ТЖБ 5 сынып Қазақ тілі мен әдебиеті

4-ТОҚСАННЫҢ ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы: 40 минут

Тыңдалым – 8 минут

Оқылым – 12 минут

Жазылым – 20 минут

Айтылым сабақтан тыс уақытта бағаланады (әр білім алушыға 2 минут беріледі)

Балл саны: 30

Тапсырмалар түрлері:

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 тапсырмадан тұрады. Бірінші тапсырма – тыңдалым, екінші тапсырма – оқылым, үшіншісі – жазылым және тілдік бағдар, төртінші тапсырма- айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Тапсырма

Қамтылатын мақсаттар

Тапсырма-лар

түрлері

Тапсырмалар сипаттамасы

Орындау уақыты,

мин

Балл

5.1.6.1 Тыңдалым

материалдарының мазмұны негізінде сұрақтарға жауап беру

Көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар тақырыпқа қатысты 147 сөзден тұратын мәтінді 2 рет тыңдайды (аудиоқұралдар болмаған жағдайда мұғалім мәтінді өзі 2 рет оқып береді).

Білім алушылар мәтінді бірінші рет тыңдап, бірінші тапсырмада мәтін мазмұнына негізделген 3 сұраққа жауап береді.

Мәтінді екінші рет тыңдап, екінші тапсырмадағы тест сұрақтарына жауап береді.

Үшінші тапсырмада бос орынға қажетті сөзді қойып, сөйлемді толықтырады.

Мұғалім білім алушының мәтін мазмұнын түсініп, сұрақтарға жауап бере алуын бағалайды.

5.3.3.1 Фольклорлық және шағын көлемді көркем әдеби шығармаларды түсіну, тақырыбын анықтау

Көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар тақырыпқа қатысты 131 сөзден тұратын шағын көлемді көркем әдеби шығарманы оқиды.

Төртінші тапсырмадағы шағын көлемді көркем әдеби шығарманы түсініп оқып, тақырыбын анықтайды.

Бесінші тапсырмада тест тапсырмаларына жауап береді.

Алтыншы тапсырмада шағын көлемді көркем әдеби шығарманың мазмұнын ашатын «Шын», «Жалған» ақпаратты табады. Мұғалім білім алушының шағын көркем әдеби мазмұнын түсініп, тақырыпты анықтай алуын бағалайды.

5.4.1.1 Ресми стильдің тілдік ерекшеліктері мен талаптарын дұрыс қолдана отырып, хабарлама, хабарландыру, хат жазу

Жазбаша толық жауапты қажет ететін сұрақтар

Тапсырма жеке орындалады. Жетінші тапсырмада білім алушы берілген екі тапсырманың бірін таңдап, жазба жұмысын орындайды. Болымды және болымсыз етістіктерді қолдана отырып, досына хат немесе хабарлама жазады. Жазба жұмысында хат, хабарлама стилін сақтауы және болымды, болымсыз етістіктерді дұрыс қолдануы мен тақырыпқа қатысты лексикалық минимумды қолдануы бағаланады.

5.2.6.1 Тірек сөздерді дұрыс қолданып иллюстрацияларды сипаттау

Толық жауапты қажет ететін сұрақтар

Тапсырма жеке орындалады. Білім алушыларға тақырыпқа қатысты иллюстрациялық суреттер беріледі. Сегізінші тапсырмада иллюстрациялық суреттерді тірек сөздер арқылы сипаттай отырып, ауызша жауап береді.

Мұғалім білім алушының суреттерді сипаттауда тірек сөздерді дұрыс қолдануын бағалайды.

Тыңдалым сабақтан тыс, қосымша уақытта өткізіледі (әр білім алушыға 2 минут беріледі)

Барлығы

40 минут

Тапсырмалар және балл қою кестеcі үлгісі

«Қазақ тілі мен әдебиеті» пәнінен 4-тоқсан

бойынша жиынтық бағалау тапсырмалары

Тыңдалым

1-тапсырма. Мәтінді бірінші рет тыңдап, мазмұны негізінде сұрақтарға жауап беріңіз.

Еліміздегі әлемнің әр тарапынан келген халықтар қалай өмір сүруде?

Неліктен Қазақстан көпұлтты мемлекет болып саналады?

Шетелдік саясаткерлердің «Қазақстаннан үйрену керек» деген сөзін қалай түсінесіз?

Достығымыз әлемге әйгілі

Бауырмал қазақ халқы тағдыр тәлкегіне ұшырап, әлемнің әр тарапынан келген ұлттарды жатсынбай, оларды өзінің туған-туысқанындай көреді. Еліміздегі тұрып жатқан халықтар тату-тәтті өмір сүруде. Міне, сондықтан Қазақстан көпұлтты мемлекет атанып отыр. Біздің елдегі халықтардың ынтымағына, бірлігіне, жарастығына тәнті болған шетелдік саясаткерлер мен қоғам қайраткерлері «Қазақстаннан үйрену керек» деген сөзді жиі айтады. Барлық ұлттардың терезесі тең, мүдде-мақсаты бір және олардың еркін еңбек етуіне, сүйікті кәсібімен шұғылдануына, саясатпен айналысуына барлық жағдай жасалған. Ең бір ерекшелік – кейбір ұлт өкілдерінің балалары мектепте өз ана тілінде оқиды. Pесейде мұндай үдеріс жоқ. Өз діндерін ұстап, бір шаңырақ аясында тату-тәтті өмір сүріп жатқан халық тек Қазақстанда тұрады. Осындай ел бірлігі мен тұтастығы жолында өз бағдарламасы мен мақсаты бар Қазақстан Халық Аccамблеясы 1995 жылы 1 наурызда құрылды. Осындай киелі жұмысты нығайту мақсатында 2015 жыл – Қазақстан халқы Ассамблеясының жылы деп белгіленді. Бүгінде Ассамблея ел Президенті Tөрағалық ететін конституциялық ұйым болып табылады. Бұл оның ерекше мәртебесін айқындайды (147 сөз).

http://kazgazeta.kz/?p=26787

2-тапсырма. Мәтінді екінші рет тыңдап, Қазақстан Халық Ассамблеясының мақсатын табыңыз.

А) Бірлік пен татулықты сақтау

В) Барлық ұлттың дінін уағыздау

С) Ұлт мәдениеті мен білімін көтеру

Д) Сауда жасау, валютаны ауыстыру

3- тапсырма. Бос орынға қажетті сөзді қойып, сөйлемді толықтырыңыз.

Бауырмал қазақ халқы тағдыр тәлкегіне ұшырап, әлемнің әр тарапынан келген ........... жатсынбай, оларды өзінің ..............-туысқанындай көреді.

Ең бір ерекшелік – кейбір ұлт өкілдерінің ..... мектепте өз ..... тілінде оқиды.

Оқылым

Ерте заманда Көкшетау жерінде аппақ, сұлу бура мекендепті. Ол өзгелерден жалғыз жүреді екен. Бура қалың оpманды кезіп, шөлдегенде Күміскөлге келіп шөлін басады екен. Күміскөл – оның тыныстайтын жері еді. Бураның ерекше қасиеті – елге қауіп-қатер, соғыс, жұт төнген кезде, боздап, елдің тынышын алуы. Бураның бұл белгісіне үйреніскен халық оны айрықша жақсы көріп, қадірлеген. Күндердің күнінде елге жау шабады. Бура әдеттегідей белгі береді. Елдің бәрі тығылып үлгеріп аман қалады. Бәріне бура себеп екенін білген зұлымдар оны өлтірмек болады. Қалың орманда жүрген бураны зұлымдар тауып алып, дәл жүрек тұсынан көздеп атады. Cадағын…