ТЖБ 5 сынып Қазақ тілі мен әдебиеті

В бөлімі

Тоқсан бойынша жиынтық бағалау тапсырмалары

Жиынтық бағалауға шолу

Ұзақтығы: 40 минут

Тыңдалым- 8 минут

Оқылым- 12 минут

Жазылым- 20 минут

Айтылым сабақтан тыс тексеріледі (әр білім алушыға 2 минут кетеді)

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады. Бірінші компонент- тыңдалым, екінші компонент- айтылым, үшінші компонент- жазылым мен тілдік бағдар, төртінші компонент- айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

*Тапсырма

Қамтылатын мақсаттар

Тапсырма- лар түрлері

*Тапсырмалар сипаттамасы

*Орындау уақыты, мин

Балл

5.1.6.1.тыңдалым мате-риалдары-ның негізінде сұрақтарға жауап беру.

Қысқа жауапты қажет ететін тапсырма

Тапсырма жеке орындалады. Білім алушылар 135сөзден тұратын тақырыпқа қатысты тыңдалым көркем әдеби мәтінді 2 рет тыңдайды (аудиоқұралдар болмаған жағдайда мұғалім мәтінді екі рет оқып береді).

Білім алушылар мәтінді тыңдау барысында мәтіннің мазмұнына негізделген бірінші тапсырмада

Бірінші тапсырмада мағыналас сөздер қатарын жалғастырады.

Екінші тапсырмада сұрақтарға жауап береді. Үшінші тапсырмада бір сөйлемге сұрақ қояды.

Төртінші тапсырмада мәтін ішіндегі ақпараттың шын, жалған ақпаратты анықтайды.

5.3.1.1.Мәтіндегі негізгі ақпаратты анықтау

Қысқа жауапты қажет ететін сұрақ.

Толық жауапты қажет ететін сұрақ

Тапсырма жеке орындалады. Білім алушылар тақырыпқа қатысты 170 сөзден тұратын мәтінді оқиды.

Бірінші тапсырмада мәтіннің тақырыбын анықтайды. Екінші тапсырмада мәтіннен негізгі ақпаратты анықтайды. Үшінші тапсырмада өз ойын 2-3 сөйлеммен толықтырып жазады.

Мұғалім білім алушының мәтін мазмұнын түсініп, негізгі ақпаратты анықтай алуын бағалайды

5.4.3.1.жазба жұмыстарында сипаттау, бейнелеу құралдарын қолданып жазу

Жазбаша толық жауапты қажет ететін сұрақтар

Тапсырма жеке орындалады. «Компьютердің пайдасы мен зияны» тақырыбында 50-60 сөзден тұратын эссе

жазады.

5.2.6.1 тірек сөздерді дұрыс қолданып, иллюстрацияларды сипаттау

Тапсырма жеке орындалады. Білім алушылар иллюстрациялық суреттердің бірін таңдап, ауызша сипаттайды. (әр суретке тірек сөздер немесе сөз тіркестері дайындалуы керек). Мұғалім білім алушының суреттерді сипаттауда тірек сөздерді дұрыс қолдануын бағалайды.

Мысал үлгілері және балл қою кестеcі

"Қазақ тілі мен әдебиеті" пәнінен 3-тоқсан бойынша жиынтық бағалау тапсырмалары

Тыңдалым

Мәтінді тыңдаңыз.

Туған жер – ауылым алтын бесігім. Оның адам өмірінде алатын орны ерекше, киелі ұғым. Туған жер, туған ел деген екі ғана сөзде қаншама мағына, қаншама ой жатыр десеңізші?! Туған жердің қадірін әр адам әрқалай түсінеді. Туған жер қадірі дүниедегі ең ұлы деген нәрсемен пара-пар. Себебі, ол – сенің әлпештеген анаң, аялап өсірген әкең, туған-туысың, аға-әпкең, сені білім жолына жетелеген ұстаздарың, сол білімге ұмтылу жолындағы тай-құлындай тебіскен жора-жолдастарың дүниеге келген жерің, қызыққа толы өткен балалық шағың, туған ауылыңның ауласы. Туған жер арқылы еліңнің өткені мен болашағын байланыстыра аласың. Нағыз балалық шақтан бастап, адамзаттың Отанына деген сезімі оянады. Адамзат өмірінде адам болып туғаннан кейін қазақ жерінің азаматы, баласы болып туу үлкен мәртебе. Олай болса, туған елге деген патриоттықтың алғы шарттары менің пікірімше «Менің елім - Қазақстан, мен Отанымды сүйемін» деген сөздерді айтудан бастау алады.

http://turaninfo.kz/ (өңделген).

1-тапсырма. Мағыналас сөздер қатарын жалғастырыңыз.

Туған жер- _________

ұстаз- _________

әлпештеген- _________

2. Сұраққа жауап беріңіз

1. Туған жердің қадірін әр адам қалай түсінеді?

2. Туған жер арқылы сен не істей аласың?

3. Нағыз балалық шақтан бастап, адамзаттың Отанына деген сезімі оянады.

Осы сөйлемге сұрақ қойыңыз.[1]

4.Мәтін ішіндегі сөйлемдерден шын немесе жалған ақпаратты анықтаңыз.

Сөйлемдер

шын

жалған

1.Туған жер – ауылым алтын бесігім

2.Туған жердің қадірін бір адам түсінеді.

Оқылым

Мәтінді мұқият оқып, төмендегі тапсырмаларды орындаңыз.

Денсаулық – біздің жалғыз ғана асыл дүниеміз. Денсаулықты ақшаға сата да алмаймыз, сатып та ала алмаймыз. Себебі ақша байлық емес, ең басты байлық-денсаулық. Денсаулығымызды сақтамасақ, күтпесек, оны құртып алуымыз мүмкін. Ал ауырып ем іздегеннен гөрі, ауырмайтын жол іздеу жеңілірек болары айтпасақ та түсінікті.

Денсаулықты сақтау үшін пайдалы, адам өміріне зиянын тигізбейтін тағамдарды тұтыну, спортпен шұғылдану қажет, жақсы ұйықтап, таза ауамен демалған да өте пайдалы. Адам денесінің көп бөлігі судан тұрады. Сондықтан күніне кем дегенде бір-екі литр су ішу керек. Адамдар ауырып қалса, дәрігерге бармай, өз беттерімен…