Жеті лақ пен қасқыр ертегісі бойынша ашық сабақ

Тақырыбы: «Жеті лақ пен қасқыр»Білім беру саласы: коммуникация, көркем әдебиет

Сабақтың мақсаты: Балалардың көркем шығармалар арқылы тіл байлығын, ауыз екі сөйлеуін дамыту. Ертегілермен таныстыру, сұраққа толық жауап бере білу жағымды, жағымсыз кейіпкерлерді ажырату. Ертегіні мәнерлеп, дауыс ырғағын келтіре отырып сөйлеу, рольге бөліп ойнау, баланың шығармашылық қабілеттерін арттыру.

Полингвальный компонент Ертегі – сказка - fairy tale, жеті — семь-seven, лақ — козлят- kids , ешкі-коза-goat, қасқыр – волк- wolf, орман – лес-forest, үй – дом- house.

Сабақтың өтілу әдіс -тәсілі: ертегіні сахналау, өлең, диалогты сөйлеу.

Әдіс - тәсілі: ертегіні сахналау, өлең, диалогты сөйлеу.

Қажетті құрал: атрибуттар, үй, ағаш

Сабақтың барысы:

- Балалар «Ертегілер әлемі» музыкасына ортаға жиналып, жылулық шеңберін құрады.

-Ертегілер, ертегілер,

Неге мені ертпедіңдер?

Әлемдеріңнің ғажап күйін,

шертпедіңдер сендер.

-Балалар, мен сендерге «Ертегілер елінен» келіп отырмын. Өздеріңе арнайы алып келген, ертегім де бар. Бірақ, ертегімді бастамас бұрын, менің елімнің тұрғындарының сендерге арнайы дайындаған сұрақтары бар. Кейіпкерді тауып, оның сұрағына жауап беруге дайынсыңдар ма? Ендеше, бастаймыз.

1.Қызыл Телпек: Балалар жылдың қай мезгілі?2. Бауырсақ: Күз екенін қайдан білеміз?

3. Мысық: Күз айларын ата.

4. Қаршақыз: Бір аптада неше күн бар?

5. Буратино: Бүгін аптаның қай күні?

6. Мыстан кемпір: Бір жылда неше мезгіл бар?

7. Маша: Ай көп пе, апта көп пе?

- Енді балалар бүгінгі ертегіміз « Қасқыр мен жеті лақ» ертегісі.- Балалар қасқыр туралы не білесіңдер?- Қандай жануар?- Жабайы жануар, Қауіпті аңдар қатарына жатады.- Қасқыр туралы мына өлеңді еске түсірейік.

Мен көкжал қасқырмын,Малшыны састырдым.Аш болсам ұлырмын,Ауылды торыймын.- Ешкі,лақ қандай жануар?- Үй жануарларына жатады.- Етімен, сүтімен бізге пайдалы.- Лақ туралы қандай өлең, тақпақ білесіңдер.

Лақ жүреді секіріп,

Өсіп келеді жетіліп.

Ойынға бір тоймайды,

Секіруді қоймайды.

Автор: Баяғыда бір ешкінің жеті лағы болыпты.Ешкі көк майсада шөп жеп, мұп-мұздай су ішуге орманға кетеді екен.Ол кетісімен лақтары үйшік есігінің күршегін іліп алып, өздері ешқайда шықпайды екен.Ешкі өрістен келген соң, есікті қағып:

Ешкі: Лақтарым, шырақтарым!

Аша қойыңдар, аша қойыңдар!

Аналарың келді-

Сендерге сүт әкелді!

Автор:Ешкі орманға кеткенін байқап қасқыр: О, мына орманда ешкі де тұрады екен ғой!Өзінің неше лағы бар, оңай олжаға тап болдым ғой.Қарным бір тоятын болды.(деп қарнын сипап қояды.)