Үміт, сенім, махаббат тақырыбындағы логопедиялық семинар

ТО ББ «Тілінде ауыр кемістігі бар балаларға арналған т арнайы мектеп-интернат» КММ

Мектепішілік семинар

Тіл кемістігінің түрі:Тұтықпа

«Тіл түзету »әдіс бірлестігі

2018-2019 оқу жылы

Мақсаты: ата - ана мен бала арасындағы сенімді сыйластықты, бір - біріне деген сезімді нығайту. Ата-ана - отбасының негізгі діңгегі, бастапқы дәнекері екенін ескеріп, мектеп, ата-ана, логопед,ұстаз ,тәрбиешілер болып бірігіп, сапалы түзету жұмысы, саналы білім мен тәрбие беру арқылы салауатты ұрпақ тәрбиелеу. Күтілетін нәтиже: - Ата - ана мен бала арасындағы сенімді сыйластық әрекетінің мақсаты айқындалады, баланың бас ұстазы ата - ана екенін түсінеді, бір - біріне деген сезім нығайады; Идеясы: « Ұяда не көрсең , ұшқанда соны ілесің!» Әдісі: релакцасия, әңгімелесу- пікір алмасу,тыныс алу жаттығулары, тренингтер, ситуациялық сұрақтар, Жүргізілу барысы: Кіріспе сөз :

ҮМІТ пен СЕНІМ –екеуі менің тірегім,Орындалады, арманым, ойым, тілегім!ЖАҚСЫЛЫҚ, ҮМІТ, СЕНІМге мекен тұрақ боп,Бүлкілде менің, МАХАББАТ толы жүрегім!- Қош келдіңіздер, құрметті ата - аналар және әріптестер. Бүгінгі біздің «ҮМІТ.СЕНІМ.МАХАББАТ»атты мектепішілік семинарға ерекше болады деген үміттеміз. Семинарымыздың ерекшелігі сол, тұтықпа балалармен жүргізілетін жұмыстарды біз боп, сіз боп пікірлесе отырып, ойымызды түйіндеп, өмір жолында пайдалану. Отбасы - Адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан да отбасы - адамзаттың аса қажетті, әрі қасиетті алтын бесігі. Бала қанша білім алып, мектеп табалдырығын аттағанымен, оның өмірінің көп бөлігі әке - шешесінің қасында өтеді екен. Ал сіздердің ата - ана, өміріңізде үш рет мектепке баратыныңызды әрқашан естен шығармаңыз. Бірінші рет – өзіңіз, екінші рет – балаңыз, ал үшінші рет – немереңіз барады екен. Ендеше бүгінгі сабағымызға қатысып отырған ата - аналарға әрдайым осы балаларыңыздың қорғаны болып, немере сүйіп мектепке келе беріңіздер демекпіз!

І Ұйымдастыру бөлімі

1)Баяндама: «Тұтықпаның түрлері және түзету жолдары»

Жауапты:Жүсіпбаева Л

2)Тренинг (ата-анамен)

Жауапты:Баимбетова К

Шаттық шеңбері:

Ата - аналарды қолымыздан ұстап, шаттық шеңберіне тұрғызу. Мен сіздермен кездескеніме өте қуаныштымын. Қане, бәріміз бір - біріміздің қолымыздан ұстап шеңбер құрайық. Осы дөңгелек шеңберді неге шаттық, жылулық шеңбері деп атаймыз? Қалай ойлайсыздар. Шеңберге тұрудың үлкен бір қасиеті бар. Шеңберіміз көктегі жылу беретін күн сияқты дөңгелек. Шеңберге тұрып, бір - бірімізді жақсы көре аламыз, жақсылық пен жылулығымызды сыйлай білуге үйренеміз. Міне, сондықтан бұл шеңберді жылулық, шаттық шеңбері деп атаймыз. Енді бәріміз жақсылық тілеп, шаттана қуанып, күлкімізді сыйлайық.

Танысу: Ата-аналар шеңбер бойымен тұрып, әрқайсысы өз есіміне бір сын есім қосып және баласының есімін атап, баласының бір жағымды қылығын атайды.

Тыныштық сәті(баяу музыканың үнімен өткізіледі)

«Гүлдің оянуы»

Терең демалайық .Құдіретті жарық түсіп тұрғанын елестетіп көріңіздер.Бұл қайрымдылық,бақыт,бейбітшілік және қуаныш жарығы.Қандай тамаша!Қане,сұлулықты тамашалап көрейік!Бұл таң ғажайып жарық жүрегімізге тыныштық ,қайырымдылық,сүйіспеншілік әкелсін.Ішкі дүниеміз тап-таза ,жап-жарық болып кетті.Міне, керемет!Жүрегімізде әдемі гүл ашылып келеді.Қандай әдемі!Түрлі-түсті жапырақтар құлпырып тұр.Бұл сіздің отбасыңыз.Ал гүлдің ортасындағы дөңгелек бұл сіздің балаңыз .Бұл жәй гүл емес ,сүйіспеншілік гүлі .Көзіңізді жұмып осы гүлді елестетіңіздер.Ол әлі кішкентай.Күн оны жылытып ,өсуіне көмектеседі.Гүлдің иісін иіскейміз.Міне,бізде қандай ғажап гүл пайда болды.Ал ,енді осы сәтті қағаз бетіне түсіріп ата-аналар ақ параққа гүлдің суретін салып ,гүлдестеге баласына деген сүйіспеншілігін жазып ,өз ой-пікірлерін айтады.

3) Релакцасия(Балалармен)

Жауапты: психолог Жандарбекова Н

4) Тыныс алу жаттығулары

Жауапты:Серікбай Н

А.Н.Стрельникованың әдіс- тәсілі бойынша тыныс алу жаттығулары. 1.«Алақандар». Аяқтың арасы – ашық. Алақандар иіқпен бірдей, саусақтарды қатты жауып тыныс аламыз. (4 рет жасаймыз, 3-5сек демаламыз. Солай қайталап 4 рет жасаймыз. 4 жаттығу 4реттен болса, барлығы 16 рет).

2. «Мысық». Аяқтың арасы – ашық. Торғайды аңдып отырған мысықты еске түсіріңіз. Соның қозғалысын қайталап отыра, аздап отырып оңға және солға қараңыз. (4*4=16)

3.«Насос». Қолыңызға оралған газет немесе таяқ алып яғни насостың басы ретінде дөңгелектің желін босатқан тәрізді қимыл жасаңыз. Әрбір иілген сайын- тыныс алу керек. Иілу бітсе – тыныс алу да бітеді. Көп уақыт тыныс алу қажет. «Насос» қозғалысы көп тұтығатын болған адамға өте тиімді.