Үшінші сыныпқа арналған кеңейтілген математика бағдарламасы

«Оралхан Бөкей атындағы №44 лицейі» КММ

Кеңейтілген математика бағдарламасы

(1-4 сыныпқа арналған күнтізбелік жоспары)

Құрастырғандар:

Жаныбекова Гулназ Бакытовна -бастауыш сынып мұғалімі

Өскемен,2018

Алғы сөз

Ұсынылып отырған оқу бағдарламасы Қазақстан Республикасы Үкіметінің 2012 жылғы 23 тамыздағы 1080 Қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына және Қазақстан Республикасының Білім және ғылым министрінің 2013 жылғы 3 сәуірде №115 бұйрығымен бекітілген Жалпы білім беретін мектептің 1-4 сыныптарына арналған «Математика» білім саласы пәндерінің оқу бағдарламаларына (Астана, 2013) негізделіп жасалды.

Мектептің бүгінгі реформасы, қоғамда ғылым мен техника дамуымен қатар, білімді бәсекеге бағытталған, оның мектептің алдына қоятын негізгі мақсаты – ақпараттық қоғамда күнделікті өмірге оқушыны дайындау.

Математикалық пәндер бағытының арасында кең интегративті мүмкіншіліктерге математикалық логика ие болады, өйткені жүйелі түрде ойлау, дәлелді ойлау, болжамдар жасау, жоққа шығарулар өздігінен келмейді – бұл іскерлікті логика ғылымы дамытады. Сондықтан әмбебап қолдануына, қызықтылығына байланысты, сонымен қатар математикалық логика негізінде жоғары абстрактілігіне байланысты элективті курс барлық оқушыларға сөзсіз қызықты және пайдалы болады.

Бір жағынан берілген курс оқушыларға бағдарлама бойынша математикадан, білімдерін жалпылауға, тереңдетуге, математикалық объектілердің бірегейлігін, жоғары абстрактілігін көруге мүмкіндік береді (математикалық профильге дайындау), екінші жағынан математиканы техникада, өнерде, практикалық қызметте, тұрмыста қолданудың зор мүмкіндіктерін көрсетеді, дұрыс шешімді табуда, әртүрлі есептерді соның ішінде тұрмыстағы есептерді шешудегі логиканы қолдануға үйретеді (профильдердің техникалық, гуманитарлық және басқа түрлерінің таңдауына дайындау).

Мектептің бастауыш сыныптарында жұмыс істейтін мұғалімнің көбінің жұмысы математика пәнін кеңейтіп оқыту қажеттілігі туындап отырады. Өйткені бүгінде математика пәнінен оқушының білім, білік дағдысына қойылатын талаптардың ауқымдығына және бастауыш және орта буын арасындағы байланыс мәселесін шешеді. Кеңейтілген бағдарлама мұғалімге математика пәнінде туындайтын мәселелерді шешуге, ал оқушыға өз бетімен білім ала отырып, білімін саралап, пәнеге деген қызығушылығын арттыруға көмектеседі

Бағдарлама 1-4 – сыныпқа математика пәнінен барлығы 34 сағатқа арналған (аптасына 1 сағат)

Бағдарлама мақсаты:

Кеңейтіліген математика бағдарламасының мақсаты - оқушылардың математикалық таным негіздерін меңгеруіне және сәйкес дағдыларын қалыптастыруына мүмкіндік жасау. Жоспар қоршаған ортаны қабылдау мен түсіну тәсілі ретінде қарастырылатын математикалық ойлауды дамытуға бағытталған. Жоспар оқушылардан пәнді игеруде өз танымдары мен математика ғылымына қызығушылығын арттыруды, сондай-ақ математикалық әдістер мен шешімдердің әдемілігін және маңыздылығын бағалауды талап етеді

Міндеттері:

оқи білу, өз бетімен ақпаратты табу, жағдаятты талдау, жаңа жағдаяттарға бейімделу, проблемаларды қою және шешім қабылдау, командада жұмыс істеу, өз жұмысының сапасына жауап беру, өз уақытын ұйымдастыра білу;

қоршаған ортаның проблемаларын білу және түсіну, басқалардың көзқарасын қабылдау, сынды дұрыс қабылдап үйрену, топтағы жұмыс дағдыларын дамыту, ұжымда түрлі рөлдерді орындау;

оқушыларға математика тарихын таныстыру: сан және геометриялық фигура тұжырымдамаларын дамыту; арифметикалық операцияларды ойлап табу;

«Математика» пәнін оқу арқылы оқушылар:

логикалық ойлау, кеңістікті елестету және математикалық терминдерді пайдалану дағдыларын дамытады;

оқу және тәжірибелік проблемаларды шешу қабілетін дамытады, арифметикалық алгоритмдерді пайдаланады, геометриялық салулар мен математикалық зерттеулер жүргізеді;

сынитұрғыдан ойлауды, шығармашылықпен ойлауды және коммуникативтік дағдыларды дамытады;

математиканы әлемді суреттеу, модельдеу және түсіну тәсілі ретінде қабылдайды;

өзінің математикалық білімі мен біліктерін басқа пәндерді меңгеруде, күнделікті өмірде қалай пайдалануды түсінеді.

КЕҢЕЙТІЛГЕН МАТЕМАТИКА

1-сынып

Пән бойынша оқу жүктемесінің көлемі аптасына 1 сағат, оқу жылында 33 сағатты құрайды.

№ р/р

Оқу материалының мазмұны

Сағат саны

Мерзімі

I - тоқсан

Заттарды салыстыру.Әр түрлі. Бірдей.

Ұзын-қысқа. Биік-аласа.

Заттарды салыстыру .Ұзындықты өлшеу

Артық. Кем. Сонша.

Кеңістік түсініктер.

Бұрын-кейін.

Фигуралар құрастыру

Қосудың ауыстырымдылық қасиеті

Қосу амалын тексеру

Азайту амалын тексеру

Белгісіз сандарды табу

II - тоқсан

100 көлеміндегі сандарды оқу, жазу, салыстыру

100 көлеміндегі сандарды ауызша қосу және азайту тәсілдері

2 амалдан тұратын өрнектер

Геометриялық фигуралар

Шамалар арасындағы байланыстар

III – тоқсан

Теңдеулер шешу

Екі әріпті өрнектің мәнін табу

2 амалды есептер

Құрылымы күрделі теңдеулер шешу

2 таңбалы сандарды ауызша қосу,азайту

2 таңбалы сандарды жазбаша қосу,азайту

Теңдеулер.Әріпті өрнектер. Теңсіздіктер

Жанама түрдегі есептерді шешу

Қайталау

IV - тоқсан

Тіктөртбұрыштың периметрін табу

Шаршының периметрін табу

Үшбұрыштың периметрін табу

Кері есептер құру, шешу

Сандық өрнектер

Логикалық есептер

Теңдеу

Қайталау

2-сынып