Үй жануарларына қамқорлық жасаймын ашық сабағы

№2 «Бөбек» санаториялық балабақшасы КММ-сі

Ашық оқу қызметі

Тақырыбы: «Үй жануарларына қамқорлық жасаймыз»

Тобы: «Болашақ» ересектер

Тәрбиеші:Есекеева Камшат Жаңбырбекқызы

2018-2019 оқу жылы

Ашық оқу қызметі Білім беру саласы: «Таным»

Оқу қызметі: Жаратылыстану, Әлеумет

Тақырыбы: «Мен үй жануарларына қамқорлық жасаймын.»

Мақсаты: Білімділік: Үй жануарлары туралы түсініктерін жетілдіре отырып ,үй жануарлары және олардың төлдерімен таныстыру, үй жануарлары жайлы түсініктерін, ажырата білуді үйрету, пайдасы жайлы алған білімдерін бекіту. Дамытушылық: Әңгімелету арқылы есте сақтау, ойлау қабілеттерін арттыру, өз ойларын еркін, әрі нақты жеткізе білуге дағдыландыру, ойын арқылы сөздік қорларын молайту. Құрдастарының жауаптарын толықтыра білу қабілеттерін дамытуТәрбиелік: Жануарларға қамқорлық жасауға, оларға сүйіспеншілікпен қарай білуге тәрбиелеу.Әдіс - тәсілі: Жұмбақ шешу, түсіндіру, әңгімелеу, сұрақ - жауап, ойын, интерактивті тақтадан көрсету және ойын ойнату.Көрнекіліктер: Үй жануарларының суреттері, интерактивті тақта, ауыл жануарларының макеті.

І кіріспе бөлімі

Амандасу рәсімі, үш тілде.

Сәлеметсіздер ме, Здраствуйте ,HeIIo!

Шаттық шеңбері

Бақыт толы шеңберге,

Шаттық толы шеңберге,

Қол ұстасып келдік біз,

Жан достармыз енді біз.

Достарымның барлығын,

Сыйлап, жақсы көремін.

Алақаным арқылы

Жылуымды беремін

Достар,бері келіңдер,

Қолдарыңды беріңдер.

Шаттық толы шеңберге,

Қуанышпен еніңдер!

Жарайсыңдар, балалар. Орнымызға жайғасайық.

-Қазір жылдың қай мезгілі?

-Күз мезгілі несімен ерекшеленеді?

-Күз мезгілі нешеге бөлінеді?

Олай болса, енді сендерге жұмбақ жасырайын, шешуін тауып көріңдерші.

1. Кішкене ғана бойы бар,

Айналдырып киген тоны бар. (қой)

2. Маң-маң басып келеді.

Тапырақтап желеді. Мойны ұзын,үсті тау, Ертеден елге бел еді (түйе) 3.Төрт аяғы бар,

Басында екі таяғы бар, (ешкі)

Иегінде екі сақалы бар.

4.Өріске ерте өреді,

Біздерге сүт береді. (сиыр)

Балалар бүгін біз не туралы айтқымыз келіп тұр екен. Әрине ,үй жануарлары туралы. Бүгінгі оқу қызметіміздің тақырыбы «Мен үй жануарларына қамқорлық жасаймын. » Осы үй жануарлары қайда тіршілік етеді.

- Ауылда.

- Ал біздер қайда тұрамыз?

- Қаланың аты қалай?

- Ал сендер ауылға барғыларың келе ме?

Тосын сый.

-Қамбар ата келеді.

-Амансыңдар ма балалар. Сендер қайда бара жатырсыңдар? Мен ауылымды таппай жүрмін, өзгеріп кеттіпті, мына күз мезгілінде түсі өзгерген ба білмедім. Сендер менің ауылымды еске түсіріп суретін боя бересіңдерме?

(ақ тақтадан ауыл көрінісін күз мезгіліне байланысты бояп беру. )

Олай болса барлығымыз ауылға саяхатқа барып қайтайық. Жолда көңілді болу үшін «Мен ауылға барамын» әнін айтамыз. (шеңбер бойымен жүреді)

- Міне, балалар, біз ауылға келдік.

Алдымыздан атай мен әжей қарсы алады.

Амансыңдар ма балалар, қайдан келесіңдер.

Атай: Қайдан келесіңдер? Балалар: қаладан, балабқшадан келеміз. Үй жануарларына қамқорлық жасағымыз келеді. Атай:Ия, Ауылда үй жануарлары тіршілік етеді.

- Сендер қандай үй жануарларын білесіңдер.

Тыңдап қарасақ, олардың дыбыстары естіледі.

Тәрбиеші: Ал балалар бұл біздің ата мен әжеміздің ауылы, мынау ауылдағы үй жануарлары.

-Үй жануарларын кім атап береді?

Дұрыс айтасыңдар, балалар, осы сиыр, қойды үй жануарлары деп атайды.

Үй жануарларына сонымен бірге жылқы, түйе, ешкі және ит пен мысық жатады. Мысық - ол үйде тұрады. Ал, ит үйдің сыртында, үйшікте тұрады. Ол үйді күзетеді.…