Жеңістің белгісіз солдаты туралы тарихи мақала

Жеңістің Белгісіз солдаты

Жеңіс күнін қарсы алайық бәріміз,

Жеңіс күнін тойлайық жас- кәріміз.

Бейбіт заман, бал өмірін сыйлаған,

Майдангер аталарға мың алғыс.

Ұлы Отан соғысы халқымызға төнген ең ауыр нәубет болды. Төрт жыл, 1418 күн мен түн бойы өз жері мен Отаны үшін, келешек ұрпақ үшін жан қилы соғыс болды. Осы соғыста қаншама адам қаза тауып, қаншамасы мүгедек атанды. Қаншама ана жесір, ал балалар жетім қалды. Оңай келмеген жеңісте ерен ерлігімен көзге түсіп, ерекше сый-құрметке ие болған сан мыңдаған жауынгерлердің ішінде аталарымыз бен апаларымыз да көп еді.

Сол сұрапыл соғыста қаншама боздақ хабарсыз кетті. Отбасының ошағы сөніп, ұрпағы бір уыс топырағының қай жерде екенін біле алмай, аңсаумен өтті.Мен осы Ұлы Жеңіс мерекесі қарсаңында әкемнің әкесі, яғни атам жайлы айтуды жөн көріп отырмын.

Менің үлкен атам – Жүнайтов Ағзам Жүнайтұлы ( 1898 жылы туған) соғыс басталғанда 43 жаста болған екен. Ел басына қара нәубет түскенде ер азаматтармен бірге соғысқа Жараспай аулынан шақырылып аттанған. Соғыста атқыштар қатарында болған. Атам « Мәскеу түбінде шайқастамын» деген 1 хат қана жолдаған екен . Одан кейін хабар-ошарсыз кеткен. Мәскеу түбінде соғысқа кетіп бара жатқанын жерлесі жерлесі (Нұра ауданы «1-май» ауылынан) көрген екен. Сол соғыстан менің атам қайтпады. Марқұм өз әкем атам жайлы көп айтатын. Ол кезде әкем 9 жаста, ал жалғыз інісі Байзулла 3 жаста болған. Жараспай аулының Малайқұдық бөлімшесінде тұрған екен. Соғысқа шығарып салғанын күні кеше болғандай әңгімелеуші еді: «Атамның бойы 2 метрдей , өзі зор денелі, керемет күш иесі болатын. Соғысқа аттанғанда үстінде ақ жейдесі бар, ат арбада отырғанда екі аяғы жерге тиіп бара жатқаны көз алдымда»-, деп көзінің жасын орамалмен сүртетін еді. Ол кезде жастау болып түсінбеген екенмін. Әкемнің дүниеден өткеніне 18 жылдың жүзі болды. Әкеме деген сағыныш кеудемді кернейді. Кезінде әкем де өзінің әкесін осылай сағынған екен ғой деп ойлайсың. Хабарсыз кеткен атам жайлы ешқандай деректер болмай, аулымыздағы саябақтағы майдангерлер

Белгісіз солдат

Жеңіс бізге оңайлықпен келген жоқ,

Миллиондаған жауынгерлер жанын берген.

Қаншама адам оралмады қан майданнан,

Қаншама отбасының оты өшкен.

Тілегі адамзаттың орындалып,

Жеңіс келді еліме бақыт болып.