Жарық құбылыстары 8-сынып физика сабағы

Ұзақ мерзімді жоспардың тарауы:

8.4 А Жарық құбылыстары

Күні:

Сынып:

Қатысқандар:

Қатыспағандар:

Сабақтың тақырыбы

Жарықтың шағылуы, шағылу заңдары, жазық айналар

Осы сабақта қол жеткізілетін оқу мақсаттары

8.5.1.2 – эксперимент арқылы түсу және шағылу бұрыштарының тәуелділігін анықтау;

8.5.1.3 – айналық және шашыранды шағылудың мысалдарын келтіру және түсіндіру;

Ойлау дағдылары

Білу, түсіну, қолдану,талдау

Сабақтың мақсаттары

Барлық оқушы: эксперимент арқылы түсу және шағылу бұрыштарының тәуелділігін анықтай алады, айналық және шашыранды шағылудың мысалдарын келтіреді және түсіндіреді

Көпшілік оқушылар: түсу және шағылу бұрыштарын графикалық түрде көрсету арқылы ажырату. Шағылу заңдарын есеп шығаруда қолдана білу

Кейбір оқушылар: Жазық айнаның техникада және тұрмыста

қолданылуын бағалау

Бағалау критерийі

• Түсу және шағылу бұрыштарының физикалық мағынасын түсінеді

• Түсу және шағылу бұрыштарының тәуелділігін анықтайды

•Шағылу заңдарын есеп шығаруда қолданады

• Айналық және шашыранды шағылуды ажыратады

•Жазық айнада дененің кескінін алады

•Жазық айнаның техникада және тұрмыста қолданылуын бағалайды

Тілдік мақсаттар

шағылу, жазық айна, нормаль, түсу бұрышы, шағылу бұрышы, түскен сәуле, шағылған сәуле, жалған, нақты кескін

Төрт қасиеті:

•айнаға қатысты симметриялы

•түзу

•жалған

•өлшемі объектінің өлшеміне тең.(үлкейтілген,кішірейтілген)

•объект айнанын алдыңда қандай қашықтықта тұрса, кескін де айнадан дәл сондай қашықтықта немесе одан алыс,жақын орналасады

Құндылықтарға баулу

Жұптық және топтық жұмыстарды қолдану бірлік пен ынтымақтастықты сақтайды, бірлесе еңбектенуге баулиды;

Тақырыпты топта талдау кезінде жеке тұлғаның пікірін ескереді

және әрбір ойдың құндылығын құрметтейді

Пәнаралық байланыс

Тақырыпты ашу мақсатымен әдеби шығармадан үзіндіні пайдалану арқылы қазақ әдебиетімен Жаратылыстану пәнінен жарық құбылыстарын біледі,Геометрия пәнінен бұрыштарды өлшеуге транспортир қолданады,Брадис кестесін пайдаланады

Алдыңғы білім

Жарықтың түзу сызықты таралу заңы.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

Психологиялық ахуал

«Жасырылған зат»

Мұғалім қобдишадағы нәрсені жасырады, оқушылар оны тауып алу қажет.(айна)

Бұл сиқырлы айна деп есептеңдер, осы айнаға қарап айтқан тілектерің орындалады.

Оқушылар ортаға шығады, айнаға қарап әркім өзіне жақсы тілек білдіреді.

«Ой шақыру»

Ертегіден үзінді «Қожа Насыр құдықтан Айды қалай құтқарды»

Күндердің күнінде Қожа Насыр кешкісін Айдың жарығымен құдықтан су алып жатқанда, Ай құдықтың түбіне түскенін көреді. Айды алып шығу үшін, ол арқанның шетіне ырғақ байлап төмен түсіреді.Ырғақ кездейсоқ тасқа ілініп қалады да, Қожа арқанды тартып қалғанда ырғақ босанып кетеді, ал Қожа шалқасынан құлайды. Жоғары қарағанда аспандағы Айды көреді де:

Құдайға шүкір, тегін азапқа түскен жоқпын, Ай өз орнына оралды, - дейді Қожа.

Сұрақ: Қожаны адастырған қандай физикалық құбылыс?(жарықтың айналық беттен шағылуы)

Бүгінгі сабақтың тақырыбы сонда қандай? Нені зерттеуіміз қажет?

Топтарға бөлу: алдын ала мұғалімге тапсырылған ұсақ заттары бойынша бөліну.Әр партаға заттар қойылады, оқушылар өздерінің заттары қойылған партаға отырады

Сабақтың ортасы

(G)1-тапсырма: Берілген зертханалық құрал жабдықтар көмегімен нұсқаулықтар арқылы тәжірибелер жасап, өз қорытындыларын шығарады.

Оқулықтағы тұжырымдамамен салыстырады, дәптерге жазып алады.

Дәптерге сабақтың тақырыбын жазамыз, топтардың жұмыс мақсаттарын айқындаймыз:

1-топ. Жарықтың шағылу заңдарын тұжырымдау

2-топ. Айнадағы кескінді зерделеу

1) Қажетті құрал жабдықтар: майшам, сызғыш, транспортир, қарындаш, айна, саңлауы бар пластина

1.Айнаны АВ сызығы бойымен орналастырыңдар.

2.Саңлауы бар экран мен майшамды, одан өткен жарық сәулесі 450 бұрышқа сәйкес келетіндей етіп қой.

3.Шағылған сәулені үш нүктемен белгіле.

4.Тәжірибені әр түрлі бұрыштар үшін қайтала.

5.Майшам мен экранды жинап қой да үш нұкте арқылы түзу жүргіз.

6.Транспортирмен сызылған түзу мен перпендикуляр арасындағы бұрышты өлше.

7.Шыққан нәтижені кестеге түсір

Түсу бұрышы

Шағылу бұрышы

8. Түсу бұрышы мен шағылу бұрышы арасындағы байланысты графикпен кескінде.

9.Заңды тұжырымда

2) топта айнадағы кескінді берілген нұсқаулар бойынша зерделейді, бақылағанын қорытындылайды.

Айнадағы кескінді зерделеу.