Жас Мұхтар мен Абай туралы сабақ жоспары, 4 сынып

Фани:Ўқиш

Сана:

Мавзу : Ёш Мухтор билан Абай

Дарс мақсади:

Таълимий мақсад: ҳикояни ифодали ўқиб,мазмунини ёритиш. қозоқ адабиётининг ёрқин

юлдузлари М. Авезов ва Абай ҳақида маълумот бериш

Тарбиявий мақсад: ўқувчиларда инсонийлик фазилатни шакллантириш.Ривожлантирувчи мақсад: ўқувчиларни намунали нутқи ва чуқур саводхонлигини

таъминлаш

Дарс типи: аралаш

Дарс усули: таҳлил қилиш, савол – жавоб,тушунтириш

Фанлараро боғлиқлиги: ўз-ўзини таниш,ўзбек тили

Дарс жиҳози: мавзуга оид материаллар

Дарснинг бориши:

I. Ташкилий қисм. Ўқувчилар билан саломлашиш, навбатчи ахбороти;

II. Психологик тайёргарлик.

II.Ўтилган мавзуни мустаҳкамлаш.

ΙΙΙ.Янги мавзу баёни.

Кириш суҳбати. Мухтор Умарович Авезов 1897 йил 28 сентябрда Семипалатинск уездининг

Чингиз волостида кўчманчи оиласида туғилди. Мухторнинг бобоси - Аваз бобо қозоқ

халқининг буюк шоири Абайнинг содиқ дўсти, уиинг шеърлари мухлиси эди.Мухторнинг

болалик йиллари қадрдон овулида ўтди, у шу ерда ўқиш-ёзишни ўрганди. Ёши ўн бирга

етганда, отасидан жудо бўлади, уни тоғаси Қосимбек ўз тарбиясига олади. У 1919 йилда

Семипалатинскдаги ўқитувчилар семинариясини тамомлайди. Айнан мана шу ўқув

даргоҳида у ўзининг шонли ва мураккаб ижод фаолиятини бошлайди.

Қозоқ классик адабиётининг асосчиларидан бири, буюк шоир ва маърифатпарвар Абай

(Иброҳим) Қўнонбоев Қозоғистоннинг Семипалатинск уездига қарашлн Чингизтов районида

чорвадор оиласида туғилди. Ёшлик чоғларида мадрасада ўқиди. Кейинчалик рус мактабига

қатнаб, рус тили ва адабиётини ўрганди. Абай, бир томондан, Шарқ адабиётининг буюк

вакиллари Фирдавсий, Навоий, Низомий ижоди билан, иккинчи томондан, А. С. Пушкин, Л.

Н. Толстой, М. Е. Салтиков-Шчедрин асарлари билан қизиқиб, ўз билимини оширди. Абай ижоди ёшлик чоғларидан шеър ёзиш ва ўлан айтишдан бошланди. Унинг жуда кўп

ўланлари халқ орасида машҳур.

Дарсликдаги матнни ўқиб мазмунини сўзлаб бериш.

Дарсликдаги расм асосида суҳбат

Луғат иши: оқин,қимтиниб

Дам олиш дақиқаси

Ҳикояни ролларга бўлиб ўқитиш

IV. Мустаҳкамлаш

1.Зийрак Абайнинг кўзи кимга тушди?

2.Абай боланинг кўринишини қандай таърифлади?

3.Абайга кўпроқ кимлар билан суҳбатлашиш ёқарди?

4. Абай Мухторга нима деди?

5.Мухтор қандай мақол айтди?

V. Ўқувчиларни рағбатлантириш ,баҳолаш.

VI. Уйга вазифа. Ҳикояни ўқиб мазмунини сўзлаб келиш

VII.Дарсни якунлаш.