Жас мамандарға арналған өзін-өзі ашу тренингі

Аягөз қалалық «№ 7 бөбекжай- балабақша» КМҚМ

өзін- өзі ашу тренингі

/Жас мамандарға арналған/

Балабақша психологы: Ескендирова А.О.

2017 -2018 оқу жылы

Тренингтің тақырыбы: Өзін өзі ашу тренингі

Мақсаты:

Жас мамандарға көмек көрсету және ұжымда жағымды психологиялық ахуал қалыптастыру.

Жас мамандар өздерін педагогикалық ұжымның бір бөлшегі ретінде сезінуіне, бейімделуіне ықпал жасау;

жас мамандардың ашылуына, өз әріптестеріне өздерін көрсете білуіне көмектесу;

I. Ұйымдастырушылық бөлімі

1. Жағымды психологиялық ахуал тудыру.

«Таныстыру» жаттығуы. Нұсқау: әр қатысушы өз есімінің бірінші әрпіне қарай бойындағы жеке қасиетін қосып айту керек. Мысалы: мен Бақытнұр бақытты қызбын....

II. Тренингтің барысы:

Жаттығу «Жұптар».Бір минут ішінде әр жұп бір-бірімен әңгімелесе отырып, көбірек ақпарат алмасулары қажет. Әңгімелесіп болғасын біреуі екеуіне ортақ 3 ұқсастықты, ал екіншісі 3 айырмашылықты атайды.

Жаттығу «Бұл мен...»

Мақсаты: қатысушылардың өздері туралы айтуына, жақынырақ танысуға көмектесу.Әрбір қатысушы 5мин ішінде өзін мінездейтін 5сөз жазып, теңеу ойлап тауып, оны қағазға жазып, оны кеудесіне тағып қояды. Біршама уақыт бойы қатысушылар әрі-бері сапырылысып, бір-бірінің мінездемесін оқуға кіріседі. Барлық жазулар оқылған соң, барлығы дөңгелене отырады. Сосын пікірталас басталады: әрбіреуіндегі нендей нәрсе ерекше есте қалды, таңқалдырған нәрсе бар ма?, күлкілі нәрсе ше? т.б

«Сөздік ойын»

Балабақша – бала, тәрбиеші, сабақ

Ана-бала, бесік, тамақ

Кітап-парақтар, әріптер,оқу

Бейбітшілік –

Ұрыс –

Туыс –

Дос –

Әже-

Шкаф-

Қыз –

Ұл –

Телефон –

Теледидар –

Компьютер –

Газет –

Домбыра –

Бөлме –

Үстел –

Мейірім –

Түн –

Тест «Күлбикеш»

Сіздер барлықтарыңыз «Күлбикеш» ертегісін білесіздер. Төменде көрсетілген көріністердің қайсысы сізге көбірек ұнайды.

- Өгей шешесі және оның қыздары Күлбикешті қинайтын көрініс.

- Мейірімді періштенің сиқырлығы таяқшасының көмегімен әдемі де бақытты ханшайымға арналған Күлбикеш көрінісі.

- Сағат 12 болғанда Күлбикештің патша сарайының баспалдағында өз бешпентін жоғалтып алғаны.

- Ханазада Күлбикешті тауып алып, аяғына бешпентін кигізіп жатқан көрініс.

Шешімі:

Егер, сіз бірінші көріністі таңдасаңыз, онда сіз өзімшіл және өзіңізді жоғары санайтын адам болғаныңыз. Сіз өзіңізді өзгелерден артық санайсыз.Айналадағы адамдарға жылы шырай танытуды үйреніңіз. Басқаларға жоғарыдан қараудан сақтаныңыз.

Егер, сіз екінші көріністі таңдаған болсаңыз, онда сіз өз бетіңізбен шешім қабылдай алмайтын, жауапкершілікті мойнына ала алмайтын адам болғаныңыз. Сіз шын өмірде сиқыршы періштелердің болмайтынын ұмытып кеткен боларсыз.

Егер, сіз үшінші көріністі таңдаған болсаңыз, онда бұл сіздің өзгелерге қаншалықты тәуелді екеніңізді көрсетеді. Сіз өзіңізден кейін көптеген жауапсыз проблемаларды қалдырып жүретін адамысыз. Қиыншылықтардан құтылу үшін өз проблемаларыңызды өзгелерге арту дұрыс емес, ерте ме кеш пе бәрін өзіңізге шешуге тура келеді.

Егер, сіз төртінші көріністі таңдасаңыз, онда сіздің өмірден күтетініңіз – тұрақты жұмыс, уақытында берілетін еңбекақы, бала және отбасы. Бірақ, сіз өзіңізді өзгелерден ерекшелендіретін көптеген қасиеттеріңізді көрмейсіз немесе олар туралы ұмытып кеткен сияқтысыз.

Жас мамандарға арналған үлгі жаднама

«Жас мұғалімнің бейімделу проблемасы» сауалнамасын жүргізу

III. Қортынды Рефлексия

« Менің алған әсерім ...» Кері байланыс сауалнамысын толтыру

Тренинг соңында барлық жас маман орындарынан тұрып, шеңберге тұрады. Әрбір қатысушы барлық қатысушыларға бір сөзбен қандай да бір жақсы тілек айтуы керек.

Құрметті, Жас Ұстаздар! Педагогтік шеберлік – дарынды талант емес, үйрену, ізденудің нәтижесі»

Сіздердің алғашқы Ұстаздық қадамдарыңызға нұр жаусын! Ұрпаққа қалдырар мәңгілік байлық – білім мен тәрбие. Ал, сол құндылық мұғалімнің уысында. Сондықтан да, осы Ұлы мамандықтың иесі болған сіздер бақыттысыздар! Биік мақсаттарыңыздың шыңына шығыңыздар!

Жұмыста әр күндеріңіз сәтті өтсін!

«Жас мұғалімнің бейімделу проблемасы»

1. Педагогикалық жұмысқа Сіз қалай келдіңіз?

1) саналы түрде

2) өзге салалардан жұмыс таппағандықтан

2. Сіз жұмысты қалай іздедіңіз/таптыңыз?

1) бітірген жоғары оқу орнынның жолдауымен

2) аудандық, қалалық білім бөлімдерінің жолдауымен

3) мақсатты түрде ауданның/қаланың ең үздік мектебін іздедім

4) достарымның/әріптестерімнің ұсынымдары арқылы вакансия таптым

5) мектеп әкімшілігі шақырды

3. Сізде тәлімгер-мұғалім бар ма?

1) иә, және оның көмегі тиімді

2) жоқ, бірақ ол маған керек

3) жоқ, мен оған мұқтаж емеспін

4) иә, бірақ оның көмегі тиімсіз

4. Өзіңіздің жеке педагогикалық қызметіңізден кейін Сіздің мұғалімнің жұмысына деген көзқарасыңыз өзгерді ме, егер өзгерсе қалай?

1) өзгерген жоқ

2) жақсы жағына қарай өзгерді

3) жаман жағына қарай өзгерді

4) жауап беруге қиналамын

5. Өзіңіздің балабақшадағы жұмысыңыздың сапасына қаншалықты көңіліңіз толады?

1) толық қанағаттанамын

2) жоқтан гөрі, иә

3) иәден гөрі, жоқ

4) нақты жоқ

5) жауап беруге қиналамын

6. Сіз балабақша тәжірибесінде қандай проблемалармен жиі кездесесіз:

1) сабақ беретін пәннің оқу-әдістемелік қамтамасыз етілуі

2) екі және одан да көп пәндерден сабақ беру

3) тәлімгерлік жүйесінің болмауы

4) педагогикалық ұжымдағы қарым-қатынастар

5) балабақша әкімшілігінің жұмыс стилі

6) балалардың мұғалімге деген қарым-қатынасы

7) балалардың оқуға ынтасының жоқтығы

7. Балабақшада жұмыс істеу кезінде Сіз жоғары оқу орнында алған біліміңіздің тәжірибелік пайдасын жалпы қалай бағалайсыз?

1) өте жоғары

2) айтарлықтай жоғары

3) аса жоғары емес

4) төмен

8. Сіздің ойыңызша, жоғары оқу орындарының педагогикалық мамандықтарының оқыту мазмұнында не жетіспейді?

1) сабақ беретін пән бойынша мазмұны мен білім ауқымы

2) кәсіптік тәжірибе бойынша уақыт көлемі мен мазмұны

9. Өзіңіздің негізгі педагогикалық біліміңізді жоғары оқу орнын бітіргеннен кейін мектеп қабырғасында алғандығыңызбен келісесіз бе?

1) келісемін

2) келісемін,бірақ толығынан емес

3) ішінара келісемін

4) келіспеймін