Ұлттық құндылықтар туралы авторлық бағдарлама, 3 сынып

Т Ү Р К І С Т А Н О Б Л Ы С Ы

ЖЕТІСАЙ АУДАНЫ. ЖЕТІСАЙ ҚАЛАСЫ

«М.Горький атындағы №1 мектеп-гимназия» коммуналдық мемлекеттік мекемесі

Әдебиеттік оқулық пәнінен

« Ұлттық құндылықтар»

(Авторлық бағдарлама)

Бастауыш сынып мұғалімі:

Байдашева Бақтыгүл Жолдыбайқызы

2022-2023 оқу жыл

«М.Горький атындағы №1 мектеп-гимназия» КММ-ның бастауыш сынып мұғалімі Байдашева Бақтыгүл Жолдыбайқызының әдебиеттік оқулық пәніне « Ұлттық құндылықтар» тақырыбына жазылған авторлық бағдарламасына

Пікір

Жобаның авторы: Байдашева Бақтыгүл Жолдыбайқызы

Тақырыбы: « Ұлттық құндылықтар»

Бастауыш сынып оқушылары сәлемдесу, өзін-өзі ұстай білуге, инабаттылық пен ізеттілікке, аты-жөнді қазақша дұрыс айту, мектепте және үйде өзін-өзі ұстау, үлкенді құрметтеу, кішіге ізет көрсету, дастархан басында ұстау, ас ішудегі әдептілік, жақындық қарым-қатынасты білдіретін атаулар, жеті атасын білу,әдеп-ғұрып, салт-дәстүрлер, көне бұйымдар мен зергерлік бұйымдар туралы кеңінен мағлұмат алады.Ұлттық мәдениет ережелерін меңгерте отырып,оқушы бойындағы дүниетанымын, шығармашылығын ұштауға жол ашылады. Баланың жас ерекшелігіне байланысты ұлттық ойындар, ұлттық тыйым салу дәстүрін тұрмыста қолдануға дағдыландыру. Халқымыздың ежелден келе жатқан дәстүрлі жұмбақ, жаңылтпаш, мақал-мәтелдер мен шешендік сөздерді үйрету арқылы баланың тілін дамыту, сөйлеу мәдениетін кеңейту. 1 – 4 сынып оқушыларын бүкіл ұлттық мерекелерде туыстарын (ата-әже, әке-ана т.б) қатыстыра отырып өткізуде, туыстық қарым-қатынастық нығаюына көңіл бөлінген.Халқымыздың қасиетті дәстүрлерінің бірі табиғатты аялау, яғни экологиялық тәрбиеге байланысты тыйымдарды түсіндіру, ұлттық ойындар мен ұлттық спорт өнеріне кездесулер ұйымдастыру арқылы баланың өз ұлтына деген мақтаныш сезімін ояту.

Қай заманда болмасын адамзат алдында тұратын ұлы міндет – өзінің өмірін жалғастырушы саналы ұрпақ тәрбиелеу. Ұрпақ тәрбиесі – ұлт болашағы, келешек қоғам тәрбиесі. Ұлттық тәрбие – біздің ұрпақтан ұрпаққа жеткізетін асыл қазынамыз. Ол болашақ ұрпақты өмір сүруге тәрбиелейтін үлкен тәрбие құралы. Бұл қазына ұлттық құндылықтар арқылы бала бойына сіңеруі даусыз. Олай болса барлығымыз өскелең ұрпақ тәрбиесінде ұлттық құндылықтарымызды басшылыққа аламыз деген ойдамын.

Пікір жазған:

«М.Горький атындағы №1 мектеп-гимназия»

КММ-ның директордың

оқу ісі жөніндегі орынбасары: Алекеева Г

Тақырыбы: «Ұлттық құндылықтар»

«Балаңды өз тәрбиеңмен тәрбиелеме,

өз ұлтыңның тәрбиесімен тәрбиеле»

(мақал)

АЛҒЫ СӨЗ

Ұлттық құндылықтарымызды балалардың бойына қалай дарытамыз? Міне бұл сұрақтың жауабын былай берсе болады. Құндылықтарды іс-әрекет арқылы, сұрақтар арқылы, кері байланыс, рефлексия арқылы. Бұл баланың бойында өз Отанына, еліне деген сүйіспеншілік, құрмет, адамгершілік құндылықтарын қалыптастырады. Әрбір жас ұрпақ өз жері мен оның байлығының иесі болу үшін жаңа технологияларды меңгеріп, жаңаша өмір сүруге үйренудің жолдарын білуі тиіс.

Оқушыларды ұлттық құндылықтарға, шығармашылыққа баулу үшін тағы бір қажеттілік - баланы психологиялық дайындықтан өткізу, яғни педагогтің психологиялық әсері шығармашылық кезеңде баланың шабытын оятып, құлшындырып, еліктіріп отырады. Осынау сақ даласын көргенде, иен даланы тарихи оқиғалармен сабақтастыра баяндағанда оқушыға ұстаздың берер психологиялық әсері қандай болмақ:

Оқыту үрдісінде қазақ әдебиетін ұлттық құндылық ретінде таныта білу – мұғалімнің шеберлігі. Ұлттық құндылық дегеніміз – тұтас бір жүйе. Оған халықтың көркем мәдениеті немесе халық өнері,сондай-ақ халықтың әлеуметтік және мәдени қауымдастық ретінде пайда болуымен бірге туындаған әдет-ғұрыптар, салт-дәстүрлер, жол-жоралғылар, ұғым-түсініктер, дағды, көзқарастар жатады.

«Халықтан асқан ұлы ұстаз жоқ» дейтін болсақ, халық ауыз әдебиетіндегі мол мұралар балалардың рухани азығын жетілдіретін негізгі нәр болмақ. Халықтың асыл қазынасымен астасып жататын шешендік сөздер ойымызды дәлелдей түспек

«Әдебиеттік оқу» пәні бойынша ұлттық құндылықтарды төмендегідей міндеттерді жүзеге асыру көзделеді:

1) әдеби көркем шығармаларды оқыту арқылы қазақтың рухани қазынасын меңгерту;

2) коммуникативтік (айтылым, тыңдалым, оқылым, жазылым) дағдыларын қалыптастыру;

3) ауыз әдебиетінің, отандық және әлемдік балалар әдебиетінің озық үлгілерімен таныстыру арқылы оқушыларға адамдардың өзара түсінісуі, сыйластық, құрмет сезімдері, адамгершілік қасиеттері, өзінің және өзгенің іс-әрекетіне жауапкершілікпен қарай білуі сияқты ізгілікті қасиеттерді қалыптастыру;

4) оқу сапасын (дауыстап, түсініп, іштей, мәнерлеп, көз жүгіртіп, болжап оқу) жетілдіру;

5) оқушылардың оқырмандық мәдениетін қалыптастыра отырып, сөз әдебі нормаларын орынды қолдану дағдыларын меңгерту;

6) сыни ойлауын жетілдіру;

7) көркемдік-танымдық сипаттағы мәтіндерді өз мақсатына сай іріктеп, саралап, талдап, ой қорытындысын жасауға үйрету;

8) алған білімін өмір жағдаяттарына байланысты қолданып, дұрыс шешім жасай білуге үйрету;

9) оқылған шығарма сюжетінің ізімен немесе еркін тақырыпта ауызша, жазбаша шығармашылық жұмыс түрлерін орындауға дағдыландыру.

Әдебиетті ұлттық құндылық ретінде оқыта білу барысында мұғалім әр шығарманың өзіндік ерекшелігін саралай отырып, оқушылардың көркем туындыға байланысты әсерлерін толықтыруына, көркем сөз құдіретін түсіне білуге, әр шығарма негізінде үлкен ой, үлкен мәселе жататынын аңғара білуге баулиды

Таңдау курсының мақсаты:

Оқушылардың әдебиеттік оқулық пәнінен алған білімдерін жетілдіре отырып, тіл байлықтарын, өз ойларын нақты, терең мағыналы әрі көркем жеткізе білу дағдыларын дамыту; Өзіне сенімді, мәдениетті тұлға тәрбиелеу; Оқушылардың ауызша және жазбаша тілін дамыту;

Олардың білімге деген құштарлығын, еңбексүйгіштігін, орындалатын жұмысқа деген жауапкершілігін арттыру, қиындықтарды жеңе білуге баулу.

Міндеттері:

Толыққанды дамуына және бейімделуіне, табысты білім алуға және белсенді қызметке ынталандыру;

Балаларды бір-бірімен дұрыс қарым-қатынас жасай білуге және табысқа жетуге үйрету;

Байланыстырып сөйлеуге, сөйлеу мәдениетіне үйрету;

Үлкендерді құрметтеп, олардан өнеге алуға жетелеу.

Күтілетін нәтиже:

Оқушылардың пәнге деген танымдық, шығармашылық қабілеті дамып, сабаққа деген қызығушылықтары оянып, ынтасы дами түсті.

Еркін ойлауға мүмкіндік алады; Ақыл-ойын дамытады;

Ұжымдық іс-әрекетке тәрбиеленеді; Тіл байлығы жетіледі;

Оқушылардың дүниетанымы кеңейіп, сөздік қоры , ойлау қабілеті артты

Әр тақырып бойынша қосымша ізденіп оқу керектігіне дағдыланып, шапшаңдыққа, жинақылыққа , бәсекелестікке қабілеттілігі артты

Қолданылатын әдіс-тәсілдер• Сынып сағаты• Ұлттық ойын түрлері• сөзжұмбақ• сайыстар• көрме• саяхат• спорттық мерекелер• отбасылық сайыстар• Сахналық қойылымдар

Әдебиеттік оқу пәні Ұлттық мәдениет ережелерін меңгерте отырып,оқушы бойындағы дүниетанымын, шығармашылығын ұштауға жол ашу. Баланың жас ерекшелігіне байланысты ұлттық ойындар, ұлттық тыйым салу дәстүрін тұрмыста қолдануға дағдыландыру.

«Баланың ынтасын арттыру үшін оқылатын нәрседен

бір жаңалық болу керек»

Жүсіпбек Аймауытов

«Грамматика әлемі» бағдарламасының

күнтізбелік тақырыптық жоспары

3-сыныпқа арналған 36 сағат

Сабақтың тақырыбы

Сағат саны

Мерзімі

Сәлемдесу Сәлемде сұлу сыр бар.

Әдептілік әліппесі Әдепті бала, арлы бала.

Аты-жөнді,тегін туған жерін, мекен –жайын білу.

Жеті атасын білмеген- жетесіз.

Дос болайық, бәріміз! Кел, танысайық!

Бабалар сөзі-даналық көзі.

Тілім менің-тірлігімнің тірегі

«Бәйге» ойыны

«Киіз үй»ойыны

«Сақина тастамақ» ойыны

«Хан талапай» ойыны

Теңге ілу. ойыны

Арқан тарту ойыны

Ұлттық тағамдар

Ұлттық саз аспаптары

Ұлттық киімдер

Мақалдарды дұрыс құрастыр.

Тыйым сөздерді жалғастыр.

Аңыз әңгімелер

Қазақтың құнды өсиеттері.

Түбі бір туыспыз Үш жүз туралы түсінік

Отбасы –шағын мемлекет Атаңа не істесең, алдыңа сол келеді

Шебер қолдар Ел іші –өнер кеніші

Қазақтың ою-өрнектер

Еңбектің наны тәтті Еңбекпен тапқан тиын (ойталқы)

«Ғылым таппай мақтанба» Абай