Ж ж дыбысы мен әрпін оқытуға арналған сабақ, 2 сынып

Бекітемін

Оқу ісінің меңгерушісі Атанбай А.С

Пән мұғалімі

Нұрғалиева И.Р

Сабақтың атауы

Ж ж дыбысы мен әрпі

Сілтеме

Сауат ашу оқыту әдістемесі, «Білім», «Ашық сабақ» сайттары

Сабақтың жабдығы

Суреттер ,жалаушалар,кеспе әріптер, интерактивті тақта.

Жалпы мақсаттар

Оқыту нәтижесі

1.3.3.1 мұғалім көмегімен мәтінге суреттер. Сызбалар арқылы жоспар құрып, оған ат қою

Топқа бөлу

І Ұйымдастыру кезеңі:

Балаларды шаттық шеңберіне тұрғызып, сынып ішінде жақсы көңіл күй қалыптастыру.

Біз қандаймыз, қандаймыз,

Шұғылалы таңдаймыз.

Жарқыраған күндейміз.

Ренжісуді білмейміз.

Жарайсыңдар балалар. Орындарыңа жайғасыңдар.— Балалар, біздің бүгінгі сауат ашу сабағымыз ерекше өтеді. 3 топ болып берілген тапсырмаларды орындайсыңдар. Әр дұрыс жауаптарыңа жұлдызша беріліп отырады..

Бұл сабағымыздың ережесі бар, сол ережелерді есімізге ұстап орындауымыз қажет.

Ережелер :1.Тыныштық сақтаймыз.2. Сұрақтарға дұрыс жауап береміз3. Бір-бірімізді тыңдаймыз.4. Өз ойымызды ашық айтамыз.5. Жауап толық болмаған жағдайда топ мүшелері толықтырады. Сабағымызды « Ынтымақсыз іс бітпес»- деген ұранмен бастай отырып, сіздерді ұйымшылдыққа, ынтымақтаса жұмыстануға шақырамын.

Ынтымақтастық атмосферасы

Өткен сабақты пысықтау.

1.«Сұрақты қағып ал» әдісі арқылы фасоль салынған қалташаны лақтыру әдісі арқылы өткен сабағымызды еске түсіріп қайталап алайық. Мен сендерге қалташаны лақтырып сұрақ қоямын сендер сұраққа жауап беріп отырасыңдар. Олай болса ойынымызды бастайық.

Дыбыс дегеніміз не?

Дыбыстар нешеге бөлінеді ?

Қандай болып бөлінеді ?

Дауысты дыбыстар қалай айтылады?

Дауыссыз дыбыстар қалай айтылады?

Әріп дегеніміз не?

-Дауысты дыбыстарды қандай текшемен белгілейміз?

-дауыссыз дыбыстарды қандай текшемен белгілейміз?Өткен сабаққа шолу.- Өткен сабақта біз қандай дыбыс, қандай әріппен таныс болдық?- Ә дыбысы қандай дыбыс?1 - тапсырма: «Екінші буыным қайда?» ойыны арқылы суреттегі сөздердің екінші буынын табасыңдар.

Қызығушылықты ояту

Ал енді балалар мен сендерге кішкене әңгіме айтып берейін.

Далада құмырсқа келе жатып қоңызды көріп қалады.

- Сәлем қоңыз- ж - ж - ж Сәлем құмырсқа- Қайдан келесің?- ж - ж - ж - Егістен. Балаларыма тамақ әкелемін.

- жарайсың қоңыз - Балалар, қоңыз қандай дыбыс шығарады? Бірге айтамыз. - Ж - ж - ж -

1. Ж дыбысын дыбыстату.Ж - дауыссыз дыбыс. Оны көк текшемен белгілейміз.

Мағынаны тану

2. Оқулықпен жұмыс «Жарыс» мәтінін оқу

Сұрақтар қою

3. Кеспе әріптен Ж- ның бас әрпі мен кіші әрпін көрсету. Тақтаға ілу.

Балалар қараңдаршы ж дыбысының таңбасы неге ұқсайды?

Көбелекке кәдімгі,

Қарасаңыз анықтап.

Жаны бар ж ұшып жүр,

Жапырақша қалықтап. Көбелектің суретін көрсету.

4. Ж дыбысына қатысты суреттермен таныстыру.Ж дыбысы сөздің көбіне басы мен ортасында кездеседі, ал қазақ тілінің байырғы лаж, мұқтаж сөздерінде сөз соңында кездеседі. Ж дыбысы-дауыссыз дыбыс.5. « Сөз ойла, көп ойла ! » ойыны

Ж

Дәптермен жұмыс:

Сергіту сәті

а) жазужұмысы.— Ж әрпінің баспа түрімен таныстыру.— Ж әрпінің элементтерін жазып көрсету.— Ж әрпін ауада жазу.— үлгі бойынша ж дыбысының кіші және бас әрпін бастырып жазу.

« Тез, әрі сауатты оқиық!» тапсырмасы бойынша оқулықтағы сөздерді оқыту. Барлығы хормен қайталап оқиды.

в) жаңбыр тамшыларынан сөз құрау

г) Сергіту сәті:

Орнымыздан тұрамыз,

Алақанды ұрамыз.

Бiр отырып, бiр тұрып,

Тез шынығып шығамыз.

Ой толғаныс

1. «Кір жаятын жіп» әдісі арқылы көп суреттің арасынан Ж дыбысы бар суреттерді тауып жіпке тізу.