Жер неге жылады тақырыбына сабақ жоспары, мектепке дейінгі балалар

Тобы: Ересек «Балдәурен»

Білім беру саласы: Әлеумет

Ұйымдастырылған оқу қызметі: Экология негіздері

Тақырыбы: Жер неге жылады?

Мақсаты: Қоршаған орта, табиғат пен тіршілік арасындағы байланыс жайлы түсініктерін қалыптастыру, дүниетанымын кеңейту. Ойлау есте сақтау және зерделеуін дамыту, сөздерді анық айтуға машықтау және сөйлеу мәдениетін қалыптастыру табиғатқа сүйіспеншілікке тәрбиелеу, жаратылыстың әрбір заты мен мүшесін құрметтеуге, қоршаған ортаны қорғауға, сақтауға үйрету. Сүйіспеншілік, мейірімділік қасиеттерін дамыту.

Әдіс - тәсілдері: Сұрақ-жауап, әңгімелеу, «Воскобович» технологиясының элементі, т.б.

Көрнекілік: Су, балықтар, гүлдер, Жер ана, Жер шары, т.б.

Ұйымдастырылған оқу қызметінің барысы:

Тәрбиеші: Сәлеметсіңдер ме, балалар! Бүгінгі біздің оқу қызметімізді тамашалауға көптеген қонақтар келіпті. Қане, балалар, сәлемдесіп алайық.

Балалар: Сәлеметсіз бе! Здравствуйте! Good morning!

Шаттық шеңбері

Армысың шапағатты – Күн ана!

Армысың қайырымды – Аспан ана!

Армысың мейірімді – Жер ана!

Құт дарыт, бар әлемді жарылқа!

Здравствуйте, солнце золотое!

Здравствуйте, небо голубое!

Здравствуйте, ветер ветерок,

Здравствуйте, мой дружок!

Good morning gold sun!

Good morning biue sky!

Good morning wind breeze!

Good morning my friend!

Балалар, біз «Әлеумет» білім беру саласы бойынша, экология негіздерінен «Жер неге жылады?» тақырыбында ұйымдастырылған оқу қызметімізді бастаймыз.

Тәрбиеші: Балалар, алдымызда тұрған стикерлер арқылы топқа бөлініп алайық. Ал, балалар, сендерге жұмбақ жасырайын. Шешуін үш тілде айтуларың керек, келістік пе?

Балалар: иә.

Бірінші – ақ түсті стикер алған топ балаларына:

Білінбей жер үстінде жүрсе дағы,

Пайдалы адамзаттың баласына.

Бұл не?

Балалар: Ауа, воздух, air

Тәрбиеші: Дұрыс айтасыңдар!

Екінші – көк түсті стикер алған топ балаларына:

Жылт-жылт етеді,

Жылғадан өтеді?

Бұл не?

Балалар: Су, вода, water

Тәрбиеші: Жарайсыңдар, балалар!

Үшінші – жасыл түсті стикер алған топ балаларына:

Қыста киімін тастайды,

Көктемде киіне бастайды.

Бұл не?

Балалар: Ағаш, дерево, tree

Тәрбиеші: Балалар, ауа, су, ағаш бұлар неге жатады?

Балалар: Табиғат құбылыстарына.

Тәрбиеші: Дұрыс айтасыңдар, балалар. Табиғат дегеніміз не?

Балалар: Табиғат дегеніміз – бізді қоршап тұрған әлем. Біз оның бір ғана бөлшегіміз.

Тәрбиеші: Жарайсыңдар, балалар! Табиғат нешеге бөлінеді?

Балалар: Екіге.

Тәрбиеші: Қане, кім атап береді?

Балалар: Өлі және тірі табиғат.

Тәрбиеші: Өлі табиғат дегеніміз не?

Балалар: Өспейді, қоректенбейді.

Тәрбиеші: Тірі табиғат дегеніміз не?

Балалар: Өседі, қоректенеді, көбейеді.

Тәрбиеші: Өлі табиғатқа нелер жатады?

Балалар: тау, тас, су, ауа.

Тәрбиеші: Тірі табиғатқа нелер жатады?

Балалар: Адам, гүл, жан-жануар, аңдар, құстар, т.б.

Тәрбиеші: Жарайсыңдар, балалар. Неткен ақылдысыңдар. Балалар, тыңдаңдаршы? Мына бір дауыс шығып жатқан секілді. (Күн күркіреп, найзағай ойнаған дауыс шығады.Топқа Жер ана кіріп келеді.)

Балалар: Сәлеметсіз бе! Здравствуйте! Good morning!

Тәрбиеші: Сәлеметсіз бе, сіз кім болдыңыз?

Жер Ана: Сәлеметсіңдер ме, балалар. Мен – Жер Анамын. Балалар, сендер мен туралы естідіңдер ме?

Балалар: Иә, естідік.

Тәрбиеші: Иә, Жер ана сіз туралы біздің балалар біледі. Қане, балалар, Жер ана туралы не білеміз?

Балалар: Жерді біз «ана» дейтін себебіміз, жерде біз өмір сүреміз.

Тәрбиеиші: Жарайсың!

Балалар: Барлық адамзатқа қажеттіліктер жерден табылады.

Балалар: Жер біздің үйіміз.

Балалар: Біз жерде мекендейміз!

Жер Ана: Жарайсыңдар, балалар, сендер мен туралы көп біледі екенсіңдер. Қасиетті туған жердің тау-тасы да, топырағы да, талға біткен жасыл жапырағы да қымбат маған. Маған қымбат оның өзен-көлдері, мені жұпар ауасымен бөлеген, таза ауа сыйлаған табиғаты. Мен осыншама бағалауға бата алмайтын, құны байлықпен өлшенбейтін жасыл белдерді, асқар тауларды сүйемін. Ал менің құнды байлықтарыма титтей де адамзаттан зиян тигенін қаламаймын. Балалар, бірақ менің бүгін көңіл күйім болмай тұр.

Балалар: Жер Ана, сізді кім ренжітті?

Жер Ана: Балалар, таң ұйқымнан оянсам, мына ағаштың екіге бөлініп жатқанын, құмырадағы гүлдің құлап жатқанын, балықтардың жерде сусыз жатқанын көріп, барлық көңіл күйім түсіп кетті. Сендерден көмек сұрағалы келдім. Маған көмек бересіңдер ма?

Балалар: Иә, әрине.

Тәрбиеші: Жер Ана, сіз уайымдамаңыз, менің ақылды балаларымның қолынан барлығы келеді. Сіздің бұл тапсырмаларыңызды жақсы орындап, көңіл күйіңізді де жадыратады.Олай болса, балалар, мен осы тапсырмаларды 3 топқа бөлейін:

«Ағаш» тобы: Сынған ағашқа ем жасап қалпына келтірейік.

«Ауа» тобы: Құлаған құмырадағы гүлді қайта отырғызайық.

«Су» тобы: Балықтарды өзінің мекеніне орналастырайық.

(Музыка қосылып тұрады. Балалар орындықтағы алжапқыштарын тағып, тапсырманы орындайды.)