Жәндіктер тақырыбындағы логопедиялық ашық сабақ

Ашық сабақ

«Жәндіктер»

Өткізген: логопед А.С.Бисембаева

Сабақтың тақырыбы: «Жәндіктер»

Түзете-білімділік мақсаты: Жәндіктер туралы түсініктерін тереңдету және жәндіктердің түрлерін дұрыс атауға дағдландыру. Жыл мезгілдерін еске түсіру, жыл мезгіліне сай табиғат құбылыстарының өзгерістерін есіне түсіру.

Түзете дамытушылық мақсаты: Ойын арқылы баланың танымдық қабілеттерін, тілін, ұсақ моторикасын дамыту. Сөздік қорын байыту. Артикуляциялық жаттығулардың дұрыс орындалуын қадағалау. Компьютерді қолданып, пайдалана білуін дамыту.

Түзету-тәрбиелік мақсаты: Қоршаған ортаға қамқор болуға, табиғатты аялай білуге шақыру. Адамгершілік, сүйіспеншілік және достық сезімдерін ояту.

Әдіс-тәсілдер: сұрақ-жауап, түсіндіру, ойын.

Сабақтың көрнекілігі: жыл мезгілдерінің, жәндіктердің суреттері, айна, карточкалар, қағаз көбелектер, түтікше, ыдыс, жұлдызша.

Сабақтың барысы:

І. Ұйымдастыру бөлімі.

- Еламан, сәлеметсің бе?

- Біздің бүгінгі сабағымыз ерекше болмақ, бізге сабаққа қонақтар келіп отыр. Қонақтар өзіміздің апайлар, сондықтан қорықпай, ұялмай сабақты бастаймыз, жарай ма?

1. Артикуляциялық жаттығу.

- Алдымен біз айна алдына отырып артикуляциялық жаттығулардың түрлерін орындаймыз.

А) Жалпақ тіл, ә) Тәтті тосап, б) Сағат, в) Ат шауып келеді.

- Өте жақсы, артикуляциялық жаттығуларды жақсы орындадың.

ІІ. Негізгі бөлім.

1. Жаңа сабақ.

- Қазір қандай жыл мезгілі? (Көктем)

- Бірнеше күндерден соң қандай жыл мезгілі болады? (жаз)

- Өте жақсы. Табиғатта қандай өзгерістер болып жатыр? (күн жылынды, жиі жаңбыр жауды, адамдар жеңіл киінді, шөптер, теректе жапырақтар шықты)

- Жарайсың!

- Осы ағаштардан, шөптердің арасынан нелерді көруге болады? (көбелек, қоңыз, т.б.)

- Ия, оларды біз бір сөзбен нелер деп атаймыз? (жәндіктер)

- Ия, олай болса біз бүгінгі сабағымызда жәндіктер туралы айтамыз.

Күн жылыған бойда далада түрлі жәндіктер шыға бастайды. Жәндіктер түрлері өте көп, бірақ олар бір-біріне ұқсамайды. Әр жәндіктің өзіндік ерекшеліктері бар. Алып күш - адамға ғана тән емес. Кішкентай ғана жәндіктің де адам таңданарлық күші мен қуаты болуы мүмкін. Жәндіктердің кейбірі қауіпсіз (көбелектер, инеліктер, құмырсқалар, қанқыздар, шегірткелер, т.б.), ал кейбір жәндіктер адамға қауіп төндіреді (кенелер, масалар, аралар, т.б.). Енді мына суреттерге қарап, оларды атап көрейікші.

2. Тыныс алу жаттығуы «Көбелектерді ұста».