Ұрпақ тәрбиесі ұлт болашағы туралы шығарма

Ұрпақ тәрбиесі-ұлт болашағы Ғасырлар бойы дамып,қалыптасқан және өркендей беретін халық педагогикасының қасиетін қастерлеп, ұлттық тәрбиеге жан-жақты жағдай жасап, көңіл бөле бастағанымыз –болашақтың сәулетіне нұрын шашатын күн шуағы іспетті. Адамды адам еткен еңбек пен тәрбие болса, сол еңбекті ұрпағына үйретіп, адамдыққа баулыған халқымыздың танымдық, тәрбиелік дәстүрлері, салт-санасына бай да баянды мұра. Балаларға ұлттық тәлім-тәрбие беруде М.Жұмабаев былай дейді: «Әрбір ұлттың балаға тәрбие беру туралы ескіден келе жатқан жеке-жеке жолы бар. Ұлт тәрбиесі баяғыдан бері сыналып көп қолданып келе жатқан тақтақ жол болғандықтан әрбір тәрбиеші, сөз жоқ ұлт тәрбиесімен таныс болуға тиісті және әрбір ұлттың баласы өз ұлтының арасында өз ұлты үшін қызмет атқаратын болғандықтан тәрбиеші баланы сол ұлт тәрбиесімен тәрбиелеуге міндетті» Халық ұғымында адамгершілік қасиеттің өзекті мәселесі-қайырымдылық пен қайырымсыздық, жақсылық пен жамандық, ерлік пен ездік-адамдық қасиеттің бір-біріне қарама-қарсы сипаттары.

Мәселен халқымыз қайырымды, бойындағы бар қасиетін халыққа жақсылық жасауға арнаған адамды, «Ел қамын жеген ер», «Жақсы туса-елдің ырысы, жаңбыр жауса –жердің ырысы», « Жақсы келді дегенше, дарын келді десеңші»деген мақал-мәтелдер арқылы жұрт қамын ойлайтын абзал азаматтың бейнесін алға тартады. Керісінше қара басының қамын бәрінен жоғары қоятын өзімшіл,алдамшы опасыз жандар жайында «Жаман қорыққанынан сыйлайды», «Бір жаман мың қолды ірітер, бір құмалақ бір қарын майды шірітер»деп балаларды мұндайдан аулақ жүруге шақырады. Халық даналығы жақсы мен жаманды салыстыра суреттеп, сайып келгенде жақсының жақсылығын халыққы тигізер пайдасына қарай бағалайды. Халқымыз адамгершілік қасиетінің жоғары түрі ар-ұят, намыс, ождан деп біледі. Осы даналардың айтқан өсиеттеріне сүйене отырып балаларды тәрбиелеуде баланың дамуына, эстетикалық талап-талғамы, рухани жан дүниесі бай, тәрбиеге ықпалы мол, ұлттық тәрбиені әр ұстаз өзіне басты мақсат етіп алса біздің келешек ұрпақ тәрбиелі де саналы болатыны қақ. Қазақ халқында ұлттық тәрбиені дер кезінде беру, меңгерту ұстаздың басты мақсаты, міндеті болып саналады

Халық педагогикасында тәрбиелеу ісін баланың жас ерекшелігіне сай жүргізумен бірге, тәрбиеленушінің жеке бас ерекшелігін де ескере отырып жүргізу керек. Барлық баланың мінез-құлқы, қабілеті бірдей емес. Солай болғандықтан…