Жанымның жарқын жұлдызы туралы қазақ әдебиеті мақаласы

Жанымның жарқын жұлдызы

«Балапан ұяда не көрсе, ұшқанда соны іледі»,- дегендей ұяда, қасиетті шаңырағымызда алған тәрбиемізбен өмірге құлаш ұрып, мақсатымызға жетсек екен деп армандамайтын жан болмас сірә! Үлгі тұтатын адамнан не көреміз, дәл соны ер жеткенде көрсетеміз деп ойлаймын.

Мені өмір бойы жақсы адам қоршап келеді. Мысалы, менің мектептегі ұстаздарым, достарым, барлығынан бұрын менің ата-анам-бұл адамдар мен үлгі тұтатын асыл да ардақты жандар. Қазіргі заманда балалардан : «Cен өскенде кім боласың?» ,- деп сұрасаң, олар мультфильмдегі бір кейіпкерді айта салуы мүмкін. Иә,шынымен,маған осы сұрақты бес жасымда қоятын болса мен дәл солай жауап беретін едім, ал жеті жасымда бастауыш пәнінен сабақ беретін мұғалімді, он жасымда шетел әншілерінің есімін атауым мүмкін еді. Қазір он үш жасымда болашағымды, өскенде кім болғым келетіндігін ойланбастан-ақ зор сеніммен айта аламын. Тамсана қарайтын, үлгі тұтатын адамым-Анам екенін аса мақтаныш сезіммен айта аламын. Ол белгілі бір күшке, немесе сиқырға ие емес,ол- әлемге әйгілі әнші, биші, күйші де емес. Бірақ, менің асыл анам мол мейірімге, әділдік сезіміне, түсіністікке, рухани жан дүниесі бар, еліне сыйлы, құрметке ие жан иесі.

Бала бойындағы ең жақсы қасиеттер де ең алдымен анадан тарайды. Ана-тіршіліктің гүлі, отбасының берекесі, бүкіл адамзаттың тәрбиешісі. «Ат биеден, алып анадан туады»,- дейді дана халқымыз. Қаламы жүйрік жазушы да, данышпан ғалым да, ел бастаған көсем де, сөз бастаған шешен де ана көкірегінен нәр алып, бойына бар жақсы қасиеттерді сіңіріп өседі. Ана-барлық өмірдің бастауы. Ана- өмір, Ана- гүл, Ана- батыр, Ана- жыр. Ол өз сәбиін қанаттыға қақтырмай, тұмсықтыға шоқыттырмай мәпелеп, аялап өсіреді, баласының жақсы болуын қалайды. Адам бойындағы барлық асыл қасиеттер күннің нұрынан,ананың ақ сүтінен дариды. Ана-ұлы адам,қасиетті жан. «Ана бір қолымен бесікті тербетсе,бір қолымен әлемді тербетеді»деген. Расымен,анасыз өмірді, әлемді елестету мүмкін емес. Құдайдан кейінгі құдірет иесі-Ана. Міне, анамды барынша сипаттадым! Осы сөздерден кейін анамнан қалай үлгі алмасқа?!