Ұқсас фигуралар мен үшбұрыштар ұқсастығы 9-сынып ашық сабағы

Қысқа мерзімді сабақ жоспары

Ұзақ мерзімді жоспар бөлімі:

Мектеп: "Жаңатірлік" жалпы орта білім беретін мектебі

Күні:

Мұғалімнің аты-жөні: Кариева Айсулу

Сынып: 9

Пәні: геометрия

Қатысқандар саны:

Қатыспағандар саны:

Сабақ тақырыбы

Ұқсас фигуралар және олардың қасиеттері. Үшбұрыштар ұқсастығының белгілері.

Осы сабақта қол жеткізілетін оқу мақсаттары (оқу бағдарламасына сілтеме)

Үшбұрыш биссектрисасының қасиетін білу және қолдану

Сабақ мақсаттары

Оқушылар:

-үшбұрыш биссектрисасының қасиеттерін ажыратады, және оны есептер шығаруда қолданады;

-үшбұрыш биссектрисасының қасиеттерін дәлелдейді.

- үшбұрыш биссектрисасының қасиеттеріне байланысты күрделі деңгейлі есептерді шығарады;

Бағалау критерийі

Оқушылар:

- үшбұрыш биссектрисасының қасиетін есептер шығаруда қолданады;

- үшбұрыш биссектрисасының қасиетін дәлелдейді

Тілдік мақсаттар

Оқушылар:

- үшбұрыш биссектрисасының қасиетін ауызша және жазбаша сипаттайды;

- үшбұрыш биссектрисасының қасиетін есептер шығару барысында қолдануды түсіндіреді.

Пәндік лексика мен терминология.

Үшбұрыштар ұқсастығы, биссектриса, пропорционал, пропорционал кесінділер.

Диалогқа, жазылымға қажетті тіркестер.

-үшбұрыштың бұрышының биссектрисасы...

-үшбұрыштың биссектрисаларының қиылысу нүктелері...;

Құндылықтарды

дарыту

Оқушыларды топтық және жұптық жұмыс жүргізу арқылы бір-біріне сыйластыққа, ынтымақтастыққа,өз ойларын ашық айта білуге, бір-бірінің пікірін құрметтей білуге, өмір бойы білім алуға тәрбиелеу

Пәнаралық байланыстар

Алгебра, сызу, информатика

Бастапқы білім

Үшбұрыштардың ұқсастық белгілері, үшбұрыштардың бұрыштары мен қабырғалары арасындағы қатынас.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

7 мин

1. Оқушылармен сәлемдесіп, түгелдеймін. Сыныпта жақсы психологиялық ахуал туғызу үшін "Шаттық шеңберін" құрамын. "Жүректен-жүрекке" әдісі арқылы оқушылар бір-біріне жақсы тілектер айтады.

"Мозаика" әдісі бойынша кеспе қағаздарды құрастыру арқылы 3 топқа бөлемін. Суреттерді құрастыру арқылы үшбұрыштың түрлеріне қарай топқа бөлінеді. Олар: теңқабырғалы үшбұрыш, теңбүйірлі үшбұрыш, тікбұрышты үшбұрыш.

2. "Миға шабуыл" әдісі арқылы оқушыларға жаңа тақырыпты меңгеру үшін қажетті ұғымдарды қайталатып, жаңа сабаққа бағыттаймын. Өткен тақырыпты қайталау мақсатында оқушыларға келесі сұрақтарды ұсынамын:

1. Ұқсас түрлендірудің қасиеттерін ата.

2. Үшбұрыштар ұқсастығының бірінші белгісі.

3. Үшбұрыштар ұқсастығының екінші белгісі.

4. Үшбұрыштар ұқсастығының үшінші белгісі.

5. Мына суреттен ұқсас үшбұрыштарды табыңдар.

Бағалау: Ауызша бағалау.

геометрия 9 сынып: Шыныбеков А.Н. Атамұра,2013

Слайд

Сабақтың ортасы

30 мин

3. "Түртіп алу" әдісі арқылы жаңа тақырыпты меңгерту мақсатында ақпараттық ресурс арқылы тақырыпты ашатын видеоролик көрсетіледі және оқулықтан осы сабақ мақсатына байланысты ақпараттар беріледі. Оқушылар маңызды, керекті тұстарын белгілейді.

Тақырыпқа қатысты әрбір оқушыдан нені түсінді немесе түсінбеді деген мақсатта "Бір минуттық әңгіме" әдісі арқылы жұптық жұмыс жасатамын. Оқушылар бір-бірімен әңгімелесу арқылы жаңа сабақ бойынша өз ойларымен бөліседі, ой қорыта алады. Оқушының бір-бірінен ақпарат алу дағдысы қалыптасады.

4. "Ойлан, бірік, бөліс" әдісі арқылы топтық жұмыс:

1 тапсырма. А деңгейлі есеп (№368)

ВД кесіндісі-АВС үшбұрышының биссектрисасы:

1- топ. АВ=10м, ВС=15м, АС=20м деп алып,AD мен DС кесінділерін табыңдар.

2-топ. АД:ДС=8:5 және АВ=16м деп алып, ВС қабырғасын табыңдар.