Ұлттық ойындар халық мұрасы ашық сабағы

Тақырыбы: Ұлттық ойындар – халық мұрасы

Мақсаты:

Ұлттық ойындар дене шынықтыру іс–әрекетінде кең қолдана отырып, балалардың дене тәрбиесін дұрыс жолға қою, спорттық шеберліктерін, мүмкіндіктерін арттыру, өз жерін, өз елін қорғай алатын ел жанды, ұлттық намысы мол жігерлі бүлдіршіндерді тәрбиелеу.

Керекті құрал-жабдықтар: арқан, жылқы макеті, қамшы.

Барысы:

Жүргізуші: Құрметті ұстаздар мен тәрбиешілер! Бүгінгі «Ұлттық ойындар – халық мұрасы» атты сайысымызға қош келдіңіздер! Ортаға сайыскерлерімізді шақырайық.Жүргізуші: Міне, балалар шықты алаңға,Жас спортшылар жеке – жеке команда.Ал, балалар өздеріңді таныңдар,Ептілік, мықтылық, батылдық көрсетіп табанды.

«Ура» деген ұранды біз тастаймыз,Жарысымызды ал енді бастаймыз.«Жеңіске жетеміз!» деп,Жалынды ұран тастаймыз.

Бүгінгі жарысқа қатысуға екі топ келіп тұр.

«Тұлпар» тобыҚатар өскен құрдасқа,Жарыс ұнап тұрмас па!Қуып жету жақсы ғойОзып шығу бір басқа.«Қыран» тобыБосқа қарап тұрмайық,Бағымызды сынайықНамысты қолдан бермейікЖарысты озып шығайық.

Жүргізуші: Балалар, сендерге сәттілік тілей отырып, жарысымызды бастаймыз. Ал, енді сайысымыздың шарттарымен таныстырайық...

Сайыс шарттары:1. Бәйге2. Арқан тартыс3. Теңге алу

Ұлттық ойын «Бәйге». Ойын шарты: Әр топтың алдына 3 - 4 м қашықтықта межелер белгіленді. Екі топтың балалары ( арақашықтық 2м) сап түзеп тұрады. Бұл ойында жұптасып жарысады. Әр топқа бір ат, бір қамшы байланады. Белгі бойынша әр топтан бір баладан атқа қонады да жарысады. Балалар аттың шабысына салып шабуы тиіс.

Жүргізуші: -Жарайсыңдар балалар! Седер өз ептіліктерің мен жылдамдықтарыңды көрсете білдіңдер. Келесі кезең «Арқан тартыс» ойыны. Ұлттық ойын «Арқан тартыс». Ойын шарты: Бұл екі топқа бөлінген балалармен ойналатын ойын бір түрі. Арқанның екі жағынан екі топқа бөлінген балалар тартысады. Қай топ өз жағына алып, келсе сол топ жеңіске жетеді.

Жүргізуші: - Өте жақсы балалар! Белсенділік танытып ойынға жақсы ат салыстыңдар! Келесі ойнайтын ұлттық ойын «Теңге алу» деп аталады. Алға!

Ұлттық ойын «Теңге алу».Ойын шарты: Бұл ойынды ер балалар ойнайды. Аттың орнына шыбық ат пайдаланады. Белгілі бір жерге теңгені ыдысқа салып қояды. Ойыншылар атпен шауып келіп еңкейіп теңгені ыдыстан тез алып шаба жөнеледі. Егер ойыншы теңгені алмай қалса жеңілген боп есептеледі.