Жас маманның кәсіби қиындықтарын жеңу жолдары туралы баяндама

М.Әбдіхалықов атындағы мектеп – гимназиясы

Жас маманнан жақсы маманға өту процесінде кездесетін кәсіби қиындықтарды жеңу жолдары

Баяндама

Дайындаған: Жақайқызы С

Елбасының «Мәңгілік ел» ұлттық идеясын ұсынған биылғы Жолдауы мемлекетіміздің барлық сала бойынша тұрақты дамуын қамтитын, еліміздің дамыған 30 елдің қатарына кіру мақсатына жаңа серпін беретіні сөзсіз. Елбасы Жолдауында білім саласының барлық деңгейлеріндегі қызметкерлерінің алдына да үлкен міндеттер қойылды.

Қазіргі кезде мемлекетіміз үшін кәсібилік деңгейі жоғары мамандар дайындап шығару қандай өзекті мәселе болса, жас мамандарға қолдау көрсету дәл сондай көкейкесті мәселе болып табылады. Бұл мақсатқа жетудің тиімді тетіктерінің бірі алдыңғы толқын ағалардың кейінгі толқынды тәрбиелеу ісі екендігінде дау жоқ.

Жоғары мектеп оқытушысы өз саласының маманы болумен қатар білім стандарттарында айқындалған психологиялық, педагогикалық, ғылыми бағыттардан да жеткілікті деңгейде құзыреттіліктері қалыптасқандығын көрсете алулары тиіс. Өкінішке орай жоғары оқу орындары білім беру жүйесі қызметіне бірден араласып кететіндей мамандар дайындап отыр деп айта алмаймыз. Мысалы атап айтсақ жоғары мектептердің жас мамандары кәсіби әрекетте туындайтын мәселелерді шешуде педагогика мен психологияның жетістіктерін пайдалануға, оқыту үрдісінде жаңашылдық технологияларды қолдануға, оқушылармен тәрбиелік мақсаттағы жұмыстарды, зерттеушілік жұмыстарды жүргізуге, өз бетінше білім жинақтауға қиналатындықтарын көріп жүрміз. Тіпті өзі оқыған ғылым саласында да терең білімдері болмайтындары кездеседі. Өте күрделі процестердің санатындағы кəсіби бейімделу процесі сондықтан да өзіндік ішкі, сондай-ақ сыртқы қайшылықтармен сипатталады.

Алғашқы қайшылықтар біздіңше:

Жас мұғалімнің өз бетінше жұмыс істеуге ұмтылуы жəне оған қажетті білімі, білік-дағдыларының жоқтығынан, сондай-ақ педұжымдарда шығармашылық, демократиялық негіздердің жоқтығынан;

Жақсы жалпы теориялық білім мен оны практикалық қызметінде қолдана алмауынан;

Жас мұғалімнің өзін-өзі таныту қажеттілігі мен оның коммуникативтік мүмкіндігінің сəйкессіздігінен туындайды.

Тұлғаның кəсіби бейімделу процесінде оның жұмыс орнына байланысты кездесетін сыртқы қайшылықтары:

Жас педагогтардың өмірлік жоспарлары, құлшыныстары, кəсіби үміті мен олардың жаңа əлеумет тік жағдайы, мектептің педұжымы, оның құндылық бағдарлары ұсынатын нақтылы мүмкіндіктер арасында;

Жас мұғалімнің талап тілектері жəне оның аталған ұжымның тұлғааралық қарым-қатынастар құрылымындағы нақтылы алатын орны арасында;

Мектептің педұжымының мамандыққа байланысты қоятын нақтылы талаптілектері мен жас мұғалімдердің даралық ерекшеліктерінен туындайтын оның сенімділік, қызығушылық, ұмтылысы арасында;

Бұл қайшылықтарды атай жəне оларды шешу жолдарын қарастыру мақсатында, қыркүйек айынның 10-ыншы жұлдызында директордың және тәлімгерлер мен тәлімалушылардың қатысуымен отырыс өтті. Бұл отырыста мектебіміздегі жас мамандарға жаңа тәлімгерлер тағайындалып, тәлім алушыларға бағытталған жоспар талқыланып, бекітілді. Биыл.ы 2019-2020 оқу жылы басында мектебімізге 6 жас маман келді. Мектебімізде барлығы 14 жас маман бар. Олардың тәлімгерлері болып төмендегі мұғалімдер сайланды.

қ/с

Тәлімалушының аты-жөні

тағайындалған тәлімгер

Борашов Салауат

Тулепова Амангүл

Джалжанова Айсұлу

Кулмырзаева Айгуль

Темирханова Жанар

Шомбалова Ақмарал

Муратова Әсем

Назарова Ляззат

Хасанова Саягүл

Амантаев Қамбар

Айладыр Мақпал

Бекова Гүлмира

Оңайбай Гүлнұр

Кабакова Гүлима

Бақытжанова Жаңыл

Бимагамбетова Ақерке

Ізімбергенова Әсем

Сарыбаева Ақерке

Қуантқанов Әлішер

Меке Наурыз

Лесқалиев Олжас

Сарсенбаева Гүлжамила

Асанова Сая

Ерғалы Гүлжамал

Рамазанова Көркем

Бишенова Ажар

Жаумытбай Айкенже

Шалхар Рухия