Жол ережелерін білу туралы қазақ әдебиеті мақаласы

Жол ережелерін білу –бәрімізде бір заңдылық!

Жер бетіндегі барлық адамға ортақ қалыптасқан заңдылық бар, ол-адамдар арасындағы ұғыныстық. Бірін-бірі демеуі, қолдауы, қол ұшын созуы бұлар-адамгершілік қасиеттің айнымас белгілері іспеттес. Әр адам адамгершілік сатысынан алғанда осы міндеттерді жоғары қойып, оны ұстана білуі тиіс. Адамдар арасындағы өзара түсіністік кез-келген қауіп-қатердің алдын алу үшін тиімді. Қазіргі қоғамға зер салып қарап отырсаңыз, апатты жағдайлар да қаза тауып жатқан адамдардың саны бірнеше есеге артқан . Апатты жағдайлардың түрлері өте көп. Мысалы: көліктердің апатқа ұшырауы,өртке орану, табиғаттың тылсым күші салдарынан, яғни жер сілкінісінен, сел, тасқын салдарынан жапа шегіп жатқандар адамдар саны да жетерлік.

Қазіргі қоғамның өзекті мәселесіне айналған сол тақырыптардың бірі де бірегейі – жол - көлік оқиғалары болып табылады. Сол жол апатының салдарынан қаншама адамдардың өмірі қиылды.

Дәл осындай оқиғалардың болуына себеп неде?

Бұл оқиғаларға себепкер болатын болуы мүмкін бірнеше жағдайларға тоқталайық:

Жүргізушінің көлікті мас күйінде жүргізуі;

Жаяу жүргіншінің жол ережелерін сақтамауы;

Жол ережелерінің заңдылықтарын білмеуі;

Жол ережелерінің заңдылықтарын біле тұра,оны сақтамауы т.б.

Жолдан жүріп өтуші мен жүргізуші арасындағы түсіністіктің болуы , қоғамдағы болып жатқан апатты жағдайлардың алдын-алары анық. Қоғамдағы болып жатқан күнделікті жаңалықтарға назар аудару, заңдылықтарды сақтау әрбір азаматтың міндеті. Біз жол ережелерін сақтау арқылы тек өз өміріміздің емес, өзгелердің өміріне жауапты екенімізді ұмытпауымыз керек. Жаяу жолдан сүрінсек те,тағдыр жолынан сүрінбесеңіздер екен.......!

Жол ережелерін білу –бәрімізге ортақ заңдылық!

Амантай Арай Абзалқызы