Ұстаз-логопедтің кәсіби болмысы туралы мақала

Жамбыл жалпы білім беретін мектебі» КММ

Мұғалім-логопед

Кодукуп Камшат Есенгельдыевна

Ұстаз-логопед қандай болуы керек...

«Бала шыр етіп жерге түскенде дыбыспен бірге туады»

Ж.Аймауытов

Иә, жазушымыз, зерттеушіміз, тіл танушымыз Жүсіпбек Аймауытов айтқандай дыбыспен өмірге келген бала түрлі дыбыстар арқылы жетіледі. Осы дыбыстар арқылы баланың ой-өрісі, тілі, таным түйсігі, көзқарасы, сөйлеуі дамиды. Сондықтан да баланың жан-жақты жетілуін халық болып басты назарда ұстау керекпіз. Ол үшін не істей аламыз?! Әрине, осы жерде ата-анадан кейін ең бірінші орында логопед маманның тұратыны сөзсіз екенін ұғынуымыз қажет. Логопед – баланың дұрыс сөйлеуін, дұрыс дыбыстауын қарап қана қоймай нағыз ұстаз болған жағдайда ғана өз мақсатына жете алатыны түсінікті. Сол себептен әр маман жай логопед емес, логопед-ұстаз ретінде жұмыс жасай білуі шарт. Бала оқытқан мұғалім бала болып ойнауы керек, бала болып ойлауы керек.

Ұлы ақын М Жұмабаев өзінің еңбегінде: «Фантазиясыз адам өмірі өңсіз, түссіз бір нәрсеге айналмақ. Мынау өмірге үн беретін, сақтау өмірге тіл беретін, жоқты бар қылатын, барды гүлді, көрнекті қылатын, бізді арыға аяқ басқызып,тәңірмен тілдестіретін-сол фантазия» деген болатын. Олай болса, баланың шығармашылық ізденіс арқылы мұғалім өзінің фантазиясын баланың қиял фантазиясымен ұштастыру қажет. Қиял мен тілді, қиял мен дыбысты, дыбыс пен шығармашылықты ұштастырған логопед-ұстаз ғана өзінің іс тәжірибесін оқыту барысында баланы субъект ретінде оқу ісіне қабілетін арттыруға жағдай туғызады, ойлау дағдыларын жетілдіреді, оқушының шығармашылық дарынан қалыптастырады

Бүгінгі таңда қазақ халқының ұлттық мәдени қайта өркендеуі жағдайында жеткіншек ұрпақты заманауи функционалды сауатты етіп оқыту мен тәрбиелеудің маңызы зор. Ал заманауи функционалды сауаттылықтың бастамасы – дұрыс қарым-қатынас. Қарым-қатынас негізі дұрыс сөйлеуге, дұрыс сөйлеу дұрыс ойлауға, дұрыс ойлау дұрыс адам болуға әкеледі.

Дұрыс адам - нағыз ұлтжанды, өз елін сүйетін, әдет-ғұрпын, салт-санасын қастерлейтін ел келешегі.

Ендеше, құрметті әріптестер, сіздерді өз мамандығын жетік меңгерген,

баланың тілін дамытқан, сауаттылығын дарытқан, шығармашылығын шыңдаған ұстаз, сосын логопед болуға шақырамын. Еңбегіміз жанып, ата-ананы қуантып, баламен жетістікке бірге жетейік, логопед-ұстаздар!