Жаңартылған білім мазмұнындағы критериалды бағалау семинары

Тақырыбы:. «Жаңартылған білім мазмұныны бойынша критериалды бағалау»

(дөңгелек үстел)

Мақсаты: Білім беру мазмұнын жаңарту жағдайында оқушылардың оқу жетістіктерін бағалау жүйесін енгізу.Сапалы бағалау мен тұлғаны дамытуды қамтамасыз етуге мүмкіндік беретін, өздігіннен білім алуға және дамуға дайын, алдын-ала белгілі және нақты критериийлер бойынша объективті бағалау жолдарын талқыға салу .

Өзекті алаң: Білім беру жүйесінің жаңарту жағдайларында бағалау түрлері бойынша мәселелер.

Түрі: кездесу,пікірталас.

Қатысушылар: бастауыш класс бірлестігі.

Жүру барысы:

1.«Кіріспе (Дөңгелек үстелдің мақсаты мен сұрақтарына тоқталып өту)

2.«Білім мазмұнын жаңартудағы бағалау туралы жалпы түсінік» тақырыбында сөз (Бастауыш класс мұғалімі Әдіжалелова А.Т)

3.Жиынтық бағалау-оқушының білім сапасының көрсеткіші:

а)Журнал толтыру қалай жүзеге асырылады?

ә)Бағалаудың жүргізу жолдары .

б)Жиынтық бағалау қалай жүргізіледі?

( Жаңартылған білім беру мазмұны бойынша дәріс беріп жүрген ұғалімдер өз-іс тәжірбиесімен бөліседі)

5. Қорытынды.

Кіріспе . Бастауыш класс мұғалімі :Қошқарова Ж.Ө

Қазақстанның орта білім беру жүйесіне жүргізілген экономикалық ынтымақтастық және даму ұйымы (ЭЫДҰ) шолуының негізінде оқушылар үшін бағалауды барынша әділ және анағұрлым мәнді ету мақсатында барлық бастауыш және орта мектептерде критериалды бағалау моделін енгізу ұсынылды.

Критериалды бағалау моделі мен оны сыныпта қолдану тәсілдері туралы толығырақ

ақпаратты «Жалпы білім беретін мектептердің мұғалімдеріне арналған критериалды бағалау бойынша басшылық»және «Мұғалімге арналған нұсқаулық» әдістемелік құралдарынан табуға болады. Мемлекетіміз қашан да білім мен тәрбие беру мәселесіне ерекше маңыз беріп келеді. Оның нақты дәлелі – Елбасымыз белгілеген «100 нақты қадам» бағдарламасы. Аталған Ұлт жоспарының әрбір жолының мазмұнында «Біздің ел, біздің ұлт, біздің болашақ» атты жасампаз бағдар айқын көрініс тапқан. Ендеше, білім беру жүйесі жаңартылады. Яғни, білім – әлемдік, тәрбие ұлттық деңгейде болуы тиіс. Бұл ретте ұстаздар қауымына жүктелер міндет жүгі де ауыр екендігі анық.

Бүгінгі білім саласындағы «Жаңартылған оқу бағдарламасы» қоғамдағы кез келген ата-ананың көкейінде «бұл бізге не береді?» деген сауалдың болуы заңды. Қолданыстағы білім мазмұнымен салыстырып көретін болсақ, мәселен, қолданыстағы білім «мектепте нені оқытады?» деген сұрақ аясында болып, баланың теориялық біліміне, яғни, бала біледі және түсінеді дегенге бағытталған. Ал, қазіргі жаңартылған білім мазмұны «мектепте не үшін оқу керек?» деген сұрақ аясында болып, білім мазмұны күтілетін нәтижеге және баланың бойындағы түрлі дағдыларды қалыптастыруға бағытталады.