Ұлтымыздың рухани ұлы тұлғалары: 7-сынып жұмысы

«Ұлтымыздың рухани ұлы тұлғалары »

«Бір ел-бір кітап » акциясы аясында оқуға ұсынылған Ә.Кекілбаев, Ә.Тәжібаев шығармалары бойынша кітап көрмесіне библиографиялық шолу.

Мақсаты: Ұлттық әдебиетіміздегі ең үздік туындылармен таныстыру.Оқу ісін ілгерілету,рухани мұрамызды сақтау.

Өтетін орны: мектеп кітапханасы

Уақыты: 26.01.2019ж

Оқырман тобы: жасөспірімдер.

Өту барысы:

1. «Жазушы Ә.Кекілбаев мұрасы »- өмір жолдарына шолу.

2. «Қазақ поэзиясының ақтаңгері-Ә.Тәжібаев »- шолу.

3. «Ұлтымыздың рухани ұлы тұлғалары » кітап көрмесімен таныстыру.

Кітапханашы: Құрметті оқырмандар! Оқырманның рухани құндылығы –кітап оқуды кеңінен насихаттау мақсатында , елімізде ұлттық әдебиетіміздің үздік туындыларын ортақтаса оқуға арналған «Бір ел-бір кітап » акциясы 2007 жылдан бастап өткізіліп келеді.Ұлы Абайдың «Қара сөздері », М.Әуезовтің «Қилы заман» М. Жұмабаевтың «Жан сөзі », Ж.Молдағалиевтің «Мен қазақпын »т.б.

Биыл яғни 2019 жылы да «Бір ел-бір кітап » акциясы да жалғасын тапты.Республикалық «Бір ел-бір кітап » акция комитеті мен әлеуметтік желідегі оқырмандардың таңдауы арқылы биылғы жылда жазушы Әбіш Кекілбаевтың «Аңыздың ақыры » романы және ақын Әбділда Тәжібаевтың поэзияларын оқуға ұсынылды.

Бүгін біз сіздермен бірлесе отырып таңдалған үздік туындыларды таныстыру, оқыту мақсатында «Ұлтымыздың рухани ұлы тұлғалары » атты библиографиялық шолу сағатын ұйымдастырып отырмыз ,бәріңізде қош келдіңіздер!

Шолу сағатының бірінші көрнекті жазушы ,қоғам қайраткері Ә.Кекілбаевтың және туған әдебиетіміздің ірі тұлғалардың бірі Ә.Тәжібаевтың өмір жолдарымен кітапхана оқырмандары таныстырады.

1-оқырман: Әбіш Кекілбаев 1939 жылы 6 желтоқсанда Маңғыстау обл.Маңғыстау ауданы, Оңды ауылында дүниеге келген. 1962 жылы Қазақ мемлекеттік университетін бітіргеннен кейін «Қазақ әдебиеті », «Лениншіл жас » газеттерінде әдеби қызметкер, бөлім меңгерушісі болып істеген.

2-оқырман: 1964-1968 жылдары Қазақ КСР Мәдениет министрлігінде репетуарлық редакциялық коллегия мүшесі қызметтерін атқарды. 1970-1974 жылдар аралығында «Қазақфильм » киностудиясында бас редактор,1975-1984 жылдары Қазақстан Компартиясы Орталық Комитетінің мәдениет бөлімінде нұсқаушы, сектор меңгерушісі қызметтерін атқарған.

1-оқырман: 1984-1986 жылдар аралығында Қазақ Мәдениет министрінің орынбасары,1986-1988 жылдары Қазақстан Жазушылар одағы басқармасының 2-ші хатшысы .1988-1990 жылдары Тарихи және мәдени ескерткіштерді қорғау қызметтерін атқарған,1990 жылдан бастап Қазақстан Компартиясы Орталық Комитетінің бөлім меңгерушісі .1991 жылы Қазақстан Жоғары Кеңесінің депутаты, Мәдениет, тіл және ұлтаралық қатынастарды дамыту жөніндегі комитетінің төрағасы.