Жамандыққа жақсылық көрсету тақырыбындағы сабақ жоспары

Ұзақ мерзімді жоспардың тарауы: 8-бөлім: Адамның сырт келбеті мен мінезі Мектеп: №20 жалпы орта білім беретін мектеп, БҚО Орал қаласы Мұғалімнің аты-жөні: ШАЛКАРОВА АЙНУР ЖАНГЕЛДИЕВНА Сабақтың тақырыбы: Жамандыққа жақсылық көрсету Осы сабақ арқылы жүзеге асатын оқу мақсаттары: 5Т/А1. Тірек сөздер мен ұсынылған иллюстарциялар арқылы тақырыпты болжау; 5.Т/А6. Коммуникативтік жағдаятқа байланысты эмоционалды сөздерді дауыс ырғақтары арқылы қыстырма, қаратпа, одағай сөздерді еркін қолданып, диалогке даярлықсыз қатысу, өз пікірін білдіру.

Сабақтың мақсаттары: Барлық оқушылар орындай алады: Тірек сөздер мен иллюстарциялар арқылы тақырыпты болжай алады, диалогке даярлықсыз қатыса алады. Оқушылардың көпшілігі орындай алады: Тақырыпты болжай алады; Дауыс ырғақтары арқылы қыстырма, қаратпа, одағай сөздерді еркін қолданып, диалогке даярлықсыз қатыса алады. Кейбір оқушылар орындай алады: Өз пікірлерін дәлелдемелер арқылы білдіре алады.

Бағалау критерийлері Тақырыпқа болжау жасайды; Дауыс ырғақтары арқылы қыстырма, қаратпа, одағай сөздерді еркін қолданады; Диалогке еркін қатысады; Өз пікірлерін дәлелдейді. Тілдік мақсат: Оқушылар орындай алады: Қыстырма, қаратпа, одағай сөздерді қолданып, диалогке еркін қатысады; Пəнге қатысты сөздік қор мен терминдер: Қыстырма, қаратпа, одағай сөздер, жамандық, жақсылық, әмме, іріткі, балтаның ұңғысы Талқылауға арналған сұрақтар: - Жақсылыққа жақсылық жасау дегенді қалай түсінесің? - Жақсылыққа жақсылық жасау әр адамның қолынан келеді, жамандыққа жақсылық жасау кез-келген адамның қолынан келе ме? Құндылықтарға баулу: Құрмет, ынтымақтастық, ашықтық, өмір бойы білім алу, зайырлы қоғам және жоғары руханият.

Пəнаралық байланыс: Қазақ әдебиеті, өзін-өзі тану. Тақырып бойынша алдыңғы білім: Тірек сөздер мен иллюстарциялар арқылы тақырыпты болжай алады. Эмоционалды сөздерді дауыс ырғақтары арқылы қыстырма, қаратпа, одағай сөздерді еркін қолданып, диалогке даярлықсыз қатысып, өз пікірін білдіре алады. Адам мінезі туралы біледі.

Сабақ барысы Сабақтың басы Ширату «Мозайка» әдісі бойынша суреттерді құрастырып, 4 топқа бөлінеді.

Жетекші сұрақтар:

1. Бұл суреттерді қалай сөйлетер едің? 2. Жақсылық жасау дегенді қалай түсінесің? 3. Жақсылық қай кезде жасалу керек? Оқу мақсаты және бағалау критерийлері хабарланады.

Сабақтың ортасы Тыңдалым және айтылым алдындағы тапсырма

1-тапсырма Ж Аудиожазбадан «Сүйінбай Аронұлының «Жақсы мен жаман адамның қасиеттері» өлеңі тыңдатылады.

Жақсы жігіт ел-жұртының қаласындай Жақсы әйел әмме жұрттың анасындай. Жақсыға ешкімнің де жаттығы жоқ, Көреді бәрін де өз баласындай.

Жақсы жігіт сөзіне сақ тұрады, Қыранның қырдан байқар баласындай. Жаман парқы жақсымен бірге емес, Жақсы жігіт елінің ағасындай.

Жақсының сөзін әркім пайдаланар, Миуалы алма, өріктің ағашындай. Жаманның көкірегі көр, көзі соқыр, Жүрер жолдан тал түсте адасып-ай. Жақсы адам қай жерден ажырайды, Жақсымын деп бәрі жүр таласып-ай. Жамандар – өтірікші, өсегі көп, Ел-жұрттың іріткі салар арасына-ай.

Жақсы кісі көрінер жыл құсындай, Жаман адам балтаның ұңғысындай. «Олақтан салақ жаман» деген мақал, Жамандар түзей алмас тұрмысын-ай.

Жаманның кеудесі үлкен, сөзі кесек, Ақылы ауысқан адамның жындысындай. Екеуін салыстырып әдейі айттым, Қажетін қолданарсың тұмысыңа-ай.

«Т кестесі» әдісі бойынша І, ІІІ топ жақсы адамның қасиеттерін, ІІ, ІҮ топ жаман адамның қасиеттерін теріп жазады.

«Т кестесі»

Жақсы адамның қасиеттері Жаман адамның қасиеттері