Ұлттық ойындарды ұлықтау тақырыбындағы сайыс жоспары

Қызылорда облысы

Қармақшы аудандық оқушылар үйі

«Фитодизайн» үйірмесінің жетекшісі

Зұлпыхарова Майра Нұралханқызы

«Ұлттық ойындарды ұлықтау» тақырыбында « Жас толқын» аулалық клуб мүшелерінің қатысуымен өтетін топтық сайыстың

Ж о с п а р ы:

Мақсаты: Оқушылардың жазғы демалыс уақытында табиғат аясында жазғы демалыс уақыттарын көңілді ұйымдастыру. Қазақ халқының ұмыт қалған ұлттық ойындарын қайта жаңғырту арқылы қазіргі заман талабына қарай оқушылардың қимыл- қозғалыс дағдыларын және сезімін ояту. Жасөспірімдерді ұқыптылыққа , шапшаңдыққа , достыққа , дене тәрбиесімен айналыса отырып салауатты өмір салтын қалыптастыруға тәрбиелеу.

Сайыстың өткізілу барысы:

І.Кіріспе.

1.Ұйымдастыру кезеңі.

2.Қатысушы топтарды тіркеу

3.Қазылар алқасымен таныстыру

ІІ.Негізгі бөлім

Мұғалімнің кіріспе сөзі

«Қара жорға» биін билету

Ұлдарға «Асық ату» , қыздарға «Бес тас» лақтыру ойыны

« Білектесу» қол күресу

Иық тіресу

Арқан тартыс

ІІІ.Қорытынды.

1. Сайыскерлерді бағалау.

2. Байқау жеңімпаздарын марапаттау.

«Ұлттық ойындарды ұлықтау» тақырыбында өтетін топтық сайыстың

Сценарийі:

Армысыздар ұстаздар және бүгінгі сайысымызға қатысушы топтар!

Бүгінгі «Табиғат сақшысы» аулалық клубының ұйымдастыруымен өткелі отырған «Ұлттық ойындарды ұлықтау» тақырыбындағы сайысымызға қош келдіңіздер!

Мақсаты: Оқушылардың жазғы демалыс уақытында табиғат аясында жазғы демалыс уақыттарын көңілді ұйымдастыру. Қазақ халқының ұмыт қалған ұлттық ойындарын қайта жаңғырту арқылы қазіргі заман талабына қарай оқушылардың қимыл- қозғалыс дағдыларын және ұлтжандылық сезімін ойату. Жасөспірімдерді ұқыптылыққа , шапшаңдыққа , достыққа , дене тәрбиесімен айналыса отырып салауатты өмір салтын қалыптастыруға тәрбиелеу

Қазақ халқы тойшыл , ойын-сауықшыл халық. Бүгiнде қазақтың ұлттық ойындарының 100 ден аса түрі мәлім. Ата-бабаларымыздың ғасырлар бойы жинақтаған тәжірибесін,мәдениетін ұлттық ойындар арқылы жасөспірімдер бойына, санасына сіңіріп, қоршаған ортадағы қарым-қатынасын, мінез-құлқын, өмірге деген көзқарасын,бағытын дұрыс қалыптастыра отырып тәрбие берген. Қазақ халқының ұлы ойшылы Абай Құнанбаев :«Ойын ойнап, ән салмай,өсер бала бола ма?»деп айтқандай жасөспірімдердің өмірінде ойын ерекше орын алады.Өскелең ұрпақтың өмірді тануы, еңбекке қатынасы психологиялық ерекшеліктері осы ойын үстінде қалыптасады.Ұлттық ойын-болашақ ұрпақтың ойлау қабілетін арттыратын негізгі іс-әрекеті екенін ойлай отырып жасөспiрiммен тәрбиелiк жұмысты ертерек және жас ерекшелiктерiне қарай жүргiзудi пайымдаған. Қазақ халқының ұлттық ойындары адамға өмірде жиі кездесетін қажетті қозғалыс дағдыларын жетілдіреді. Мұның адам бойында ептілік, жылдамдық, байқампаздық, санау, реттеу, топтау, жылдам ойлап, шешім шығару қасиеттерін жақсы дамытумен қатар, көз жанарын жетілдіруге, сауықтыруға да көп пайдасы бар, сонымен қатар қол, дене бұлшық еттерінің жақсы дамуына әсер етеді. Кейбір ойындарды жылдың барлық мезгілінде, б

Ұлттық ойындар :

1. Табиғи заттарды қолданып ойнайтын ойындар: асық, бестас, лек жалау, сиқырлы таяқ, бақай пiстi, жылмаң т.б.;

2. Жануарлар бейнесiн елестетiп ойнайтын ойындар: соқыр теке, түйе-түйе, ақ байпақ, көк сиыр және т.б.;

3. Мүлiктiк бұйымдарды қолданып ойнайтын ойындар: шалма, бөрiк жасырмақ, түйiлген шыт, тақия телпек, белбеу тастау, орамал тастау, т.б.

4. Құрал-жабдықсыз ойнайтын ойындар: айгөлек, ақсерек-көксерек, шымбике, мәлке тотай, тоқтышақ, шертпек, жасырынбақ, бұғынай, т.б.

Балалар тағы қандай ұлттық ойындарды білесіңдер?

Сайысымызды бастамас бұрын сіздерді өтілетін ойын кезеңдерімен таныстырып кетейін.

«Қара жорға» биін билейміз

Ұлдар «Асық ату» ойынын ойнайды , қыздар «Бес тас» ойынын ойнайды

« Білектесу» қол күресу, күш сынасу

«Иық тіресу» ойыны

Арқан тартыс ойыны .

Бүгінгі сайысқа қатысушы топтардың ұпай санын анықтап , саралайтын әділ- қазылар алқасымен сіздерді таныстырып өтейін:

1.Аудандық оқушылар үйінің оқу- ісі жөніндегі орынбасары: Манасова Құралай апай

2.Оқушылар үйінің бұқаралық ақпартты ұйымдастыру ісінің маманы: Аймаханова

Марал апай