З дыбысы мен әрпін меңгертуге арналған ашық сабақ

Мемлекеттік тілде оқытатын Заречный орта мектебі

Сабақтың тақырыбы: З дыбысы мен әріпі

Логопед –мұғалім: Жугембаева Ляззат Тойкеновна.

Сабақтың тақырыбы: З дыбысы мен әріпі

Кезең: сөзде машықтандыру кезеңі

Сабақтың мақсаты: «З» дыбысын ойыны арқылы сөзде анық, дұрыс айтуға жаттықтыру, үйрету.

Түзете – дамытушылық: Балалардың артикуляциялық мүшелерінің қозғалыс белсенділігін арттыру. Дұрыс тыныс алуын, фонематикалық есту қабілетін жетілдіру. Қолдың ұсақ моторикасын орман жаңғақтары мен ермексаз арқылы жұмыс жасауларын дамыту, жаттықтыру.

Тәрбиелік: Логопедті мұқият тыңдауға, өзін-өзі баға дұрыс беруге және өз бетінше жұмыс жасай алуға тәрбиелеу.

Көрнекіліктер: Айна, салфетка, орман жаңғақтары, түрлі-түсті ермексаздар, дауыссыз дыбыстар: з,ж белгіленген көк текшелер, суреттер, слайд.

Әдіс-тәсілі: Түсіндіру, ойын, қайталау, сұрақ – жауап, слайд көрсету.

Іс – әрекет кезеңі: дыбыс қою

Сабақтың түрі: аралас сабақ

Сабақтың барысы:

I.Ұйымдастыру кезеңі

- Сәлеметсіңдер ме?

- Көңіл – күйлерін қалай?

- Балалар, бүгін біздің бүгінгі сабағымызға көп қонақтар келіпті. Олар сендердің дыбыстарды қалай айтатындарыңды тыңдауға келіп отыр екен. Ендеше, сабаққа, ойынға жақсы қатысып, дыбыстарды қалай айтатынымызды көрсетейік.

Психологиялық тренинг

Сабағымыздың басында бәріміз бірге «Достық» әнін шырқайық!

«Достық» әні

«Балдарған баламыз,

Қашанда да, қайда да,

Отанға да

Досқа да

Біз сенімді боламыз»

II. Негізгі бөлім

Балалар, бәріміз бірге даусымызды қалыпқа келтіріп алайықшы! Ол үшін біз бүігінгі сабағымызда мынау әдемі, сұлу табиғаты бар «Табыс» тауына достармен бірге шығамыз. Таудың ең басына жету үшін балалар, сендерге тау үстіндегі тапсырмаларды достармен бірге орындау қажет. Сабақта көп тапсырмалар орындасақ бәріміз бірге осы тауға шығып қуанамыз.

а-о-и-у, а-о-и-у, а-о-и-у (балалар дыбыстарды хормен үш рет қайталайды).

Жарайсыңдар, балалар тапсырманы өте жақсы орындап, тауға көтеріле бастады. Енді тыныс алу жаттығуларын жасап көрейік. Кеудемізді кере, мұрнымызбен жоғары демаламыз да, демді сыртқа шығарамыз. (3рет)

Міне, сендер жаттығу жасау арқылы тауға тағы да жоғары көтеріле бастадыңдар.

Балалар, мен сендерге бір дыбыс жасырамын, сол дыбыс ненің дауысы екенін табуларың керек ?

Иә, дұрыс айтасыңдар бұл дыбыс зауза қоңыздың дыбысы екен.