Жаңартылған бағдарламаға арналған коучинг жоспары

Коучинг жоспары

Тақырыбы:

Cын тұрғысынан ойлау дағдыларын қалыптастыру

Мақсаты:

Cын тұрғысынан ойлау әдістері арқылы сыни ойлауға түрткі болу,танымдық қабілетін дамыту,оқу үдерісіне белсенді қатыстыру

Күтілетін нәтиже:

Мұғалімдер сын тұрғысынан ойлау әдістерін үйренеді,өзін-өзі бағалайды,қадағалау,талдау,қорытынды жасау дағдыларын игереді.

Қолданылатын әдіс-тәсілдер:

«Он сұрақ әдісі», «Болжау әдісі», «Синквейн», «Жәрменке», «Басбармақ», «Екі жұлдыз бір тілек».

Коучинг барысы

Іс – әрекеттің атауы

Коучтің іс-әрекеті

Мұғалімдердің іс-әрекеті

Психологиялық тренинг

5 - минут

Сыныпта психологиялық ахуал қалыптастыру мақсатында мұғалімдермен шеңбер «Сатамын ,сатып аламын» тренингі өткізіледі . Мұғалімдер өздеріне ұнамайтын қасиеттерін сатып, көршісінің жақсы қасиетін сатып алады.Мұғалімдер

«Ұлт аттары» әдісі арқылы топқа бөлінеді. .Дәстүрлері ,ұлттық құндылықтары жазылған кеспе қағаздар дайындалады.

Мұғалімдер үстел үстіндегі әр түрлі сипаттамалар жазылған парақшаларды таңдайды,сол арқылы топқа бөлінеді.

Миға шабуыл

10-минут

Тақтаға бір сурет салынады. Мұғалімдер сын тұрғысынан ойланып сол суреттің неге ұқсайтынын парақшаға жазады.

Сабақтың тақырыбы ашылады. «Сын тұрғысынан ойлау» слайдтары көрсетіледі және түсіндіріледі.

Әріптестер пікірі тыңдалады. Әркім өз пікірін айта алады.

Сергіту сәті 5- мин

«Он сұрақ әдісі» Бір мұғалімнің арқасына бір сөз жазылған қағаз жабыстырылады.

Мұғалім он сұрақ қою арқылы сол сөзді табуы тиіс.

Топтық жұмыс

( 15 мин)

«Болжау әдісі» Мұғалімдерге бір бейнероликтен үзінді көрсетіледі және әрі қарай оқиға қалай жалғасатынын ойлау керектігі айтылады.

Мұғалімдер көрсетілген бейнероликті әрі қарай қалай жалғасатынын болжайды.Видеоролик соңына дейін көрсетіліп,қай топтың жауабы шынайылыққа сай екендігі анықталады.Топтар бір-біріні «Басбармақ» әдісі арқылы бағалайды.

«Синквейн стратегиясы», «Хат жазу», «Жәрменке» әдістері

10-минут

Үш топқа үш түрлі әдіс-тәсілдер ұсынылады.Мұғалімдер көрсетілген видеороликтің кейіпкеріні ұсынылған әдіс-тәсілдерде көрсетіп берулері тиіс.

Мұғалімдер топта бірлесіп ынтымақтастықта жұмыс жасайды.

Қорытындылау

( 10 - мин )

Сабақтан алған әсерлері мен ұсыныстарын «Екі жұлдыз бір тілек» арқылы бір-бірін бағалайды.Сабақтың соңында кері байланыс жасалады.

Мұғалімдер сұрақтарға жауап беруді, идея ұсынуды үйренеді. Мұғалімдер арасында пікір-талас болады.Өз идеяларын ұсынып, талдау жасайды.