Жануарлар табиғат сыйы тақырыбындағы ашық сабақ 5 сынып

Ұзақ мерзімді жоспарлау 4-бөлім. Жануарлар әлемі мен өсімдіктер дүниесі

Мектеп: Қабанбай батыр атындағы орта мектебі

Күні:7.11.18

Мұғалімнің аты-жөні:

Сынып:5

Қатысқан оқушылар:

Қатыспағандар:

Сабақтың тақырыбы

Жануарлар-табиғат тартуының тамаша жаратылысы

Осы сабақ арқылы жүзеге асатын оқу мақсаттары:

5.Ж2.Жанрлық ерекшеліктеріне сай рәсімделуі мен құрылымын сақтап, хат, жарнама, хабарландыру құрастырып жазу.

5.ӘТН3.Тура және ауыспалы мағыналы сөздерді, көп мағыналы сөздер, омоним, антоним, синонимдерді көркемдік ерекшеліктеріне сай қолдану

Сабақ мақсаты

Барлық оқушылар орындай алады:

Жалпы мазмұнын түсінеді,омоним сөздерді көркемдік ерекшеліктеріне сай қолданады

Оқушылардың көпшілігі орындай алады:

Хабарландыру, жарнама,хат құрастырып жаза алады,мәтінді талдай алады,болжай алады.

Кейбір оқушылар орындай алады:

Жанрлық ерекшеліктеріне сай рәсімделуі мен құрылысын сақтайды.

Құндылықтарды игерту

Ата-бабамыздан келе жатқан төрт түліктің қасиетін білу,олардың өнімдерін өмірде пайдалану.Табиғатқа дұрыс көзқараспен қарау

Пәнаралық байланыс

Қазақ әдебиеті, жаратылыстану

АКТ-ны қолдану дағдылары:

PowerPoint, сілтемелер

Бағалау критерийлері:

- Жалпы мазмұнын түсіну,омоним сөздерді көркемдік ерекшеліктеріне сай қолдану.

- Хабарландыру, жарнама,хат құрастырып жаза алу,мәтінді талдау,болжау.

- Жанрлық ерекшеліктеріне сай рәсімделуі мен құрылысын сақтау.

Дескрипторлар:

- Шығармадағы кейіпкерлердің типтерін анықтайды. Шығарма сюжетін ескеріп жазады. . Кейіпкер әрекетін талдап, құндылықтарға тоқталады..

Тілдік мақсаттар:

Тілдік мақсаттарыңызды белгілеңіз, соның ішінде қолданылатын сөздер мен сөз тіркестерге мысалдар келтіріңіз.

1.Барлық оқушылар түсінеді, болжайды, талдайды. Хабарландыру құрастырып жазады. Омонимдерді қолданады.

2. Ертегі, зор, сұлу дене, жылқы

Диалог және жазылым үшін қажетті сөз тіркестер:

- Балалар, өгіз түйелер ішінде неге қалмады?

- Жылқылар арасында неге тұрақтай алмады?

- «Бөлінгенді бөрі жейді», -дегенді қалай түсінесіңдер?

Осыған дейін меңгерілген білім

Ертегіні түсінді, мазмұнын айта алады.

Жоспар

Уақытты жоспарлау

Дереккөздер

Дид.материал

Басы

Ортасы

Сәлеметсіздер ме, оқушылар?! Бәріміз ортаға шығамыз. Сендерге қима қағаздар беремін, қима қағазда төрт түлік малдың атауы жазылған. Сол атауларға байланысты дыбыстарды қайталап, топқа бөлінесіңдер.

Оқушыларды топқа бөліп аламын. Түйе, жылқы, сиыр

-Балалар, қалай ойлайсыңдар, бүгінгі сабақтың тақырыбы неге қатысты болмақ?(Оқушылар жауап береді.)

- осы тақырыпқа байланысты біз бүгін мынандай мақсатта жұмыс істейміз. Біз бүгін мәтіндерді түсініп, талдаймыз. Олардың құрылымын сақтап, хабарландыру жазамыз. Әрі омоним , синоним сөздерді түрлі жағдайда пайдаланамыз. Осыған сай енді өздерің мақсаттарыңды қойыңдар.

Оқушылардың өздеріне мақсат қойғызамын.

Жасын, сендер не білулерің керек?

Дария, алдыңа қандай мақсат қоясың? деп оқушылардың ойларын біліп аламын.

(Осы қойған мақсаттарыңа сабақ соңында қайта ораламыз)

«Қабырғадағы рөл» стратегиясы бойынша мәтінмен жұмыс жүргіземіз.

Мәтінді қиып-қиып қабырғаға дайындап қойғанмын. Әр оқушы шығып. мәтіннің жалғасын тауып, мәтінді дұрыстап құрайды.

Үш күннен соң сиыр еркек бұзау туады. Бұған қуанған олар қанша тарықса да, сиырды саумай, барлық сүтін бұзауға беріпті. Енесінің бар сүтін бір өзі еміп өскен бұзау үлкен өгіз болып шығады. Күндердің бір күнінде ол өзінің семіздігіне масаттанады. «Осындай зор, сұлу денеммен мына бір жаман сиырлардың ішінде жайылып жүргенім лайықсыз екен, түйелерге барып қосылғаным дұрыс шығар»-деп ойланады өгіз.

Жылқылар ішінде жүргенде оған жайсыз болады. Соларға ілесіп, қатарларынан қалмай шауып жүремін деп әбден шаршайды.Бір күні қасқыр тиіп, жылқылар дүркірей қашады. Бұған ілесе алмай айдалада қалып қояды. Жылқылар қашып кетеді де, өгіз қасқырдың қоршауында қалады. Мө-ө-ө- өөө! Құтқарыңдар мені. Құтқарыңдар! Мө-ө-ө-өөө! Мө-ө-ө-өөө! Кім бар маңайда ? мө-ө-ө!- деп мөңірейді өгіз.

Баяғы өткен заманда бір шал мен кемпір өмір сүріпті. Жалғыз сиырдың сүті олардың қорегі болыпты. Сондықтан сиырдың бұзауы сүтке жарымай, өле беріпті. Кемпір мен шал сиырды саумай, бар уызын бұзауға бермек болып келіседі.

Өзін ерекше зор сезініп жүрген ол барынша-ақ түйе болуға тырысып бағады. Олардың жеген шөбін жейді, алыс шөлге кетіп, сортаң жалайды. Ақырында шөлден қатып, іші ауырып, шыдай алмайды.-әбден өлетін болдым, жылқыларға барайын. Олар түйеден кішірек қой, азабы да жеңілірек болар,- дейді.

-бұл не айқай! Құлақ түріңдерші!

-таныс дауыс қой өзі.Табын сиыр жотаға шықса, сол баяғы өздерін менсінбей жылқыларға барып қосылған өгіз қасқырлардың қоршауында қалған екен.Олар өгізге кек сақтамай, оны қасқырлардан құтқарып алады.-Мен сендерді ренжіттім. Ақылсыздығымнан осындай жағдайға тап болодым. Тату болған, туыстармен бір жүрген қандай жақсы! «Бөлінгенді бөрі жейді» деген осы екен. Кешіріңдер мені, мө-ө-ө-өөө!- деп кешірім сұрапты өгіз.

Оқушылар тапсырманы орындап біткеннен кейін мәтіннің толық мазмұны беріледі.

Жан-жануарлар туралы ертегілер

Баяғы өткен заманда бір шал мен кемпір өмір сүріпті. Жалғыз сиырдың сүті олардың қорегі болыпты. Сондықтан сиырдың бұзауы сүтке жарымай, өле беріпті.

Кемпір мен шал сиырды саумай, бар уызын бұзауға бермек болып келіседі.

Үш күннен соң сиыр еркек бұзау туады. Бұған қуанған олар қанша тарықса да, сиырды саумай, барлық сүтін бұзауға беріпті. Енесінің бар сүтін бір өзі еміп өскен бұзау үлкен өгіз болып шығады. Күндердің бір күнінде ол өзінің семіздігіне масаттанады. «Осындай зор, сұлу денеммен мына бір жаман сиырлардың ішінде жайылып жүргенім лайықсыз екен, түйелерге барып…