ТЖБ 7 сынып Қазақ тілі мен әдебиеті

В бөлімі

4-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы 40 минут

Оқылым 15 минут

Жазылым 25 минут

Тыңдалым мен айтылым бөлек тексеріледі

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады:

Біріншісі - тыңдалым, айтылым және әдеби тіл нормаларын, екіншісі - оқылым және әдеби тіл нормаларын, үшіншісі - жазылым және әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

*Тапсырма

Қамтылатын мақсаттар

Тапсырмалар түрлері

*Тапсырмалар сипаттамасы

*Орындау уақыты, мин

Балл

8.1.3.1 - тыңдалған мәтіннің мазмұнын түсіну, ұсынылған ақпараттан астарлы ойды анықтау

8.1.1.1 - мәтіннен алынған дәйексөздерге, үзінділерге сүйене отырып, көтерілетін мәселені болжау

8.1.5.1 - перифраз түрінде берілген сұрақтар арқылы мәтіннен қажетті ақпаратты таба білу, көтерілген мәселе бойынша ой тұжырымдау

Тапсырма жұппен орындалады. Оқушылар мәтінді тыңдау немесе оқу барысында тақырыптарға байланысты көтерілген мәселені талдайды және ұсынылған ақпараттан астарлы ойды анықтайды. Мәтіннен алынған үзінділерге сүйене отырып, көтерілетін мәселені болжайды және сұхбатқа қатысады, ойын жүйелі анық жеткізеді. Тыңдаушы жұбы мәтін мазмұны бойынша перифраз түрінде берілген сұрақтар бойынша ой тұжырымдайды. Дәл осылай екінші оқушы тапсырманы қайталайды. Бағалау екі оқушыға жеке-жеке қойылады.

Тыңдалым мен айтылым сабақтан тыс, қосымша уақытта өткізіледі (әр білім алушыға 3-5 минут беріледі).

8.2.4.1 - тақырыбы ұқсас ғылыми және публицистикалық стильдегі мәтіндердің тақырыбын, түрлерін (әңгімелеу, сипаттау, талқылау), құрылымын салыстыра талдау

8.2.5.1 - перифразаның түрлі тәсілдерін қолдана отырып, мәтін бойынша сұрақтар құрастыру

8.2.6.1 - оқылым стратегияларын қолдану: комментарий жасау, іріктеп оқу, талдап оқ

Көп таңдауы бар және қысқа жауапты қажет ететін сұрақтар

Тақырыбы ұқсас ғылыми және публицистикалық стильдегі мәтіндердің тақырыбын,түрлерін,құрылымын салыстыра талдайды.Мәтін бойынша перифразаның түрлі тәсілдерін қолдана отырып, сұрақтарға жауап береді.

Мәтіннен алынған үзіндіге комментарий жасайды.

8.3. 4.1 - эссе құрылымы мен даму желісін сақтап, мәселе бойынша ұсынылған шешімнің артықшылығы мен кемшілік тұстарын салыстыру, өз ойын дәлелдеп жазу (аргументативті эссе)

8.4.4.4 - жай сөйлемдерді айтылу мақсаты мен құрылымдық ерекшелігіне сай қолдану

8.4.5.1 - сөйлем соңында қабаттасып қойылатын тыныс белгілерін дұрыс қолдану

Жазбаша толық жауапты қажет ететін сұрақтар

Оқушылар ұсынылған екі тақырыптың бірін таңдап, жазба жұмысын орындайды. Құрылымы мен даму желісін сақтай отырып, мәселе бойынша ұсынылған шешімнің артықшылығы мен кемшілік тұстарын салыстырады және өз ойын дәлелдеп аргументативті эссе жазады. Жазылым жұмысында жай сөйлемдерді айтылу мақсаты мен құрылымдық ерекшелігіне сай қолданып,орфографиялық,пунктуация

лық нормаға сай жазады.

Барлығы

40 минут

«Қазақ тілі Т1» пәнінен 4-тоқсан бойынша жиынтық бағалау тапсырмалары

Тыңдалым мен айтылым

Тапсырма

Мәтіннен үзіндіні тыңдаңыз.

Нағыз мәдениет те, нағыз өнер де театрда

Көптеген мәдениеті жоғары дамыған елдердің театр залы үнемі көрерменге толы болады. Театрды күнделікті өмірінің бір бөлшегіндей көріп, тіпті кейбірі өмірін онсыз елестетуге қорқады. Ал бізде ше? Бізде қалай? Сахна бос емес, шымылдық ашулы… Ал көрмендер залы ше? Сахна ауасын үнемі сағынып , өнерге шөлдейтіндердің саны тым азайып барады. «Театр мұражай сияқты, біз оған бармаймыз, бірақ оның бар болғанына қарсы емеспіз» дейді атақты актриса Гленда Джексон. Иә, расында солай ғой. Театр, театр деп жар салып жатамыз. Ал оған барып жатқан қаншамыз бармыз? Уақыт жоқ дейсіз бе? Тұрмыстық проблемалар, күнделікті күйбең тіршілік, күн көріс үшін жан талас, бала-шағаның қамы үшін қарбалас…

1.Үзінді арқылы көтерілген мәселені болжаңыз.

Сұрақ: Мәтінде әрі қарай не айтулы мүмкін?

Қандай мәселе көтерілуі мүмкін?

2. Мәтіннің жалғасын тыңдап, өз болжамыңызды түп нұсқа мәтінмен салыстырып, пікіріңізді айтыңыз.

«Адам бүгін театрға ертең адам болып қалу үшін барады» дейді атақты режиссер Робер Лепаж. Театр – нағыз тәлім-тәрбие мен тағылымның ортасы. Киелі өнердің ордасына бас сұққан бала мәдениетті де үйренеді. Сахнаға көз тіккен бала өмірді көреді. Жақсы мен жаман арпалысып жатқан заманның ащы шындығын біліп, ақ пен қараның ара жігін ажырата алады. Сізді демалыссыз жұмыс жасауға мәжбүр ететін де осы бітпейтін проблемалар. Уақыт тауып, демалыңыз. Материалдық байлықпен қоса рухани байлық та жинаңыз.. Компьютермен дос болған балаңызды неге театрға алып бармасқа?

Мәтіннің жалғасы

Ақ пен қара ұғымы біздің дәстүрімізде адам баласының сәби шағында тәй-тәйлап алғаш қадам жасарынан бастап ақ пен қара жіптен есіліп, аяғыңды тең бас деп аяғына тұсау болып байланып, өмірге жолдама ретінде кесілетін салтынан басталады. Бұл өмірдің қуаныш пен қайғыдан, өмір мен өлімнен, күн мен түннен тұратыны сықылды ажырамас, өзгермес қағидасы. Театрдағы қойылымдар жанрының негізі де осы - комедия мен трагедиядан тұрады, содан бастау алады. О бастан-ақ театрдың жалпы логотиптік белгісінде жадырап күліп тұрған және мұңайып, қайғырып тұрған осы екі ұғымды ашатын маска тұратыны белгілі. Қойылымдардағы бүкіл іс-әрекет, оқиғалар осы екеуі арқылы өрбиді, тарқатылады, күлдіреді, жылатады.

Театр – өмір айнасы, бір уақыт театрға келіп өзін іздеуі, табуы, тануы, рухани мінез-құлқын тарап-тарануы әркімнің өз парызы.

Нағыз мәдениет те, нағыз өнер де театрда. (https://massaget.kz/сайтынан)

3.Берілген мәтін мазмұнынан негізгі ойды анықтаңыз.Мәтінде қандай астарлы ой жатыр?

4.Ұсынылған ақпараттан астарлы ойды анықтаңыз.

Театрды күнделікті өмірінің бір бөлшегіндей көріп, тіпті кейбірі өмірін онсыз елестетуге қорқады. Ал бізде ше? Бізде қалай?

5.Мәтіннен алынған үзінділерге сүйене отырып,көтерілген мәселені болжаңыз.

А. Театр – нағыз тәлім-тәрбие мен тағылымның ортасы. Киелі өнердің ордасына бас сұққан бала мәдениетті де үйренеді.

Ә. «Театр мұражай сияқты, біз оған бармаймыз, бірақ оның бар болғанына қарсы емеспіз» дейді атақты актриса Гленда Джексон.

Б. Нағыз мәдениет те, нағыз өнер де театрда.

6.Перифраз түріндегі сұрақтарға жауап беріп,мәтін бойынша тұжырымдаңыз.

Компьютермен дос болған балаңызды неге театрға алып бармасқа? Театр не береді, неге үйретеді? [10]

Оқылым

Тапсырма

Мәтіндерді түсініп оқыңыз.

А мәтіні

Қазақстандағы туризм дамуының қазіргі жағдайы: проблемалары және даму болашағы

Туризм Қазақстан экономикасындағы қарқынды салалардың бірі, Халықаралық сарапшылардың пікірінше қазіргі кезде туризм әлемдік экономикадағы қарқыны төмендемейтін саланы біріне жатады. Туризмнің даму барысына Қазақстанның 1993 жылы ӘТҰ- на кіруінің маңызы зор болды. Елімізде туризмнің дамуына көңіл бөлінуде және туризмнің ролін түсінуде. Айта кететін бір жағдай, Республикада туризм…