ТЖБ 7 сынып Қазақ тілі мен әдебиеті

В бөлімі

ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

7-сынып, ІІІ тоқсан

Пәні: қазақ тілі

Ұзақтығы: 40 минут

Оқылым – 15 минут

Жазылым – 25 минут

Тыңдалым мен айтылым бөлек тексеріледі

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: біріншісі - тыңдалым, айтылым және әдеби тіл нормаларын, екіншісі - оқылым және әдеби тіл нормаларын, үшіншісі - жазылым және әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

Тапсырма

Қамтылатын мақсаттар

Тапсырма түрлері

Тапсырмалар сипаттамасы

Орындау уақыты, минут

Балл

7.1.1.1 Мәтін үзінділерін тыңдай отырып, оқиғаның дамуы мен аяқталуын болжау

7.1.5.1 Проблемалық сұрақтарға тыңдалған мәтіннен деректер келтіре отырып, дәлелді жауап беру, өз жауабын өзгенің жауабымен салыстыру, талқылау

7.1.3.1 Тыңдалған мәтіннің мазмұнын түсіну, ұсынылған ақпарат бойынша факті мен көзқарасты ажырата білу

7.4.4.4 Одағай түрлерін ажырата білу, қолдану

Толық жауапты қажет ететін сұрақтар

Тапсырма жұппен орындалады. Білім алушыларға 120-150 сөзден тұратын тақырыпқа қатысты мәтіндер аудио арқылы тыңдатылады. Мәтін үзінділерін тыңдай отырып, оқиғаның дамуы мен аяқталуын болжайды. Проблемалық сұрақтарға тыңдалған мәтіннен деректер келтіре отырып, дәлелді жауап беріп, өз жауабын өзгенің жауабымен салыстырып, талқылап, мазмұндауда қолданады. Тыңдаушы жұбы мәтін мазмұны бойынша сұрақтар қояды. Дәл осылай екінші оқушы тапсырманы қайталайды. Білім алушы мәтін мазмұнын түсініп, ұсынылған ақпарат бойынша көзқарасты ажырата білуеді. Тапсырма оқушының тыңдаған мәтінін одағайлар арқылы жеткізуін бағалайды. Бағалау екі оқушыға жеке-жеке қойылады.

Тыңдалым мен айтылым сабақтан тыс, қосымша уақытта өткізіледі (әр білім алушыға 3-5 минут беріледі)

7.2.1.1 Мәтіндік және графиктік (кесте, диаграмма, сурет, шартты белгілер) ақпаратты интерпретациялау

7.2.4.1 идеясы ұқсас публицистикалық және көркем әдебиет стиліндегі мәтіндердің тақырыбы, құрылымы, мақсатты аудиториясы, тілдік ерекшелігін салыстыра талдау

7.2.5.1 Мәтін бойынша проблемалық сұрақтар құрастыру

7.4.4.3 Шылау түрлерін ажырата білу, орынды қолдану

Көп таңдауы бар және қысқа жауапты қажет ететін

тапсырмалар

Мәтіндік және графиктік ақпаратты ажыратады, ақпараттар бойынша өзіндік тұжырым жасай отыра, проблемалық сұрақтар құрастырады. Идеясы ұқсас публицистикалық және көркем әдебиет стиліндегі мәтіндерді тақырыбына, стиліне, құрылымына, мақсатты аудиториясына, тілдік ерекшелігіне қарай талдайды.

7.3.3.1 Мәтін құрылымын (кіріспе бөлім, жалпы мәлімет беру, детальді мәлімет беру) сақтай отырып, графиктік мәтін (шартты белгі, сурет, сызба) түрінде берілген процесті сипаттап жазу

7.3.2.1 Жанрлық және стильдік ерекшеліктеріне сай көркемдегіш құралдарды орынды қолдана отырып, шағын мақала, нұсқаулық, әңгіме құрастырып жазу

7.3.4.1 Эссе құрылымы мен даму желісін сақтап, тақырыпқа байланысты берілген мәселенің оңтайлы шешілу жолдары немесе себептеріне өз көзқарасын жазу

(дискуссивті эссе)

7.3.5.1 Оқылым және тыңдалым материалдары бойынша тірек сөздер мен сөз тіркестерін синонимдік қатармен ауыстыра отырып, жинақы мәтін жазу

7.4.4.3 шылау түрлерін ажырата білу, орынды қолдану

Жазбаша толық жауап

ты қажет ететін тапсырмалар

Білім алушылар ұсынылған үш тақырыптың бірін таңдап, жазба жұмысын орындайды.

Жазылым жұмысында жанрлық, стильдік ерекшеліктерді ескеруі, көркемдегіш құралдарды орынды қолдануы, графиктік мәтін (сурет) арқылы процесті сипаттап жазуы, тақырыпқа байланысты мәселеге өз көзқарасын білдіруі, жазба жұмысында шылаулардың болуы бағаланады.

Барлығы

40 минут

30 балл

Тыңдалым мен айтылым

Тапсырма

1. Мәтін үзінділерін тыңдай отырып, оқиғаның дамуы мен аяқталуын болжаңыз. Проблемалық сұрақтарға тыңдалған мәтіннен деректер келтіре отырып, дәлелді жауап беріңіз. Өзгенің жауабымен салыстырып, талқылап, мазмұндауда қолданып, көтерілген басты мәселені анықтаңыз. Өз көзқарасыңызды жан-жақты тұжырымдап, мысалдар арқылы дамытып, дәлелдеңіз.

2. Өз жұбыңызды мұқият тыңдауға тырысыңыз. Оның мәтіні бойынша маңызды деп санайтын екі сұрақ қойыңыз. Оның мәтінінің басты идеясын анықтауға белсенді қатысып, пікіріңізді білдіріңіз. Одағайды қолданыңыз.

А мәтіні

Интернет - бүкіл ғаламдық тор. Ол бүкіл әлемдегі миллиондаған компьютерлік желілерді бір-бірімен байланыстыратын орасан зор компьютерлік желі. Олай болса, біз ғаламторға қаншалықты терең үңілсек, қазіргі жағдайды соғұрлым жақсы түсінетін, білетін боламыз. Сондай қажеттіліктің бірі – ғаламтордан пайдалы ақпараттарды алу, оны өмірде қолдану.

Біздің күнделікті өмірімізге байланысты ақпараттарды алудағы маңызды құрал ол – ғаламтор. Адамзаттың интеллектуалдық өмірі үшін ол аз мағына бермейді. Ғаламтордың ақпараттық қуатты мүмкіншілігін біз әлі тереңірек ұғына қойған жоқпыз. Ал ғаламторды қолдану барысында барлық адамдардың өмір сүру аймағында қазір күдік тудырмайды.

Ғаламтор желісінің пайдасы өте көп. Себебі өмірдің кез келген саласына қажетті ақпаратты жылдам алуға, басқа қолданушылармен ақпарат алмасу мүмкіндігіне ие боласың. Ақпаратты алу немесе беруде белгілі уақытқа тәуелді болмайсың, керек уақытыңда қарауға, жіберуге болады. Ғаламторда көп уақыт отырудың зияны туралы айтсақ, ол адамның өзіне байланысты. Адам өзіне-өзі кесте қою керек, белгілі бір уақыт мөлшерінде отыру, қажетсіз ақпараттарды қарамау сияқты өзіне шектеу қойған жағдайда адамға зияны аз болады. Әрине, кез келген дүниені шектеусіз пайдаланса оның зияны болады.

Интернеттің пайдасы зор. Қазіргі таңда интернет әлемдік қауымдастықтың негізгі ақпараттық – коммуникациялық құралына айналып отыр. Бұл тұрғыда қарапайым халықтың күнделікті өмірдегі байланысқа деген қажеттілігі туралы айтпасақ та болады.

https://intolimp.org/publication/

Ә мәтіні

Қазақстан- көпұлтты мемлекет, келісім мен бірліктің аясында 130 –дан астам ұлт өкілдері бір шаңырақтың астында өмір сүруде. Қазақстан олардың да Отаны болып саналады.Сондықтан Қазақстан ұлттық мемлекеттің түрі болғанымен, барлық ұлттар үшін құрылып, қызмет атқаратын саяси ұйым. Өзге ұлт өкілдері Қазақстан жеріне XIX ғасырдың және XX ғасырлардың арасын қамтитын кезеңде қоныс аударғанын тарихи деректерден білеміз. Кеңес Одағы ыдырағаннан кейін әлеуметтік-экономикалық жағдайға байланысты еліміздегі өзге этностық ұлттар өз атажұрттарына жақсы өмір іздеп, немістер-Германияға, гректер-Грецияға, орыстар-Ресейге, украиндар-Украинаға т.б. ұлттар көше бастады.

Елбасымыз Н.Ә. Назарбаевтың көрегендік саясатымен халықтар арасындағы бейбітшілікті сақтап, бір шаңырақтың астында бірлікпен өмір сүрудің ірге тасы қаланды. Алғаш рет 1992 жылы Алматыда болған Қазақстан халықтар форумында Елбасы «Халықтар арасындағы достық ғасырлар бойы жалғасын тауып келеді. Қазақстанда өмір сүріп жатқан әр ұлттың өз тілі, ділі, мәдениеті бар. Сондықтан форумды өткізуіміздің өзі соған дәлел. Жаңа институт - келісім мен бірліктегі Қазақстан Халықтар Ассамблеясын құруымыз керек » деген.

Қазақстан Республикасының Президентінің бұйрығымен 1995 жылы 2 наурыз күні Қазақстан Халықтар Ассамблеясы құрылды.

https://massaget.kz/kyizdarga/kulinariya/

Балл қою кестесі

Тыңдалым және айтылым

Балл

Грамматика мен лексиканы дұрыс қолдануы

Сұрақты түсіну мен толық жауап беру қабілеті

Грамматикалық және лексикалық құрылымдардың қолдану аясын өте жақсы түсінеді.

Сөз саптауы дұрыс, анда-санда мардымсыз қателерді жібереді.