.

Біздің сыныбымызда. Оқушыларға төрт адам-нан топтарға бөлініп, өздері сұрақ ойлап тауып және оны топта бір-біріне қоюды ұсыныңыз.

Орындап көр. Тапсырманы жұппен орындау-ды ұйымдастырыңыз. Оқушылар әрқайсысындағы түрлі түсті қарындаштарының санын табу үшін санауы тиіс. Тапсырма оқушылардың санау дағды-cын бекітеді. Егер қарындаш саны 10-нан артық болған жағдайда (оқушылар 10 көлемінде ғана санай алатын болса), онда ол өзінің жұбын көмек-ке шақырады немесе оның қарындашының саны 10-нан артық екенін айтады.

Тілдік құзыреттілікті қалыптастыру

Қосымша тапсырмалар

Тілдік құзыреттілікті қалыптастыру

Тірек сөздердің дұрыс айтылуын пысықтау үшін оқушыларға “Қанша?” ойынын ойнауды ұсыныңыз. Бір оқушы заттың суретін көрсетеді де, “Қанша?” деген сұрақ қояды. Сұраққа бірінші болып дұрыс жауап берген оқушы жүргізуші болады. Ойын барлық оқушылар тірек сөздерді айтып болғанша жалғасады.

Суреттер мен парақшаларды сызықпен қос. Нүктесінің саны суреті салынған заттар санына сәйкес келетін парақшаны тап. Олардың арасын сызықпен қос. Оқушылар заттар тобын сәйкес нүктелер санымен сызықтар арқылы…