Зерттеу жұмыстары арқылы танымдық қасиеттерді дамыту

ЗЕРТТЕУ ЖҰМЫСТАРЫ АРҚЫЛЫ ОҚУШЫЛАРДЫҢ ТАНЫМДЫҚ ҚАСИЕТТЕРІН ДАМЫТУ

Мынбаева Маржан Бердалиевна

Бауыржан Момышұлы атындағы мектеп-гимназия

Сабақты зерттеу мұғалім тәжірибесі саласындағы білімді жетілдіруге бағытталған, мектепте жүргізілетін іс-әрекеттегі зерттеудің ерекше түрі болып табылады (Пит Дадли6 2015).

"Оқушылар ХХІ ғасырда табысты болуы үшін нені үйренуі керек?" деген сұрақ білім беру бағдарламасындағы оқу стандарттарына, бағалау, оқыту әдістері мен құндылықтар жүйесіне, тіпті кейде халықаралық тәжіриенің өзара әрекеттесуіне де байланысты болады.Өйткені табысты болу үшін оқушыларға білім қаншалықты қажет болса, дағдының да сондай қажет екенін заманның өзі дәлелдеп отыр. Сондықтан мектеп мұғалімдері тиімді жоспар құруға, саралауға, түрлі деректерді жинауға және өңдеуге, қоғамдастық, коучинг, тәлімгерлік және Лессон Стади үдерістері арқылы оқу ортасын құру дағдыларын қалыптастыруда.

Лессон Стади сабақты зерттеу тәсілі-оқыту мен оқу тәжірибесін жетілдірудің нәтижесінде түпкі мақсат-оқушылардың оқу үлгерімін арттырудың тиімді тәсілдердің бірі. Ол ХІХ ғасырда Жапония елінде бастау алған.

Лессон Стади мектеп мұғалімдерінің өз кәсіби біліктілігін күнделікті дамытуға мүмкіндік береді. Қайта қарау арқылы өз тәжіриелерін "бастарын қосып" талдау арқылы жақсарту мүмкіндігіне жол ашады. Мұғалімдер сабақты зерттеу топтарында бірлесе жұмыс жасау арқылы сабақты талқылауға дағдыланады. Сыныпты зерттеу барысында белгілі бір болжамдар дәлелденіп, қорытындысында мақала, қайта қаралған жоспар, түйгендерін түртіп жазатын рефлексивті күнделіктер жүргізеді. Осылайша, ұстаздар өз тәжірибесін түрлендіруге мүмкіндік алады.

Сабақты зерттеу ( Lesson s)-мұғалімнің кәсіби мүмкіндіктерін жетілдіруге бағытталған іс-шаралар жүзеге асырылатын үйлесімді әрі тиімді жүйені ұйымдастыруға мүмкіндік беретін тамаша үдеріс.

Сабақты зерттеу тобын қалай ұйымдастыруға болады? Зерттеуге арналған сұрақтарды қалай құрастырған дұрыс? Сабақты қалай жоспарлау, қалай бақылау қажет? Зерттеу мәселесінің шешілгендігін қалай білуге болады? Нәтижелермен қалай бөлісеміз?

Еліміздің болашағы – бүгінгі жас ұрпақтың қолында, ал жас ұрпақтың болашағы – ұстаздардың қолында. Олай болса, еліміз дамыған 30 елдің қатарына ену үшін шығыспен шынайы, батыспен байыпты, түстікпен түсінікті тіл табыса алатын, өзіндік пікірі қалыптасқан, жан-жақты жетілген тұлға қалыптастыру ұстаздар қауымының еншісінде. «Ел мен елді, халықпен халықты теңестіретін нәрсе, ол – білім» - деп ұлы тұлға М.Әуезов айтып кеткендей, білім – бұл қоғамның ең жауапты, ең қастерлі саласы. Сондықтан, Қазақстан Республикасы білім беруді дамытудың 2011-2020 жылдарға арналған мемлекеттік бағдарламасының мақсатын білімнің қолжетімділігі мен бәсекеге қабілеттілігін арттыру деп алып отыр. Осыған орай білім беру жүйесіне еніп отырған реформалардың ең соңғысы озық, алдыңғы қатарлы елдердің білім беру жүйесінен алынған тұлғаға бағытталған сындарлы оқыту теориясы екенін білеміз. Сындарлы оқыту теориясы – оқыту теорияларының ішінде өмірлік маңызы бар, алған білімді өмірде қолдануға тәрбиелейтін теория. Осыған байланысты елімізде Қазақстан Республикасы педагог қызметкерлердің біліктілігін арттыру мақсатында деңгейлік курстар ұйымдастырылғаны баршамызға мәлім. Біздің мектепте осы бағдарламаның сертификатын и

«Ойлау оңай, әрекет қиын, ал ойды әрекетке айналдырған қиынның қиыны» - деп, неміс халқының ақын-жазушысы Иоганн Гете айтқандай, зеттеу сабағын тәжірибеге енгізу барысында, біраз қиындықтар болды.Бірақ «қиын болды» деп ісімізді аяқсыз қалдырмадық. Қиындық туғызған проблеманы бірлесе, ақылдаса отырып шешуге тырыстық. Соның нәтижесінде өткізген зерттеу сабақтарымыз біршама нәтиже берді.Осы зерттеу сабақтарында алған тәжірибемізбен бөлісу мақсатында ұйымдастырылған семинар-сабағымыздың тақырыбы: «Лессон Стади – біздің мектебімізде». Мақсаты: Зерттеу сабақтары бойынша іс-тәжірибемен бөлісу. Бұл зерттеу сабағын ұйымдастыруда Лессон Стади зерттеу…