Ұстаздар мен оқушыларға арналған 10-сынып тәрбие сағаты

Кездесу кеші: "Шебер басшы-шынайы тұлға "

Мақсаты: Ұстаздың адам өмірінде алатын орын зор екендігін, ұстаздарды құрметтеу, сыйлау және қадірлеу қасиеттерін оқушылардың бойына дамыту әрі дарыту.

Көрнекілігі: Ұстаздар туралы нақыл сөздер, өлең үзінділері жазылған көрнекіліктер, әр түрлі шаралар.

Өмірімен танысу

Емтихан алу

Оқушылардың сұрақтары

1-Жүргізуші: Қайырлы күн, құрметті қонақтар, ұстаздар, оқушылар. Бүгінгі ұстаздар мерекесі қарсаңында өткелі отырған «Шебер басшы-шынайы тұлға» атты кешімізді бастауға рұқсат етіңіздер!

1- жүргізуші:

Данышпан да, дана да оқып сенен,

Атақ-даңқын асырды бар әлемнен.

“Ұстаз” деген аяулы, асыл жанды,

Жақсы көрем, арнаймын жақсы өлеңді!

2- жүргізуші :

Еңбегіңіз еленіп жанып жатыр

Қалаулы деп халқыңыз танып жатыр

Төл мереке ұстаздар күнін бүгін

Мұғалімдер қуанып тойлап жатыр –

1- жүргізуші:

Туған жерде тік тұрып,

Елдік мәнін ұқтырып.

Бар ғұмырын сарп етсе,

Міне, нағыз мықтылық.

Қол соғайық, ендеше,

2 жүргізуші: Ұстаздарым биік тұлға байсалды

Құшақ жайып өз мерекең қарсы алды.

Қуанышты жарқын тілек білдіріп,

Құттықтаймыз ұстаздарым баршаңды!

1-жүргізуші:

Жүресіз баршамызды сүйсіндіріп,

Даналықтан қазына жүрсіз жиып

Ұстаздарды жетелеп ұлылыққа

Тұғырында өмірдің тұрсыз биік.

2-жүргізуші: -Сен қалай ойлайсың ? Менің ойымша, кез-келген мұғалім ұстаз бола алмайды. Себебі ұстаздық-өнер, тағылымы терең өнер. Ал өнерлі болу кез-келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

Ағайдың өмірбаяны оқылады.

Жүргізуші: Әбдірахманов Оңайбай Рахиұлы – 1947 жылы Түркменстан Республикасы Ташауыз қаласында дүниеге келген. Тәрбиеленген ортасы мұғалімдер отбасы. Бала Оңайбай түркменше сауат ашып, тіл сындырады. Қатарынан озық оқып, көп тыңдап, аз сөйлейтіндігімен қай тапсырманы болсын, жауапкершілікпен орындайтындығымен көзге ілінеді. Гурьев педагогика институтында физика-математика пәні мамандығын игерді. Мамандықты игерген 1967 жылдан бері үздіксіз ағарту саласында қызмет етіп келеді. Түпқараған ауданының М.Әбдіхалықов орта мектебінде 1971 жылы қатардағы мұғалім болса, 1972 жылы мектеп директорының әскери- патриоттық тәрбие ісі жөнінің орынбасары, 1984-2002 жылдары мектеп директорының оқу тәрбие ісі жөніндегі орынбасары, 2002 жылдан бастап мектеп директоры лауазымында.

Марапаттары:

Қазақ ССР Халық ағарту ісінің озық қызметкері, ҚР Президентінің Алғыс хаты, «Ерен еңбегі үшін" медалы, Маңғыстау облысына 35 жыл төс белгісі

1-Жүргізуші:

Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім, тәлім алған, сондықтан ұлағатты ұстаздар сіздерге бүкіл адам баласы құрметпен бас иеді.

2-жүргізуші:

Ұрпақпен өмір жолы жалғанады,

Көңілді күндер тусын алдан әлі

Ән-шашу әсем әуен, түрлі өнер,

Бүгінгі күн сіздерге арналады.

«Ұстазым» әні хор

Жүргізуші:

Ұстаз сөзі - күн нұрына бара бар

Шәкірті оның әр сөзінен нәр алар

Ізгілік пен мейірімге толы ол,

Шуақ болып жүректерге таралар

Қиындықта кезіксең көп асу да

Қанша терің төгіліп жол ашуға

Сен шәкірттің ұстазы болмайсың тек,

Сен өмірдің ұстазы боласың да!

Асыға сәлем жолдап жүректен біз

Бірге өсіп ен жайлаған ұл менен қыз.