ҰБТ сынақ па, әлде өмір жолы ма мақала

ҰБТ сынақ па, әлде өмір жолы ма?

Әр адамның өмірінде шешуші сәттер болады. Мектеп бітірушілер үшін сол сәт – Ұлттық бірыңғай тестілеу (ҰБТ). Бұл – олардың білімін ғана емес, өмірлік таңдаулырын айқындайтын кезең. ҰБТ – әр оқушының мектеп қабырғасындағы он бір жылдық білімін саралайтын ерекше кезең. Бірақ бұл сынақты өмірдің соңғы шешімі деп қабылдау дұрыс па?

ҰБТ – 11 жылдық білімінің қорытындысы. Ол оқушының жинаған білімін, есте сақтау қабілетін, логикалық ойлауын, дайындық деңгейін тексереді. Бұл жағынан алғанда, ол – нағыз сынақ. Бірақ білім ғана емес, стреске төтеп беру, өз- өзіне сену, уақытты басқару сынды өмірлік дағдыларда да осы кезеңде көрінеді.

Тестілеу нәтижесі жоғары оқу орнына түсуге жол ашады. Осылайша, әр оқушы болашағына алғашқы нақты қадам жасайдұы. Мамандық таңдау, армандарға ұмтылу, жауапкершілік сезіну – мұның бәрі осы кезеңмен тығыз байланысты. Демек, ҰБТ – үлкен өмірдің бастамасы.

Кейде нәтиже күткеннен төмен болуы мүмкін. Бірақ бұл – тығырық емес. Қазіргі таңда қайта тапсыру мүмкіндігі де, басқа жолдармен білім алуға болатын мүмкіндігімүмкіндіктер де көп. Ең бастысы – тоқтамау, іздену және алға жылжу.

Жоғары бал – жетістік, ал төмен бал – сабақ. Ең бастысы – адам жолдан жаңылмай, өмірлік мақсатын ұмытпауы керек. Бір сынақпен өмір бітпейді. Керісінше, нағыз өмір – осы сынақтардан кейін басталады. Ал әр қыйындық – өсудің сәті. Сондықтан ҰБТ- ны сынақ деп емес, өмір жолындағы мүмкіндіктін басы деп қабылдайық. Сенім мен еңбек – әрқашан алға жетелейді.