Ұрпақ тәрбиесі – ұлт болашағы эссе жұмысы

«Ұрпақ тәрбиесі-ұлт болашағы»

Кім балам нашар, жаман болсын дейді, «жаманнан жақсы туар адам айтса нанғысыз, жақсыдан жаман туар-бір теңгеге алғысыз» деген атадан қалған сөз бар емес пе?! Соған қарағанда қанша тәрбие көрсе де тағдырдың жазғаны, Алланың дегені болады ғой деп ойлаймын. Менің ойымша көп тәрбие қоршаған орта араласқан адамдар, көрген жақсы-жаманды істерден тағлым алады. Ішінде 14-15 жасқа дейін ананы былай, мынаны былай етпе деген сөздерге құлақ асып-ақ жүреді. Одан кейін ер жетеді «өзім білемін» деген ойлар келеді. Менімен оқитын «пәленше» темекі шегіп ешкімнен қорықпаймын, ағайлар маған ештеңе деуге хақысы жоқ деп білгенін істейді. Менің одан қай жерім кем деп мәселені жұдырықпен шешкісі келіп ақылға салмайды. Үндемей қоюды қорыққандық, жеңілгендік деп есептейді. Айтқан жерден аулақ солардың бірі істі болып полицияға түсетін болса «тәрбиенің көкесі» сонда болады. Өмірден мүлде баз кешіп кетуі мүмкін. Онда ұрады-соғады, боқтайды сілкілейді, үйдегідей айналып-үйіріліп маңдайынан сипайтын ата-ана, түсіндіріп айтатын апай, ағай жоқ, міне түңілу.

Қанша сыпайылап әдемілеп сөйлесек те шындық осылай. Лауазымды бай кісілер бұған сенбеуі де мүмкін. Себебі олардың балаларын жәбірлеуден сескенеді. Ал байдың балаларына тимеуі үшін полицияның аузын майлайды. Содан соң олар болған уақиғаны сыйыр құймышақтандырып жауып тастауға тырысады, мұны сезген жастар өмірден баз кешіп, шындықтың түкке тұрмайтынын көреді. Қара халық пен кедейдің балалары сорлайды. Күнәсіз де, күнәлі де болып шығуы мүмкін. Қылмысты болып, түзету колониясына немесе түрмеден келіп жақсы бала, жақсы кісі болған адамды көрген емеспін. Меніңше ұрпақ тәрбиелеу бір жанұяның, бір ауылдың емес қоғамның ісі. Қоғам таза болса қоғам да әділдік-шындық болса заманымызда өмір сүріп жатқан адамдардың сана сезімі таза болса ғана ұрпағымыз таза. Сондықтан кім ұрпағын жаман болсын, тәрбиесіз болсын дейді. Қазіргі заман мен қоғамға қараңызшы. «Балық басынан шіриді» деген бар емес пе жемқорлық, парақорлық алдау арбау. Сенген үлкен мемлекет басындағы өте үлкен қызметтегі министр көкелеріміздің өздері жеп түрмеге түсіп жатыр. Қолдарында бар мүмкіндігі мол бола тұрып қалай жемесін. Ал қара халықтың…